Ibrani 5:7 - Abun Scripture

⁷ Yefun Yesus kem mo bur ré tó sa, An ki suk su Yefun Allah, An benadi, ete An wo su. An ki suk nggi su Yefun Allah gato nggiwa nai An wé kadit yé gato iwa gu An kwop ne. Yefun Yesus iwa jammo Yefun Allah, sane anato Yefun Allah iwa jam suk gato An ki nai Yefun Allah ne.

Ibrani 5:7 ပူးပေါင်းရင်းမြစ်များ

Matius 27:46

Kam dek, jam gri, ete Yefun Yesus saiye su a Ibrani do, ”Eli, Eli, lama sabakhtani?” gato bi sukjimnut do, ”Ji bi Ai, Yefun Allah, Ji bi Ai, Yefun Allah, Nan misyar Ji wa suma ne?”

Matius 27:50

Orge Yefun Yesus saiye nggi wam dik yo o sa, An mas bok it, An Gen satu mu mo bi Ai.

Markus 15:34

Kam dek, jam gri ete Yefun Yesus saiye su a Ibrani do, ”Eli, Eli, lama sabakhtani!” gato bi sukjimnut do, ”Ji bi Ai, Yefun Allah, Ji bi Ai, Yefun Allah, Nan misyar Ji wa suma ne?”

Markus 15:37

Yefun Yesus saiye nggi sa, An mas bok it.

Lukas 23:46

Orge Yefun Yesus saiye nggi do, ”Ji bi Ai, Nan nai Ji gen, Nan mewa.” Yefun Yesus do ki suk ne or sa, An mas bok it.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Yohanes 11:35

Orete Yefun Yesus wo.

Yohanes 11:42

Ji jam do, Ji ndek suk mo Nan yo, bere Nan jam, ete Nan syo nai Ji re. Sarewo Ji ki sukdu ré subere yé mwa gato sum more jam do, sangge, Nan anato syogat Ji ma mo bur ré.”

Yohanes 17:1

Yefun Yesus ki sukdu su An bi pakon subere pakon ne nyuwa suk daret nde or sa, Yefun Yesus sok mu nim mo gu, ete An ki do, ”Ji bi Ai, Ji bi kam tep it are. Ji bi Ai, Ji gato Nan bi Gan, Nan bes Ji gum kok sye wai et, subere Ji waii bes Nan gum kok sye wai o re.

Roma 8:3

Sukjimnut gato tik men mit wa ben sukibit ne jom men yetu. Sane anato ye Yahudi bi sukduno-i yo nggiwa ós men nde. Sane Yefun Allah fro bi os-i tara re. Yefun Allah syo An bi Gan ma mo bur ré su kaim ka sa men yetu kaim. Yefun Allah syo An bi Gan ma wa bi nggwa tepsu suktot wa men subere kak sukjimnut ibit ne wé kadit men re.

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

Ibrani 10:10

Kristus benbot suk gato Yefun Allah mit iwa ne, sane anato Kristus bi An nggwa kwop wa men wam dik sor re, tep wa kapyo mato kapyo. An bi nggwa subere tot sukibit gato men ben ne or wé kadit men sino, men bi sukjimnut waiyu mo sukibit gato men ben ne o nde, wo men onyar kwo it.

Ibrani 10:5

Sane anato Kristus ma mo bur ré sa, An ki nai Yefun Allah sare do, ”Yé gu suge ete i-dé sye wa tot suktot mo sukibit gato yetu ben ne yo, Nan yo iwa nde. Sane dom, Nan yo iwa yé syo suksom bok yo daret nai Nan wa yé som Nan su nde, wo Nan dakai fro Ji kaim tepsu suktot ne o re.

Ibrani 11:7

Yenggras Nowak onyar kem mo suk gato Yefun Allah ki ne, sane anato Yefun Allah ki subot suk gato bere Yefun ben bor mo bur ré nai Nowak jam nyim wé re. Kapre Nowak yo me suk gato bere Yefun ben ne su an gro nde tó, Nowak onyar kem mo Yefun Allah. Nowak jammo suk gato Yefun ki ne, ete Nowak tem kapal sye. Ri ma an si an bi rus-i it mo kapal mit kadit syur syé. Sane Yefun Allah syo sukye nai nje mo bur ré su syur syé. Syur syé gu nje kwop or, sarewo Nowak si bi rus-i kem ndo kadit syur ne. Nowak onyar kem mo suk gato Yefun ki ne, anato Yefun Allah nutbot do, Nowak sa, an tep wa Yefun nai an sok mo Yefun bi rus-i sor.

Ibrani 12:28

Sane, men ki ndo mo Yefun Allah et, we An nai men gum sok mo nat gato An jom, gato kem krat ne it. Sane men ki ndo mo Yefun Allah, men som An et. Men bes An gum kok, men jammo An, sagato An dakai iwa men ben ne sor,

Ibrani 13:20

Yefun Yesus kwop, An dé sye anato An kak os be gato gesyos, os be ne kem su men kadit kam ne sor to kapyo mato kapyo. Sane Yefun Allah sun men bi Yekwesu Yesus Kristus satu kadit sukkwop, ete An bes Yesus Kristus gum kok wai wa mewa men yé gato sibot os be ne. Kristus mewa men tepsu yetu mewa bi suksi sato domba ne sisu ndo.

Ibrani 2:14

Pa mwa ne tepsu yetu gato da kridek. Sane anato Yefun Yesus dakai ben nggwa tepsu yetu gato da kridek mó dom. An ben nggwa tepsu yetu subere An kwop sa, An ku os wa An nai biris bi yekwesu bi suktinggi gato gwat sukkwop ma wa men yetu ne wé. Yefun Yesus ben biris bi yekwesu ibit it anare, Yefun syat suktinggi ibit ne wé re.

1 Yohanes 4:3

Sarewo ye gato ki do, Yesus Kristus ma mo bur ré yo tepsu yetu nde yo, Yefun Allah Gen yo kem mo ye ne nde. An ki an bi sukdu-i kadit biris bi yekwesu gato tepsu yeko wa Kristus ne. Nin dakai jam suga nyim ne do, biris bi yekwesu ne bere ma, ete ré ne, biris bi yekwesu ne ben bi suk-i bor mo bur ré re.

2 Yohanes 1:7

Yé mwa gato kidar suk frekbot bur ré iwedewe mó re. Ye gane ki bi sukdu-i sare do, ”Yesus Kristus ma mo bur ré yo, An yo ma su kaim tepsu yetu nde.” Ye gato ki sukdu sane, an kidar, an ki bi sukdu-i tepsu yekwesu mo yeko wa Kristus.