Suga nyim tuya, kamdik-kamdik ye Yahudi bi yesu gato ben suk mo Yefun Allah bi nu bok ne sino ben suk tepsu yegweswai wa Yefun Allah si ye Yahudi. Yesu ge bok ne gu suge ete dar i-dé, si suk bok yo o tepsu Musa bi sukduno-i. Yesu ben suk sane sane sor, yé gu suge wam dik sor nde, wo yé gu suge deyo-deyo gat petok sor, sarewo suge bok gato yé gu ne yo tep wa tot sukibit gato men yetu ben ne nde, yo karowa wokgan dom nde.
Ibrani 8:4 - Abun Scripture4 An do kem pe mo bur ré yo, bere An yo ben suk tepsu ye Israel bi yekwesu mo Yefun Allah bi nu nde, we yekwesu gato syo suksom nai Yefun tepsu Musa bi sukduno-i ne mó re. အခန်းကိုကြည့်ပါ။ |
Ibrani 8:4
11 ပူးပေါင်းရင်းမြစ်များ
Habel onyar kem mo Yefun Allah, sane anato Habel gwat suksom gato ndo wai kadit suk gato Kain gwat ma ne ete gre wa som Yefun su ne. Habel ben bi suk-i, an onyar kem mo Yefun, {wo Kain gwat bi suksom ne yi, an yo onyar kem mo Yefun nde.} Sane anato Yefun Allah iwa suksom gato Habel gwat ma ne sor re, ete Yefun Allah nut mo Habel ne do, an sa, tep wa Yefun nai sok mo Yefun bi rus-i. Habel ne kwop re, sarewo sukdu subot suk gato an ben tepsu ye gato onyar kem mo Yefun Allah ne kem su men tó anare.
Suga nyim tuya, Yefun Allah bes ye Israel ge bok yo tepsu yekwesu gato gum kok wai mo Yefun Allah bi nu. Yekwesu ne ben suk tepsu yegweswai wa Yefun Allah si ye Israel. Yekwesu ne tepsu ye gato mo miten wa Yefun Allah si An bi rus-i. Suksom gato Yefun Allah bi rus-i ne syo wa som Yefun Allah su ne, yekwesu ne syo nai Yefun Allah. Yekwesu ne gu suge ne kwop tepsu suktot wa tot sukibit gato ye Israel ben ne wé dom.
An yo ben bi suk-i tepsu yekwesu gato gum kok wai mo Yefun Allah bi nu dogato nyim neya nde, An bi An nggwa wam dik wa tot sukibit gato men yetu ben ne sor re. Sarewo suga nyim tuya, kamdik-kamdik yekwesu mo Yefun Allah bi nu ne gu suge, suge ne dé sye wa tot sukibit gato án dakai ben ne mu nai Yefun Allah ne or wé, ete án waii gu suge yo o wa tot sukibit gato ye Israel yi neya ben ne o. Yekwesu ne ben suk sane gat sor. Sarewo Yefun Yesus dakai bi An nggwa, An kwop, An dé sye tepsu suktot wa tot sukibit gato men yetu mwa ne sino ben ne mu nai Yefun Allah wam dik sor re, tep wa kapyo mato kapyo.
Suga nyim tuya, ye Israel bi yekwesu gato gum kok wai mo Yefun Allah bi nu ne sino, Yefun bes yekwesu ne wa som Yefun Allah su suksom bok yo, ete gu suge wa tot suktot mo sukibit gato yé ben ne wé. Sane Yesus Kristus, men dakai bi Yekwesu gato gum kok wai, An dom tot suktot mo sukibit gato men ben ne wé re.
Suk gato yesu ben ne tepsu sukamno wa men su kam ré, men nutbot sisu ndo et. Bere men jam rer do, suk gato yesu ben suga nyim ne yo kak os ndo wa men ku Yefun nde, we sare, suksom si suge dé gato yé som Yefun su ne, yo nggiwa ben yé gato som Yefun Allah ne bi sukjimnut mo án mit ne kem not nde, wo bere án bi sukjimnut waiyu mo sukibit gato án ben ne tó.
ကြော်ငြာတွေ