Ibrani 2:8 - Abun Scripture

⁸ Nan ben yetu nggiwa yetu jom suk mwa ne sino or re, suk dik yo gato yetu yo jom nde ne yo mo nde.” Mo sukdu ne, ye ki do, Yefun Allah ben yetu nggiwa jom suk mwa ne sino or re. Sane sukdu ne bi sukjimnut do, suk dik yo gato yetu yo jom nde, bere yo mo nde, suk yo gwet mo nde, bere suk mwa ne sino jammo yetu. Sarewo su ré, men jam do, yetu yo jom suk mwa ne nde tó.

Ibrani 2:8 ပူးပေါင်းရင်းမြစ်များ

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Yohanes 13:3

Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Yohanes 3:35

Men bi Ai, Yefun Allah jimnotku An bi Gan, ete An syo suk mwa mo An bi Gan syim wa An bi Gan jom sino.

1 Korintus 15:27

Ye krom mo Yefun Allah bi sukdu do, ”Yefun Allah anato ben suk mwa ne jammo Kristus.” Wo Yefun Allah dakai yo sok mo ”suk mwa” ne nde, Yefun Allah ti dor mo nden re, wo Yefun Allah ben suk mwa ne jammo Kristus sor re.

Ibrani 1:13

Yefun Allah yo ki sukdu tepsu sukdu ré nai malaikat ge dik yo dom nde, wo Yefun ki sukdu ré nai An bi Gan sor re, sare do, ”Nan kem tak Ji de syim ge, Nan si Ji tepsu Yekwesu sino mone sane sor Ji syo yeko gato iwa gu Nan mo Nan syim, subere án jammo Nan et.”

Ibrani 1:2

Wo su kam gato karowa bur kru ré sa, Yefun Allah syo An bi Gan ma, An tarubot An bi Gan wa men re. Su ketke Yefun Allah syo suktinggi nai An bi Gan anato su ketke An bi Gan ut suk mwa mo bur ré si gu nim ne sino. Yefun Allah bes An bi Gan subere suk mwa ne sok mo An bi Gan bi suk-i ne sino.

Ibrani 2:5

Men ki sukdu subot bur be gato bere Yefun Allah fro wa men yetu kem mó, bur ne bere bor su kam sari ne ma. Mo bur be ne bere Yefun Allah yo bes malaikat tepsu yesu wa jom men yetu nde.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.

Wahyu 1:18

Ji anato Ye gato kem gesyos. Ji kwop, sarewo ré ne Ji mbau to kapyo mato kapyo. Ji anato nggiwa Ji sun nje kadit sukkwop. Ji anato nggiwa Ji sun nje kadit Yefun Allah bi gwinggri syo mo bur desnak ne mbau satu.

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.