Ibrani 8:2 - Abun Scripture

² An ben suk tepsu yegweswai gato gum kok mo Yefun Allah dakai bi gumwak-i, gato fo mo Yefun Allah bi nu mit mo gu. Nu mo gu ne yetu yo nggo nde, wo Yefun Allah dakai sor anato nggo An bi nu-i gato sangge mo gu ne.

Ibrani 8:2 ပူးပေါင်းရင်းမြစ်များ

Lukas 24:44

Orete Yefun Yesus ki nai pakon ne do, ”Ji kem sisu nin tó, Ji ki nai nin nyim wé do, suk mwa gato yé krom subot Ji mo Musa bi sukdu-i, yenabi bi sukdu-i si Mazmur ne sino, bere bor mo Ji re.”

Roma 15:8

Ji ki sare do, Kristus ma kak os ndo wa ye Yahudi sok mo Yefun bi rus-i, subere ye jam do, suk gato Yefun Allah tom su men bi amui, An benbot it, An yo brek kadit nde.

2 Korintus 5:1

Men kaim ré tepsu nu ti gato men kem mó, mo bur ré. Sane men jam do, nu ti ne ye do rus wé it yo, bere Yefun Allah fro nu be wa men mo gu. Yetu yo nggo nu mo gu nde, wo nu gato Yefun Allah dakai fro wa men mone bere kem krat to kapyo mato kapyo.

Kolose 2:11

Nin si Kristus tepsu dik it, sane tepsu ye bisunat nin it anane. Sunat gare yo tepsu sunat gato yetu ben mo yetu kaim ne nde, wo sunat ne ma kadit Kristus. Sunat gato ma kadit Kristus ben sato kum nin bi sukjimnut gato tik nin mit iwa nin ben sukibit bu ne toko wé re.

Ibrani 10:11

Suga nyim tuya, kamdik-kamdik ye Yahudi bi yesu gato ben suk mo Yefun Allah bi nu bok ne sino ben suk tepsu yegweswai wa Yefun Allah si ye Yahudi. Yesu ge bok ne gu suge ete dar i-dé, si suk bok yo o tepsu Musa bi sukduno-i. Yesu ben suk sane sane sor, yé gu suge wam dik sor nde, wo yé gu suge deyo-deyo gat petok sor, sarewo suge bok gato yé gu ne yo tep wa tot sukibit gato men yetu ben ne nde, yo karowa wokgan dom nde.

Ibrani 10:21

Sane su ré Yefun Yesus ben suk tepsu yegweswai wa men si Yefun Allah. Kristus ben suk tepsu yekwesu gato gum kok wai wa men mo Yefun Allah bi nu mo gu.

Ibrani 11:10

Abraham kem mo bur det ne sa, an onyar kem mo Yefun, we an es ndek wa kota gato Yefun Allah dakai fro ete nggo ne bor et. Kota ne bere bi pondasi nggi, ete kem to kapyo mato kapyo sor.

Ibrani 9:1

Os gato Yefun Allah kak wa men yetu si An kem ndo suga nyim ne, bi sukduno-i mó re. Musa krom sukduno subot suk gato yé ben wa yé som Yefun Allah su ne. Sane dom, mo os gato nyim ne, yé nggo nu wa yé som Yefun mone.

Wahyu 21:3

Orete yé jam Yefun Allah mo An bi kursi sye ne ki sye sare do, ”Ré yo, Ji, Yefun Allah, ma kem sisu yetu it! Bere Ji ma sisu yetu kem mo nat dik sino re. Yetu ne tepsu Ji bi rus-i re. Ji dakai sisu Ji bi rus-i kem mo nat dik sino tepsu yetu bi Yekwesu ne o re.