Ibrani 13:2 - Abun Scripture

² Men me yemabe gato men jam nde yo, men kendo ye ne ma si men git sugit sino mo men bi nu-i et, men bariwa ye ne nde, we yé bok yo da kendo yemabe ma si án git sane mó re, wo yemabe ge yo, yetu nde, wo yemabe ge bok ne malaikat, sane ye ne da si malaikat git sino, sarewo án jam nde re.

Ibrani 13:2 ပူးပေါင်းရင်းမြစ်များ

Matius 25:35

Nin ben sukndo su Ji anato Yefun Allah fro nat ne wa nin. Nin ben suk sato: Ji on de, ete nin syo sugit nai Ji git. Ji sosa, ete nin syo syur nai Ji da. Ji tepsu yedamok, ete nin kendo Ji ma si nin kem.

Matius 25:40

Bere Ji, gato Yekwesu mone ki do, ’Suk gato Ji ki ré suksangge anare, suk gato nin ben wa Ji bi rus-i, kapre yé ne pa wokgan, tepsu nin ben suk ne wa Ji dakai.’

Matius 25:43

Ji tepsu yedamok, ete nin yo kendo Ji ma si nin kem nde. Ji yewa san, ete nin yo syo san yo wa Ji it nde. Ji i e, yé bok Ji mo sel, ete nin yo mewa Ji nde.’

Suk Gato Yerasul Ben Ne 16:15

Sane Lidia ndekwa ye ras mom si mom bi rus-i ne sino mo syur, orge mom kendo men ma kem mo mom bi nu, mom ki do, ”Nin nut do ji onyar kem mo Yefun Yesus sisu sangge it yo, nin ma nin sem mo ji bi nu sor.” Lidia ki bi sukdu-i ne nai men sane sor, kom mo rut sa, men simo mom, men sem mo mom bi nu-i.

Roma 12:13

Men ós Yefun Allah bi rus-i dogato yewa suk. Men kendo ye Kristen gato men jam nde ma si men sem mo men bi nu-i, men bambrai wa nde, wo men mit iwa sor.

Roma 16:23

Gayus ki ndo mo nin. Ji kem mo an bi nu. Yé mwa gato onyar kem mo Yefun Yesus gato kem more sum ben ari mo nu ne. Erastus gato jom sugum mo kota ne ki ndo mo nin dom. Men bi nji gato gum do Kwartus ki ndo mo nin dom. [

1 Timotius 3:2

Sane, ye gato gum yekwesu mo nu ari, an ben an bi suk-i sato re, an ye gato ben sukndo sor, ye yo ki an gum ibit mo nde; an kra nggon ge dik sor, an mewa nggwa kadit an ben sukdaret, an mewa nggwa kadit an ben sukibit, an ben sukndo sor; yé yo ma mo an bi nu yo, an iwa, an syo sugit nai yé ne sor; an jam an duno nje sisu ndo;

1 Timotius 5:10

Nggonna ne yé mwa jam do, mom ben bi suk-i ndo sato ré, mom kon mom bi pa sisu ndo e; yé yo ma mo mom bi nu yo, mom iwa, mom syo sugit nai e; mom ben suk tepsu pakwerut wa ós ye gato onyar kem mo Yefun Yesus e; mom ós ye gato ku sukye e; mom ben suk mwa gato ndo petok su mom mit dik mom onyar dik sor e ne.

Titus 1:8

An ben an bi suk-i sane nde, wo an iwa nje ma kem si an mo an bi nu ne sor. An iwa suk gato ndo sor. An mewa an nggwa subere an ben sukdaret nde. An ben suk su sangge sor, an yo kidar suk nde. An ben Yefun Allah bi suk-i sor. An fro nggwa subere suk gato an ben ne kas sisu ndo.

1 Petrus 4:9

Nin deyo ma ku nin yo, nin ketik yu ma, nin si git sugit sino e, nin nuk sukdu su yu e, nin kendo ma si nin sem mo nin bi nu et. Ye ne ma si nin kem mone yo, nin da nyar wa nde, nin dumu su nde.

3 Yohanes 1:5

Ji bi yesyim gato ji jimnotku, nan ben suk gato ndo ne petok sor wa ós men bi nji, ye Kristen gato ma mone. Kapre nan jam nde yé bok yo gato ma mone, nan ós án re.