Ibrani 13:3 - Abun Scripture

³ Men napawa yé gato mo sel mit, men bi sukjimnut kas subot án. Men bi sukjimnut subot yé ne do, ben sato men si án kem mo sel mit ne sino, sane men kwabom dek bot án ndo nde. Sane dom, men nutbot yé gato ye ben sukibit nai ket kwayo-kwayo. Men nutbot yé ne do, ben sato men si yé ne ku sukye sino, sane men kwabom dek bot án ndo nde.

Ibrani 13:3 ပူးပေါင်းရင်းမြစ်များ

Matius 25:36

Ji yewa san, ete nin syo san wa Ji it. Ji i, ete nin mewa Ji. Yé bok Ji mo sel, ete nin ma ku Ji mone.’

Matius 25:43

Ji tepsu yedamok, ete nin yo kendo Ji ma si nin kem nde. Ji yewa san, ete nin yo syo san yo wa Ji it nde. Ji i e, yé bok Ji mo sel, ete nin yo mewa Ji nde.’

Suk Gato Yerasul Ben Ne 24:23

Orge Feliks syogat ye Roma bi yesukmise bi yesu dik yo mewa Paulus mo penjara. Feliks syogat yesu rai Paulus krat nde, wo an misyar Paulus bi yesyim dakai ma subere Paulus bi yesyim ós Paulus mo suk gato Paulus yewa ne.

Suk Gato Yerasul Ben Ne 27:3

Bi ik, ete men mu kom mo kota Sidon. Men is mone. Yulius ben sukndo su Paulus, an misyar Paulus mu ku Paulus bi yesyim mone, subere yesyim ne ós Paulus mo suk gato Paulus ye mó.

Roma 12:15

Ye to mit at mo suk gato ndo yo, men sino dom mit at su an et. Ye to wo yo, men si an wo sino dom.

1 Korintus 12:26

Sane pe dik yo mo men kaim ré ku sukye yo, tepsu men kaim sino ku sukye it. Sane dom ye bes pe dik yo mo men kaim gum kok it yo, bere suk mwa gato mo men kaim ne sino mit at wa.

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

Kolose 4:18

Ji, gato gum do Paulus ré, ki ndo mo nin sor. Ji dakai krom sukdu kwa gato wari ré su ji syim. Ji kem mo sel tó, nin mbrinket ji nde. Yefun Allah ete mewa nin sino sor.

Ibrani 10:34

Nin nutbot yé gato yé bok mo sel ndo nde, nin baoku yé mo sel ne ndo nde. Kapre yé nai nin bi suk mwa kadit nin o, nin yo maskwa nde, wo nin iwa, nin mit at wa sor, we nin jam do, nin bi suk mwa gato ndo wai mó re. Suk mwa ne anato tepsu suk mwa gato Yefun Allah tom su nin. Suk ne kem ndo to kapyo mato kapyo, ye yo ku os wa nai suk gato Yefun Allah fro wa nin ne wé kadit nin nde.

Ibrani 11:37

Deyo o, ye am su jok sor kwop, deyo o ye kum su gergaji mo mit toko o re, deyo o ye syek su nyom gato ot de we sor kwop. Deyo o muya-muma ete it san kadit domba si kambing da sor re. Án yo ku suk nde, án ku sukye, ye ben sukibit nai án ket kwayo-kwayo ndo nde.

1 Petrus 3:8

Ji yo krom sukdu mwa ok o nde, wo ji bi sukdu kwa bok yo sor wa nin yé bok ne sino do, nin werwa subere nin mit dik tepsu yu et. Nin bi sukjimnut dik tepsu yu et. Nin mewa yu tepsu yedik et. Nin dakai jimnotku yu sisu nin mit dik si nin onyar dik et. Nin is nin nggwa ga tepsu pa wokgan et.