Ibrani 2:10 - Abun Scripture10 Yefun Allah sa, ben bi suk-i tep sino. Yefun gato ut suk mwa ne sino wa An dakai, An misyar yé ben sukye mwa nai Yefun Yesus subere kadum do, Yefun Yesus gum ndo wai o re, kwa yo gwet mo nde, sane Yefun Allah bes Kristus wa kak os ndo wa men yetu. Yefun Yesus ku sukye ket kwayo-kwayo ete An bi An nggwa subere An kak os wa Yefun Allah kar bi pa mwa si Yefun Yesus sino kem mo bi nat-i gato ndo wai o re. အခန်းကိုကြည့်ပါ။ |
Ibrani 2:10
46 ပူးပေါင်းရင်းမြစ်များ
Yefun Allah bes Yefun Yesus gum Yekwesu gato nggiwa jowa men yetu. Yefun Allah bes Yefun Yesus gum Yekwesu gato An syogat ma kak os ndo wa men yetu subere men ku os wa men kem ndo to kapyo mato kapyo. Yefun Allah bes Yefun Yesus gum Yekwesu subere men ye Israel ku os wa men kwet kadit sukibit gato men ben ne, ete men jammo Yefun, subere Yefun Allah yo maskwa men mo sukibit gato men ben ne o nde, tepsu An tot sukibit ne wé kadit men re.
sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.
Sane su ré san det yo kewa men ye Kristen o nde. Yefun Allah Gen bi suktinggi gato rer kas ma pet tok men orete yo, suktinggi gato rer ne waii kas kadit men o, suktinggi ne waii mu tok ye yi neya dom. Or o, Yefun Allah Gen ne bi suktinggi gato rer ma mo men ne, anato ben men win men bi sukjimnut wokgan wokgan sane sane sor, kom mo rut yo, men bi sukjimnut-i tepsu Yefun bi sukjimnut-i ne or re. Suktinggi ré ma kadit Yefun Allah Gen gato tepsu men bi Yekwesu.
Sane sukye bok yo gato ji ku ne, ji misyar, ji duno nje gat sor, we ji bi sukjimnut mo yé gato Yefun Allah fro suga nyim wa An nai sok mo An bi rus-i ne. Ji duno án su sukdu subot Yesus Kristus, subere án kem ndo to kapyo mato kapyo mo os gato Yesus Kristus kak ne. Ji duno án subere án si Yefun Allah kem ndo su yu mo Yefun bi nat-i gato ndo wai o re.
Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.
Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.
Suga nyim tuya, yé sibot Musa bi sukduno-i, sane yekwesu gato gum kok wai mo Yefun Allah bi nu, gato ye bes ne, án yo nggiwa ben bi suk-i ri-roi mo nde. Sarewo tepsu suk gato Yefun Allah tom ete syo syim su, gato bor wari kadit Musa bi sukduno-i ne, Yefun Allah bes An bi Gan gum Yekwesu gato gum kok wai mo Yefun Allah bi nu o re. An bi Gan sa, Yekwesu gato ben bi suk-i ne ri-roi sane sor to kapyo mato kapyo.
Sukdu subot os ndo gato Yefun Allah tarubot yenabi ne, Yefun Allah tarubot yenabi wa ós yenabi dakai nde, wo yenabi ki subot suktaru ne subere ós nin. Suktaru gato yenabi ki nyim ne kom mo nin sare do, Yefun Allah syo An Gen ma kadit gu bok nggwa mo yetu ge bok yo anato yé bok ne nggiwa ki sukdu subot os ndo gato Yesus Kristus kak ne nai nin jam re. Sukdu subot os ndo gato yé bok ne kibot ne, malaikat dom iwa jam.
Nin ku sukye mone bergan sor re, orete yo, Yefun Allah dakai nai nin wé kadit sukye subere nin kem ndo kadit sukye gato nin ku ne o re. Yefun Allah ben An bi suk-i ndo su men dakai yi sor, sane bere Yefun ben nin onyar kem mo An nggi wai o. Bere Yefun ben nin bi sukjimnut kem mo An nggi wai o. Bere Yefun ben nin bi sukjimnut yo kas ram kadit An o nde, wo kem pe mo An sor. Nin tepsu Kristus bi yetuge-i ne anato Yefun Allah fro nin subere nin ku suk gato ndo wai mo Yefun bi nat-i to kapyo mato kapyo.
”Men bi Yekwesu ne e, Yefun gato jom men ne e, Nan sa, tep wa men bes Nan gum kok ne o, Men bes Nan gum sye ne o. Men bi Yekwesu ne e, Yefun gato jom men ne e, Nan sa, tep wa men un Nan gum ne o, Nan sa, tep wa ku suktinggi ne o. Men bes Nan gum kok a we, Men un Nan gum a we, Nan ut suk mwa ne sino o, Nan bi mas mo suk mwa ne sino o.”
Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.
ကြော်ငြာတွေ