Ibrani 13:5 - Abun Scripture5 Men gro sye wa sugum nde, sawe bere men gum kwerut wa sugum or re. Suk sane yo ós men nde, wo sa ndo sa, suk gato men ku ne, men nut do, tep mone it, we Yefun Allah dakai sisu men petok sor, tepsu An ki do, ”Ji yo misyar nin nde, Ji yo mu kadit nin nde.” အခန်းကိုကြည့်ပါ။ |
Ibrani 13:5
46 ပူးပေါင်းရင်းမြစ်များ
Yesukmise bok yo ma mo Yohanes dom. Yesukmise ne ndo mo Yohanes do, ”Men ré, men ben suk sato suma ne?” Yohanes ki nai yesukmise bok ne do, ”Nin wergat nje nde, nin ben nje nyu subere yé syo sugum nai nin nde. Nin ndak nje daret subere yé nokwa nin ki án gum ibit subere án syo sugum nai nin nde. Sugum gato nin ku tepsu nin bi kamba ne, nin nut do tep it anane, nin wergat ye yi subere nin nai yé ne bi sugum dom nde.”
Mbet gro gato ges mo jak miten anato tepsu yé gato but sukdu ne, sarewo án bi sukjimnut sye mo suk mwa mo bur ré, án jimnotbot suk mwa gato men yetu yémo sato sugit e san e sugum e ne. Án iwa ku suk mwa, án meret suk gato ben án mit iwa sor re. Sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, i-bo yo mo nde.
Án ben bi suk-i ne ibit petok, án iwa ben sukdaret bu, án iwa ku suk mwa wa án dakai sor, án ben sukibit nai ye yi neya, án on sa ket ye yi mo suk mwa gato ye ne ku wai kadit án ne e, án iwa gu ye yi kwop e, án iwa ben sukndi e, án iwa kidar suk e, án mit iwa ben sukibit nai ye yi e, án iwa kiket ye yi e,
Wo ji bi sukjimnut do, ye gato ki do an onyar kem mo Yefun Yesus, sarewo an ben an bi suk-i ibit bu, men mu karowa an o nde. Ye gato ben an bi suk-i sato ré: an da bro wa ben suksiri e, an gro sye wa suk mwa e, an som sukdaret e, an iwa kiket ye yi gum e, an yenau bu e, an kidar wa syimsi suk e ne. Ye gato ben bi suk-i sane men mu karowa an nde, men git sugit su an dom nde.
Men sok mo Yefun Allah bi rus-i it, sane men mewa men nggwa kadit men ben siri su yu nde. Sane dom, men mewa men nggwa subere men da bro wa ben sukdaret su yu nde. Men gro sye wa men nai suk mwa wa men dakai nde. Men ben sukdaret yo, bere siri kadit Yefun Allah bi os-i. Sane men ben sukibit sane wokgan yo dom nde, subere ye yi ku os wa ki men gum ibit mone nde.
Men jam rer do, yebris si nggon gato ben siri su yu daret e, ye gato da bro wa nggon e, nggon gato da bro wa yebris e, ye gato gro sye wa nai suk mwa wa an dakai (ye gato ben suk gare yo, ye ne bes sukdaret sye wai kadit Yefun Allah o re). Ye gato ben bi suk-i sane, bere an yo sok mo rus gato Yefun Allah si Yesus Kristus jom ne nde.
Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)
Kamdik-kamdik yeguru ne da bro wa ben siri bu. Nggon gato iwa ben siri mwa ne, yeguru iwa án mu ku petok sor. Án werwa ben kidar yé gato yo onyar kem ri mo Yefun nde tó ne, subere án gwat mu ges mo os ibit o re. Án sa, owa án ku suk mwa gato án gro sye wa ne. Bere Yefun Allah ben sukye nai yeguru gane sino mo sukibit mwa gato án ben ne o re,
Bere Yefun Allah syo sukye nai án sor. Án gu nje kwop daret tepsu Kain ben ne. {Kain anato gu an bi nji, Abel ne, kwop.} Yeguru gane gro sye wa ku sugum anato án syi suk mo Yefun bi rus-i sato Bileam ben ne. {Bileam ré syi sukfo mo ye Israel wa ku sugum.} Yeguru gane duwer suk nggi tepsu Korah ben ne. {Korah si bi det-i anato duwer Musa si Harun mo pe gato yé ne.} Sane bere Yefun Allah gu án kwop wé tepsu Yefun gu Korah kwop wé mo gato án duwer nje subot Yefun bi os-i ne nggi.
ကြော်ငြာတွေ