Ibrani 2:11 - Abun Scripture

¹¹ Yefun Yesus gato tot sukibit gato men yetu ben ne or wé kadit men, An si men yé gato onyar kwo ne sino bi Ai dik sor. Sane anato Yefun Yesus nut mo men do, men tepsu An bi nji, An bi nyanggon, An yo damen wa men nde.

Ibrani 2:11 ပူးပေါင်းရင်းမြစ်များ

Matius 25:40

Bere Ji, gato Yekwesu mone ki do, ’Suk gato Ji ki ré suksangge anare, suk gato nin ben wa Ji bi rus-i, kapre yé ne pa wokgan, tepsu nin ben suk ne wa Ji dakai.’

Matius 28:10

Yefun Yesus ki do, ”Nin nyu nde. Nin mu ki nai Ji bi pakon ne do, pakon ne mu sakanwa Ji mo bur Galilea. Bere án ku Ji motu.” Sane nggon we ne mu.

Markus 3:34

Yefun Yesus ki sukdu ne sa, An sokbot yé mwa gato kem wairi wa An. An ki do, ”Ji bi im anare. Ji bi nji anare.

Markus 8:38

Bere Yetu bi Pa to Ji ré satu ma mo bur ré. Ji satu ma sisu Ji kaim rer-rik su Ji bi Ai bi suktinggi ne. Malaikat gato ben Yefun Allah bi suk-i si Ji ma sino. Sane, ye to damen wa an ki nai ye yi do, an sok mo Ji bi rus-i si ye to damen wa an kibot Ji gum nai ye gato ben sukibit bu mo bur ré jam yo, bere Ji do satu ma it yo, Ji waii damen wa ye ne, Ji waii bariwa Ji ki do, ye ne sok mo Ji bi rus-i dom.”

Lukas 9:26

Bere Yetu bi Pa to Ji ré satu ma mo bur re. Ji satu ma sisu Ji kaim rer-rik su Ji bi Ai bi suktinggi ne. Malaikat gato ben Yefun Allah bi suk-i si Ji ma sino. Sane, ye to damen wa an ki nai ye yi do, an sok mo Ji bi rus-i si ye to damen wa an kibot Ji gum nai ye yi jam yo, bere Ji do satu ma it yo, Ji waii damen wa ye ne, Ji waii bariwa Ji ki do, ye ne sok mo Ji bi rus-i dom.

Yohanes 17:19

Ji bi Ji nggwa wa Ji ben Nan bi suk-i wa án, subere án waii bi án nggwa wa án benbot Nan bi sukdu-i gato sangge petok sor.

Yohanes 17:21

Ji bi Ai, Ji ndek mo Nan subere án sino tepsu dik, tepsu Nan si Ji tepsu dik. Án ete si Men tepsu dik dom et, subere yetu mo bur ré jam do, sangge Nan anato syogat Ji ma mo bur ré re.

Yohanes 20:17

Yefun Yesus ki nai Maria do, ”Nan jom Ji nde, we Ji yo satu mu mo Ji bi Ai nde tó. Nan mu mo Ji bi nji, ete nan ki nai án do, ’Ji satu mu mo Ji bi Ai, gato nin bi Ai dom it anare. Ji satu mu mo Yefun Allah gato jom Ji si nin sino it anare.’ ”

Suk Gato Yerasul Ben Ne 17:26

Ketke An ut yetu ge dik yo. Kadit ne, An anato ut yewis mwa ne, ete An syogat kem mo bur ré iwedewe. Su ketke An fro bur det wa yewis yo-yewis yo kem mó. An fro yewis mwa ne kem mo án bi bur det-i kom mo kam gato Yefun Allah ki ne, orete yé mu or wé kadit bur ne tepsu bi aina gato Yefun fro ne dom. Suk mwa ne Yefun Allah fro or re.

Suk Gato Yerasul Ben Ne 17:28

Kadit An bi suktinggi anato men mbau e, men nggiwa ben suk, ete kem mo bur ré re. Yefun Allah ne, An tepsu men bi Ai, sagato nin bi nje-i gato krom sukbadek bi sukdu-i. An krom sare do, ’Men anato An bi pa-i.’

Roma 8:29

Yefun ben An bi suk-i ndo su men, we men tepsu yé gato Yefun Allah jam suga nyim tuya do, bere men onyar kem mo An ne, sane Yefun Allah fro men subere An nai men tepsu An bi rus-i suga nyim ne it. An fro men subere men ben men bi suk-i ne tepsu An bi Pa, Yesus Kristus. Sane bere Yesus Kristus tepsu pa doketke mo Yefun Allah bi pá mwa ne sino.

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.

Ibrani 10:10

Kristus benbot suk gato Yefun Allah mit iwa ne, sane anato Kristus bi An nggwa kwop wa men wam dik sor re, tep wa kapyo mato kapyo. An bi nggwa subere tot sukibit gato men ben ne or wé kadit men sino, men bi sukjimnut waiyu mo sukibit gato men ben ne o nde, wo men onyar kwo it.

Ibrani 10:14

Sane Kristus kwop wam dik wa men anato An kak os wa men. An kwop wam dik ne tep wa men to kapyo mato kapyo it. Kristus tot sukibit gato men ben ne or wé kadit men, sane anato men bi sukjimnut yo waiyu mo sukibit ne o nde, sukibit ne yo ut mo men o nde it.

Ibrani 11:16

Sarewo án bi sukjimnut kem mo bur gato ndo wai o re, án bi sukjimnut kem mo bur mo gu nim ne sor. Yefun fro kota dik yo wa án kem mone mó re. Sane anato yenggras bok ne kendo Yefun Allah tepsu án bi yenggras gato jom án, Yefun Allah yo damen wa nde.

Ibrani 13:12

Sane anato Yefun Yesus dom kwop mo kota de nden, wo An dakai dé ne, ben sato An gwat sok mo gumwak fo mo Yefun Allah bi nu mo gu nim ne. Mone Kristus dé sye wa tot sukibit gato men yetu ben ne or wé kadit men, subere men tep wa sok mo Yefun Allah bi rus-i re.

Ibrani 2:14

Pa mwa ne tepsu yetu gato da kridek. Sane anato Yefun Yesus dakai ben nggwa tepsu yetu gato da kridek mó dom. An ben nggwa tepsu yetu subere An kwop sa, An ku os wa An nai biris bi yekwesu bi suktinggi gato gwat sukkwop ma wa men yetu ne wé. Yefun Yesus ben biris bi yekwesu ibit it anare, Yefun syat suktinggi ibit ne wé re.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.