Ibrani 9:19 - Abun Scripture

¹⁹ Suga nyim tuya Musa kibot Yefun Allah bi os nyim ne bi sukduno-i mwa ne sino nai ye Israel jam. Orete Musa nai sapi gan si kambing ge ndi dé ete fros su syur. Musa nai es mis gato gum do hisop gato ye far domba go er mone, ete ras mo suge dé su syur ne. Musa jom es ne sa, an dar suge dé mo kertas gato ye rum su os nyim ne bi sukdu-i gato ye krom mo mit ne. An dar suge dé mo ye Israel mwa ne sino dom.

Ibrani 9:19 ပူးပေါင်းရင်းမြစ်များ

Matius 27:28

Yesukmise ne jogru Yefun Yesus bi san, ete án it san er mo Yefun Yesus, {san er gato sagana ye Roma bi yekwesu it ne}. Yesukmise siker Yefun Yesus anane.

Markus 15:17

Yesukmise ne siker Yefun Yesus sare do, Yefun Yesus yeraja. Sane yesukmise ne it san er mo Yefun Yesus, {san er gato sagana ye Roma bi yekwesu it ne}. Orete yesukmise nai kweran gato jak mó, ete án far kweran bot yu tepsu bumam, ete án bom mo Yefun Yesus su.

Markus 15:20

Yesukmise ne kamo su Yefun Yesus, or án jogru san er ne kadit, ete án it Yefun Yesus bi sansun ne satu mo Yefun Yesus. Orete án gwat Yefun Yesus mu nden wa án mban mo kwesukwin.

Yohanes 19:2

Yesukmise ne nai kweran gato jak mó, ete án far kweran ne bot yu. Orete án bom mo Yefun Yesus su. Orete yesukmise nai yekwesu bi san gato te kur, ete gwom mo Yefun Yesus.

Yohanes 19:5

Sane Yefun Yesus syesyar mo nden, An bom kweran jak gato yé far bot yu ne tó, An it san te kur ne tó. Pilatus ki nai yé mwa mone do, ”Ye gare anane it!”

Ibrani 1:1

Suga nyim tuya Yefun Allah tarubot yenabi wa men bi amui. An yo bi suktaru ne dik nde, wo An bi suktaru ne mwa. Yenabi mwa ne gwat sukamno subot Yefun Allah bi suktaru ket kwayo-kwayo.

Ibrani 10:22

Sane men karowa Yefun Allah su men mit dik si men onyar dik et, men onyar kem pe mo Yesus Kristus et. Men karowa Yefun Allah yo, men bi sukjimnut mo men mit waiyu mo sukibit gato men ben suga nyim ne o nde, we men jam do, Kristus tot sukibit ne or wé kadit men it. Men karowa Yefun Allah yo, men onyar kwo, ben sato men kaim kwo tepsu ye mus men su syur kwo it.

Ibrani 10:4

We, sare, sapi si kambing ge ndi dé ne yo nggiwa tot sukibit gato men ben ne or wé kadit men nde.

Ibrani 12:24

Mone nin ku Yefun Yesus gato dé sye wa kak os be tepsu yegweswai wa men yetu. Yefun Yesus dé-i ne sa, ben sato ye dar mo nin mo sukibit gato nin ben ne subere tot sukibit ne or wé kadit nin re. Yefun Yesus dé-i gato sye wa kak os gato be ne sa, bi sukdu-i gato Yefun Allah tom su men ndo wai kadit sukdu subot Habel dé-i ne o re. Sane nin yo ku sukye tepsu ye Israel nde, wo ben sato nin ku suk mwa gato ndo mo gu ne it.

Ibrani 9:12

An sok mo Yefun Allah dakai bi gumwak fo mo nu ne mit mo gu re. Kristus sok mone An ben suk wa men wam dik sor re, tep it, wam dik ne tep wa kapyo mato kapyo. An yo sok mone o nde. An sok mone sa, An yo gwat suge sato kambing si sapi gan ne dé-i nde, wo An gwat An dakai dé-i. An gwat An dé-i mone anato An tot suktot mo sukibit gato men yetu ben ne wé re, sane sukibit ne yo ut mo men o nde sor to kapyo mato kapyo.

Ibrani 9:13

Suga nyim yesu gato ben suk mo Yefun Allah bi nu nai kambing si sapi ge ndi dé-i. Yesu ne dar i-dé ne mo yé gato Yefun Allah bariwa ne mo suk gato án ben siri kadit Yefun Allah bi sukduno-i. Yesu ne dar suge dé mo án subere Yefun Allah yo bariwa án o nde. Sane dom, sapi gan gato yesu gre wa som Yefun su ne bi bofuf-i, yesu nai ete krer mo nje gato Yefun Allah bariwa ne, subere Yefun yo bariwa yé ne o nde.

Ibrani 9:18

Sane dom, sukdu subot os nyim gato Yefun Allah tom su nje ne, yo kem su nje nde tó, wo suk yo kwop dé sye wa, ete sukdu ne kem su nje it. Kadit kam ne yé benbot it anane.

1 Petrus 1:2

Yefun Allah ete mewa nin tep yi sor nde, wo wai o re. Sane dom, Yefun Allah ete uttok nin mo suk mwa ne sino petok sor. Men bi Ai, Yefun Allah nai nin gum sok mo An bi rus-i sagato An fro suga nyim tuya wé re. Yefun Allah Gen bok nggwa mo nin anato nin bi nin nggwa mo Yefun Allah wa nin ben Yefun bi suk-i sor. Sane anato nin jammo Yesus Kristus, ete Yesus Kristus dé gato sye ne ben sato ye dar mo nin mo sukibit gato nin ben ne subere tot sukibit ne or wé kadit nin re.