Yefun Yesus ki o do, ”Pakwerut gato jam suk mwa, ete ben bi suk-i ri-roi tepsu bi yenggras mit ne te, men jam pa ne sa u ne? Pa ne ben bi suk-i sa u ne? Pa ne anato tepsu pa gato yenggras bes tepsu yesu wa yenggras bi pakwerut sino. Pa ne mewa pakwerut bok neya sisu ndo, pa syo sugit tep wa pakwerut git ne sino.
Ibrani 13:7 - Abun Scripture7 Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et. အခန်းကိုကြည့်ပါ။ |
Ibrani 13:7
27 ပူးပေါင်းရင်းမြစ်များ
Yefun Yesus ki do, ”Pakwerut gato jam suk mwa, ete ben bi suk-i ri-roi tepsu bi yenggras mit ne te, men jam pa ne sa u ne? Pa ne ben bi suk-i sa u ne? Pa ne anato tepsu pa gato yenggras bes tepsu yesu wa yenggras bi pakwerut ne sino. Pa ne mewa pakwerut bok neya sisu ndo, pa syo sugit tep wa pakwerut mwa ne git sino.
Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,
Mo kota bok ne sino gato an we mu mone, Paulus si Barnabas bes yekwesu mo nu ari wa mewa ye gato onyar kem mo Yefun Yesus mo kota bok ne. An we mewa nggwa kadit sugit yei, an we ki suk su Yefun sor. An we ki suk su Yefun do, ”Yefun Allah, yekwesu ré onyar kem mo Nan it. Nan mewa án, Nan ben án nggiwa án ben suk tepsu yekwesu wa mewa ye gato onyar kem mo Yefun Yesus.”
Suk mwa ma tik nin mit wa nin ben suk siri kadit Yefun bi os-i. Sane dom, yé mwa meret os wa nin subere ben nin ges mo os ibit. Yé mwa meret os wa nin sane sor nde, wo ye meret os wa men yetu mwa ne sino mo bur ré. Sarewo Yefun Allah ben suk su men tepsu An tom ne, An yo misyar suk mwa ne tik men mit teker eta nde. An yo misyar yé mwa meret os wa men nde, wo suk mwa ma tik men mit wa men ben suk siri kadit Yefun bi os-i mó yo, sugane Yefun Allah kak os yi wa men, subere men yo ges mo os ibit nde.
Men ki ndo mo Yefun Allah mo suk dik yo o gato nin ben ne, sare do, tomgato men ki Yefun Allah bi sukdu nai nin jam, nin nai sukdu ne tepsu yetu bi sukdu-i nde, wo nin nai sukdu ne tepsu Yefun Allah bi sukdu-i. Sangge, sukdu ne ma kadit Yefun Allah. Yefun Allah bi sukdu-i ne kak nin yé gato onyar kem mo Yesus Kristus ne bi sukjimnut-i subere nin nggiwa nin ben An bi suk-i ne sor.
Men jammo men bi yekwesu mo nu ari et. Yefun bes yekwesu mone, sane suk gato án ki ne men benbot sor. Yekwesu mewa men ete bere Yefun Allah ndo án subot suk gato án ben su men ne, sane men jammo án bi sukdu-i et. Men jammo án bi sukdu-i yo, bere án ben suk su án mit at wa. Wo men yo jammo án bi sukdu-i ne nde yo, bere án nutbot ndo nde. Men bariwa án bi sukdu-i ne yo, yo ós men dom nde.
Ye gato ku suktinggi wa ki subot Yefun bi suktaru it yo, ye ne nutbot suktaru ne do, suktaru ne ma kadit Yefun Allah dakai, orete án ki suktaru ne sisu suktinggi ne sor. Ye gato ós ye yi yo, án ós ye yi su suktinggi ne et. Nin ben suk sane subere yé bes Yefun Allah gum kok mo suk mwa gato nin ben tepsu Yesus Kristus bi yetuge-i ne. Yefun Allah sa, bi suktinggi nggi wai o re. Yefun anato gum kok wai su ré sor to kapyo mato kapyo. Sangge.
Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.
Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.
Domba Gan kak lilin gum domek ne wé sa, ji sokme yetu da gesyos ge bok yo mo meja gato ye gre suge wa som Yefun Allah su mone. Yé bok ne kem mo meja desnak mo bur. Suga nyim yé bok ne mbau mo bur ré tó, án kibot Yefun Allah bi sukdu. Án kibot sukndo gato Yefun ben su án nai ye yi jam gat pe sor anato yé gu án kwop wé mone.
ကြော်ငြာတွေ