Ibrani 5:2 - Abun Scripture

² Yekwesu ne dakai yo nggi nde, án tepsu yetu mo suk mwa ne sino, án jam án nggwa mone, sane anato bere án bi sukjimnut kak wa án ben án bi suk-i ne njep su ye gato jam suk nde, án ben án bi suk-i ne njep su ye gato muket os siri ne.

Ibrani 5:2 ပူးပေါင်းရင်းမြစ်များ

Lukas 22:32

Sarewo Simon, Ji ndek Yefun Allah wa ós nan, subere nan onyar kem pe mo Ji mo sukye ne, subere nan misyar Ji nde. Kapre nan ges mo os ibit mo sukye ne yo, bere nan kwet kadit, ete nan duno nan bi nji mo Yefun Allah bi rus-i, subere án onyar kem mo Ji nggi wai kadit nyim ne o re.”

2 Korintus 11:30

Sane ji ki subot suk gato ji un ji gum su ne it yo, bere ji ki sukdu subot ji dakai subere nin jam do, ji ré ye gato yo nggi nde.

2 Korintus 12:5

Ji dakai un ye gato ku sukdu ne mo gu, ji nut do, ye ne sa, ku suk gato ndo wai, wo ji dakai sor yo un ji dakai mo suk yo nde. Ji yo ki subot ji dakai subere ye un ji nde, wo ji ki subot ji dakai subere ye jam do, ji ré anato ye gato ben bi suk-i yo nggi nde.

Galatia 4:13

Nin jam do, ji ku suki anato ji si nin kem mone, ete ji ki sukdu subot os ndo gato Yesus Kristus kak ne nai nin su ketke.

Efesus 4:18

Yé ne bi sukjimnut yo kas ri o nde. Án su krat anato án jam nde sukdu subot Yefun Allah, án jam wokgan yo dom nde. Sane án jam nde os gato Yefun Allah kak wa ós án kem ndo ne.

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

Ibrani 12:13

Nin werwa nin ben nin bi suk-i ri-roi et, subere nin kak sukibit gato ut mo nin ne wé et. Sukibit ut mo nin yo, nin tepsu ye gato gwes út. Sane nin werwa nin gwes út krat tok o nde, wo nin ge kadit et.

Ibrani 2:17

Sane An ma tepsu yetu gato da kridek. Mo suk mwa ne sino An kaim tepsu men yé gato sok mo Yefun Allah bi rus-i. Sane bere An ku os wa An ben suk tepsu Yekwesu gato gum kok wai kadit yekwesu yi neya mo Yefun Allah bi nu. An sa, tepsu yegweswai gato ben bi suk-i ri-roi wa men si Yefun Allah, subere men si Yefun kem ndo. An dakai jimnotku yetu ndo nde. An kak os wa men yetu, An bi nggwa win men, subere Yefun Allah yo maskwa men mo sukibit gato men ben ne o nde, Yefun yo nutbot sukibit ne o nde.

Ibrani 2:18

Biris bi yekwesu meret os wa Yefun Yesus subere Yefun ges mo os ibit mó re. Yefun ku sukye mone, wo An yo ges mo os ibit nde. Sane anato An nggiwa os men yé gato biris bi yekwesu werwa ben kidar ges mo os ibit ne dom. Yefun Yesus sa, nggiwa mewa men kadit sukye gato men ku mone.

Ibrani 4:15

Men bi yegweswai gato gum kok wai mo Yefun Allah bi nu ne, An kem mo bur ré sa, An da kridek tepsu men yetu gato yo nggi nde. An kaim rere tepsu men yetu kaim rere. Sane suk yo da ma tik Yefun Yesus mit wa ben sukibit ket kwayo-kwayo tepsu men yetu sino mó re, sarewo An yo ben sukibit yo mo nde.

Ibrani 7:28

Suga nyim tuya, yé sibot Musa bi sukduno-i, sane yekwesu gato gum kok wai mo Yefun Allah bi nu, gato ye bes ne, án yo nggiwa ben bi suk-i ri-roi mo nde. Sarewo tepsu suk gato Yefun Allah tom ete syo syim su, gato bor wari kadit Musa bi sukduno-i ne, Yefun Allah bes An bi Gan gum Yekwesu gato gum kok wai mo Yefun Allah bi nu o re. An bi Gan sa, Yekwesu gato ben bi suk-i ne ri-roi sane sor to kapyo mato kapyo.

Ibrani 9:7

Wo yekwesu gato gum kok wai mo Yefun Allah bi nu sor ete sok mo gumwak fo mo nu kemah de dari. Yekwesu ne, an sok mo gumwak fo ne tahun dik, wam dik sor. Yekwesu ne sok mo gumwak fo ne yo, yekwesu ne sok yi nde, wo an gwat suge dé tepsu suktot wa tot sukibit gato an dakai si ye Israel ne sino ben ket jam nde.

Yakobus 5:19

Ji bi nji, ji bi nyanggon, nin deyo ges mo os ibit kadit Yefun bi os-i it yo, orete yetu ge dik yo ós wa kar an satu ma mo Yefun Allah bi os-i yo,

1 Petrus 2:25

Suga nyim neya nin jam nde os gato sangge sato domba gan gato muri, wo su ré sa, Yefun Allah kar nin satu, subere nin jammo Yefun Yesus gato mewa nin, tepsu suksi jammo ye gato mewa suksi ne sisu ndo ne. Yefun Allah kar nin satu ma mo Kristus subere Kristus uttok nin petok sor.