Ibrani 2:18 - Abun Scripture

¹⁸ Biris bi yekwesu meret os wa Yefun Yesus subere Yefun ges mo os ibit mó re. Yefun ku sukye mone, wo An yo ges mo os ibit nde. Sane anato An nggiwa os men yé gato biris bi yekwesu werwa ben kidar ges mo os ibit ne dom. Yefun Yesus sa, nggiwa mewa men kadit sukye gato men ku mone.

Ibrani 2:18 ပူးပေါင်းရင်းမြစ်များ

Lukas 22:28

Nin ré, nin sisu Ji pe mo sukye sino gato Ji ku ne.

Lukas 22:53

Kamdik-kamdik Ji si nin mo Yefun Allah bi nu de mo ros de mit ne, wo nin yo but Ji nde. Sarewo ye gato biris bi yekwesu jom ne ben an bi suk-i su noru anato nin ma but Ji su noru ré.”

Yohanes 10:29

Ji bi Ai gato syo domba ne nai Ji, An sa gum kok sye wai o re. Ye yi yo nggiwa nai domba ne wé kadit Ji bi Ai nde.

1 Korintus 10:13

Suk mwa ma tik nin mit wa nin ben suk siri kadit Yefun bi os-i. Sane dom, yé mwa meret os wa nin subere ben nin ges mo os ibit. Yé mwa meret os wa nin sane sor nde, wo ye meret os wa men yetu mwa ne sino mo bur ré. Sarewo Yefun Allah ben suk su men tepsu An tom ne, An yo misyar suk mwa ne tik men mit teker eta nde. An yo misyar yé mwa meret os wa men nde, wo suk mwa ma tik men mit wa men ben suk siri kadit Yefun bi os-i mó yo, sugane Yefun Allah kak os yi wa men, subere men yo ges mo os ibit nde.

Filipi 3:21

Yesus Kristus nggi wai o re. Suk mwa mo gu nim ne si bur ré jammo An it. Sane bere Yesus Kristus win men kaim-i gato budat ré tepsu An dakai kaim-i gato gesyos, gato ndo wai ne o re.

2 Timotius 1:12

Ji ki subot sukdu ne anato ji ku sukye mwa ré, sarewo suk yo nde, ji yo damen nde, we Yefun Yesus gato ji onyar kem mó, ji jam kom mo mit re. Sukdu gato Yefun Yesus bes ji wa ji ki subot ne, bere An mewa sukdu ne sor, sukdu ne yo ges nde. Bere An mewa sor, kom mo kam gato An satu ma mo bur ré, ji jamwa re.

Ibrani 5:2

Yekwesu ne dakai yo nggi nde, án tepsu yetu mo suk mwa ne sino, án jam án nggwa mone, sane anato bere án bi sukjimnut kak wa án ben án bi suk-i ne njep su ye gato jam suk nde, án ben án bi suk-i ne njep su ye gato muket os siri ne.

2 Petrus 2:9

Sane men me mone do, ye gato ben suk tepsu Yefun Allah mit do ku sukye yo, Yefun sa, owa nai yé ne wé kadit sukye ne re. Sane dom, Yefun Allah owa syo sukye nai yé gato ben sukibit ne sor kom mo kam gato An ndobot men yetu mo bur ré. Yefun rai yé gato bariwa ben suk tepsu Yefun mit ne yei, Yefun syo sukye nai yé ne sane sor kom mo kam gato An ndobot yetu mwa ne sino, bere An syo sukye mwa wai nai yé gane o re.

Yudas 1:24

Yesus Kristus ete nggiwa mewa nin kadit nin ges mo os ibit. An ete nggiwa gwat nin ma kem mo Yefun Allah gato gum kok ne gwem. Mo An bi nat-i gato ndo wai ne sukibit yo ut mo nin o nde, bere nin mit at wa sor.

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.