Ibrani 13:8 - Abun Scripture

⁸ Kadit kam nyim, su ré, sor kom mo kapyo mato kapyo, Yesus Kristus ben An bi suk-i ne tepsu yu sor, An ben An bi suk-i tara mo nde.

Ibrani 13:8 ပူးပေါင်းရင်းမြစ်များ

2 Korintus 1:19

Ji ki ji bi sukdu-i ri-roi, we Yefun Allah bi Gan, Yesus Kristus ki bi sukdu-i ri-roi dom. Ji si Silas si Timotius, men ka gri anato ki sukdu subot Kristus nai nin jam. Kristus ki An bi sukdu-i do, ”Sangge,” orete bergan An ki do, ”Nde re,” sane mo nde. Yesus Kristus ben An bi suk-i su sukjimnut we nde, wo An ki do, ”Sangge,” petok sor.

2 Korintus 1:20

Sane suk mwa ne sino gato Yefun Allah tom su men, Yefun ki do, suk mwa ne ”Sangge,” mo suk gato Kristus ben ne re. Men me suk gato Yesus Kristus ben, sane men ki do, suk gato Yefun Allah tom su men ne ”Sangge,” bere Yefun benbot re, anato men bes Yefun Allah gum kok mone.

Ibrani 1:12

Suk mwa ne bere yo ndo o nde, bere Nan nai tepsu ye nai san gato ibit ete bare wé re. Bere suk mwa ne, Nan win su dogato be o re, tepsu ye win san ibit su san be. Sarewo Nan dakai sor anato kem pe, Nan ben Nan bi suk-i tara mo nde. Nan sor anato kem gesyos to kapyo mato kapyo, pe gato or mó, yo mo nde.”

Yakobus 1:17

Suk mwa gato men ku kadit Yefun Allah ne ndo sino, suk gato ibit yo mo nde. Yefun Allah syo suk mwa ne nai men. Yefun Allah ne ut suk gato rer mo gu nim ne sato aina e, kam e bí e ne, sarewo Yefun Allah dakai yo win nggwa nde, suk mwa gato An ben kamdik-kamdik An ben tepsu yu sor, An yo gwat ndendu bi os-i nde.

Yudas 1:25

Yefun wadigan anato gum kok sisu sangge sor. An anato fro os ndo wa men subere men kem ndo to kapyo mato kapyo. An syogat men bi Yekwesu Yesus Kristus ma kak os ne subere men si An kem ndo. An anato gum kok wai o re. An anato gum sye wai o re. An sa, bi suktinggi gato sye wai. An sor anato gum kok wai kadit yekwesu mwa ne sino kadit ketke sor, su ré, to kapyo mato kapyo. Sangge.

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Wahyu 1:4

Ji, gato gum do Yohanes, ji krom sukdu ré wa nin, yé gato onyar kem mo Yefun Yesus mo nu ari mufit mo bur Asia. Yefun Allah gato su ré mó, kadit ketke mó, si kam sari ne ma bere mó tó ne, Yefun Allah ete mewa nin. Yefun Allah ete uttok nin petok sor. Yefun Allah Gen ka mufit gato kem mo Yefun Allah bi kursi tak de gwem, Yefun Allah Gen ete mewa nin, Yefun Allah Gen ete uttok nin petok sor.

Wahyu 1:8

Yefun Allah ki do, ”Ji anato Yefun gato ut suk kadit ketke ete Ji jom suk mwa ne sane sor kom mo pe gato or mó. Ji anato Yefun gato su ré mó, kadit ketke mó, si kam sari ne ma bere mó tó ne. Ji anato Yefun Allah gato nggi wai kadit suk mwa ne sino o re.”