Ibrani 8:8 - Abun Scripture

⁸ sarewo Yefun Allah me do, ye Israel ben bi suk-i siri kadit os nyim ne. Sane Yefun Allah ki nai án do, ”Bere bi kam gato tep wa os be ne bor, Bere Ji frot Ji bi os gato be ne su yewis ye Israel sisu yewis ye Yehuda ne sino.

Ibrani 8:8 ပူးပေါင်းရင်းမြစ်များ

Matius 26:28

Ji dé anare, bere Ji dé sye wa yé mwa subere kak os be wa Yefun Allah nai yé mwa sok mo An bi rus-i sagato An tom ne. Ji dé ré tepsu suktot gato Yefun Allah tom ne. Ji dé ré anato sye wa kak os subere Yefun Allah yo maskwa nin mo sukibit mwa gato nin yetu ben ne o nde, An yo nutbot o nde, tepsu An rus sukibit ne wé it.

Markus 14:24

Yefun Yesus ki nai An bi pakon do, ”Ji dé anare, bere Ji dé sye wa yé mwa subere kak os be wa Yefun Allah nai yé mwa sok mo An bi rus-i sagato An tom ne. Ji dé ne tepsu suktot gato Yefun Allah tom ne.

Lukas 17:22

Orge Yefun Yesus ki nai An bi pakon do, ”Kam sari ne ma bere nin iwa nin ku Ji, gato Yetu bi Pa. Bere nin iwa Ji satu ma si nin kem kom mo kam dik yo sor re, sarewo nin yo ku os wa nin ku Ji mo nde.

Lukas 22:20

Sane dom, án sino git sugit, or Yefun Yesus nai sukbo su nau anggur, ete An ki do, ”Nau gato ji sye wa nin ré anato tepsu Ji dé gato bere sye ne subere Ji kak os gato be wa Yefun Allah nai nin gum sok mo An bi rus-i sagato An tom ne.”]

Lukas 5:38

Men ben sane nde, wo men sye nau anggur be mo sukbo be, subere nau si bi sukbo ne sino kem ndo.

1 Korintus 11:25

Sane dom, án sino git sugit, or Yefun Yesus nai mok su nau anggur, ete An ki do, ”Nau gato Ji sye wa nin ré anato tepsu Ji dé gato sye subere Ji kak os gato be wa Yefun Allah nai nin gum sok mo An bi rus-i sagato An tom ne. Nin da nau yo, nin waii ben sato Ji ben ré subere nin napawa Ji.”

2 Korintus 3:6

Yefun Allah anato ben men nggiwa men gwat sukdu subot os be gato Kristus kak wa men ne. Os be bi sukduno-i yo tepsu sukduno gato kam nyim Musa krom ne nde, wo sukduno be ne ma kadit Yefun Allah Gen. Sukduno nyim ne gwat sukkwop wa men, wo sukduno be gato men jam kadit Yefun Allah Gen ne sa, bere kak os wa men mbau to kapyo mato kapyo.

Ibrani 12:24

Mone nin ku Yefun Yesus gato dé sye wa kak os be tepsu yegweswai wa men yetu. Yefun Yesus dé-i ne sa, ben sato ye dar mo nin mo sukibit gato nin ben ne subere tot sukibit ne or wé kadit nin re. Yefun Yesus dé-i gato sye wa kak os gato be ne sa, bi sukdu-i gato Yefun Allah tom su men ndo wai kadit sukdu subot Habel dé-i ne o re. Sane nin yo ku sukye tepsu ye Israel nde, wo ben sato nin ku suk mwa gato ndo mo gu ne it.

Ibrani 7:22

Sane men jam do, sangge, os be gato Yefun Yesus tepsu yegweswai wa ne anato ndo wai kadit os rok mo Musa bi sukduno-i ne o re.

Ibrani 8:13

Mo sukdu ne Yefun Allah ki do, ”Ji frot Ji bi os gato be su yewis ye Israel.” Yefun Allah ki do, os ne anato os be. Sane os gato An tom su ye Israel suga nyim tuya ne, Yefun ki do, os gato rok ne yo ndo wa men sibot o nde, bergan os ne yo mó o nde. {Sane men sibot os gato be ne sor.}

Ibrani 8:6

Sarewo su ré, Yefun Allah bes Yefun Yesus tepsu yegweswai wa men yetu si Yefun Allah. Yefun Yesus ben An bi suk-i tepsu Yekwesu ne ndo wai kadit yekwesu mwa gato nyim neya o re, we os be gato Yefun Yesus gwat ma ne ndo wai kadit os nyim ne. Os be ne ndo wai, we os be ne i-ke mo suk gato Yefun tom su men gato ndo wai kadit suk gato Yefun tom mo os nyim ne o re.

Ibrani 9:15

Kristus dé sye wa men, sane anato Kristus ma gwat os be gato Yefun Allah tom su men ne, subere yé gato Yefun Allah nai sok mo An bi rus-i, bere ku suk gato ndo wai mo gu, gato Yefun Allah tom su án ne. Suk gato ndo wai ne anato gesyos. Kristus kwop wa men yetu anato bere men ku suk mwa mone. Men yetu gato ben suk siri kadit os nyim bi sukduno-i ku sukye mone. Sane Kristus kwop wa An tik men yetu syim wé kadit sukye gato men ku mone.