Ibrani 4:1 - Abun Scripture

¹ Suk gato Yefun Allah tom su ye Israel subere ye Israel kem not mo Yefun Allah bi nat-i ne kwop mone it. Suktom ne ndo wa men tó. Sane men mewa men nggwa subere Yefun Allah do watbot men it yo, men ge dik yo gwet mo nde, wo men yé mwa ne sino kem not mo An bi nat-i tepsu suk gato Yefun tom ne.

Ibrani 4:1 ပူးပေါင်းရင်းမြစ်များ

Matius 24:48

Wo pakwerut ne ben sukibit, ete pa nut mo pa dakai do, ’Ji bi yenggras, nam ete bere ma,’

Suk Gato Yerasul Ben Ne 3:19

Sane nin kwet, nin brek kadit os ibit, ete nin jammo Yefun Allah et. Nin kwet subere Yefun Allah yo maskwa nin mo sukibit gato nin ben ne o nde, wo ben sato Yefun rus sukibit gato nin ben ne wé re.

Roma 11:20

Sangge, i-guk bok ne Yefun Allah tot wé, we yé bok ne yo onyar kem mo Kristus nde, sarewo Yefun Allah but nin dom kweke mone, we nin sa, onyar kem mo Kristus. Sane nin mit at teker eta nde, wo nin nyu et,

Roma 3:23

Men yetu mo wis mwa ne sino ben sukibit re, men sino yo nggiwa men dakai kom mo pe gato Yefun Allah bi suktinggi bor wa ós men kem ndo ne mo nde.

1 Korintus 10:12

Sane ye to nut mo an dakai do, an sa, ye gato onyar kem pe mo Yefun Yesus it yo, ndo sa an mewa an nggwa, sawe an ges satu mo os ibit o.

2 Korintus 6:1

Men anato ye gato ben Yefun Allah bi suk-i, sane men ki nai nin do, nin kamo su os ndo gato Yefun Allah dakai fro yi wa nin nde. Yefun Allah dakai fro os ne wa nin, nin yo ben suk yo nyim wa An nde, sane nin misyar os ndo ne nde, wo nin simo os ne sisu sangge sor.

Galatia 5:4

Nin yé gato werwa benbot ye Yahudi bi sukduno-i, we nin nut do, bere Yefun Allah nai nin sok mo An bi rus-i mone, bere siri re. Nin werwa mone anato nin jam nde Yesus Kristus o re. Nin jam nde os ndo gato Yefun Allah dakai fro wa men o re.

2 Timotius 2:13

Men do misyar An yo, bere An yo misyar men nde, we An mit kem mo men, sane An yo ben suk siri kadit An mit nde.”

Ibrani 12:15

Nin mewa yu sawe nin deyo mu brek dari tak Yefun Allah gato ben bi suk-i ne ndo wai su men dakai yi. Nin mewa yu sawe nin deyo gwat os ibit wa nin. Tepsu sukjan gato bi ri mó, ete ri ne waii tok sukjan yi mwa neya, bere te re, nin mewa yu kadit ye gato gwat os ibit gane ma, sawe os ne ben sukye wa nin sino, ete kom mo rut ben nin ibit o re.

Ibrani 12:25

Sane yo, men mewa men nggwa subere men yo bariwa jammo sukdu gato Yefun Allah ki ne nde. Yé gato bariwa jammo Yefun Allah bi sukdu gato ye ki mo banbo Sinai ne sa, yé ne yo ku os wa titi kadit sukye gato Yefun Allah fro ne nde. Sane dom, men ré do bariwa jammo sukdu gato Yefun gato gum kok mo gu ki ne ma it yo, bere sa u ne? Bere men yo ku os nde go!

Ibrani 13:7

Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et.

Ibrani 3:11

Sane Ji maskwa ket án, ete Ji tom su án do, ’Mara! Nat gato Ji fro wa Ji si án kem not mone yo, bere án yo kom mone nde go!’ ”

Ibrani 4:11

Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Ibrani 4:9

Sane Yefun Allah tom su An bi rus-i do, An fro bi kam-i gato men kem not ne mó re, tepsu Yefun Allah kem not su kam domufit ne, bere men si Yefun kem not mone tó.