Ibrani 5:6 - Abun Scripture

⁶ Yefun Allah ki mo bi sukdu mo nat yi yo o do, ”Nan anato gum yekwesu mo Yefun Allah bi nu to kapyo mato kapyo. Nan tepsu yegweswai gato sok mo Melkisedek bi de-i.”

Ibrani 5:6 ပူးပေါင်းရင်းမြစ်များ

Ibrani 5:10

Yefun Allah bes Yefun Yesus gum Yekwesu gato kok wai o re, tepsu yegweswai gato sok mo Melkisedek bi de-i.

Ibrani 6:20

Yefun Yesus duk os mu nyim mo men gwem sok mo gumwak fo ne it. An sok mone tepsu yegweswai wa men si Yefun Allah. Yefun Yesus ben suk tepsu yekwesu gato gum kok wai mo Yefun Allah bi nu wa men sane sor kem to kapyo mato kapyo, tepsu yegweswai gato sok mo Melkisedek bi de-i.

Ibrani 7:11

Yefun Allah bes ye Lewi tepsu yesu gato ben suk mo Yefun Allah bi nu, ye Lewi ben bi suk-i tepsu yegweswai wa ye Israel si Yefun Allah. Ye Lewi kibot Musa bi sukduno-i nai ye Israel jam, sarewo sukduno ne yo tep wa kak os wa nje sok mo Yefun Allah bi rus-i nde. Sane anato men mitmo yegweswai dik yo o, tepsu yegweswai gato sok mo Melkisedek bi de-i ne et. Men mitmo yegweswai gato ma kadit Lewi bi dat, Harun si bi yewis-i ne nde, wo men mitmo yegweswai dik yo o gato tepsu Melkisedek et.

Ibrani 7:15

Men ki sukdu subot Yekwesu be gato ma ne rer o wa nin jam et. Yesus Kristus ma tepsu Yekwesu be tepsu yewis daret nde, wo Yesus Kristus tepsu Melkisedek anato Yefun Allah bes Yesus Kristus tepsu Yekwesu be ne.

Ibrani 7:17

Yefun Allah bes Yesus Kristus tepsu Yekwesu, tepsu ye krom mo Yefun Allah bi sukdu sare do, ”Nan anato ku gum yekwesu mo Yefun Allah bi nu to kapyo mato kapyo, Nan tepsu yegweswai gato sok mo Melkisedek bi de-i.”

Ibrani 7:21

Wo Yefun Allah bes Yefun Yesus tepsu yegweswai ne sa, An tom su, An syo syim ete Yefun Allah dakai ki Yefun Allah dakai gum su do, ”Ji tom su Nan mó re. Suk gato Ji tom ne, Ji yo brek kadit nde, Ji ki do, ’Nan anato ku gum yekwesu mo Yefun Allah bi nu to kapyo mato kapyo sor.’ ”

Ibrani 7:8

Yesu gato ben suk mo Yefun Allah bi nu mo Lewi bi yewis-i ne, ye syo suk napyo nai án, sarewo yo nam nde ge, án kwop re, wo Melkisedek sa, Abraham syo suk napyo nai Melkisedek gato kem gesyos, tepsu ye krom mo Yefun Allah bi sukdu ne.