Ibrani 12:9 - Abun Scripture

⁹ Men bi ai gato pe men mo bur ré mó re. Men bi ai ne da kwam men mo sukibit gato men ben ne, ete men bes men bi ai gum kok mone tó. Sane it yo, men bi Ai-i gato mo gu nim ne do kwam men yo, men waii bes An gum kok wai kadit men bi ai-i mo bur ré o et. Men jammo men bi Ai-i mo gu ne subere men kem ndo.

Ibrani 12:9 ပူးပေါင်းရင်းမြစ်များ

Lukas 18:2

Yefun Yesus ki do, ”Yepasye dik yo kem mo kota dik yo, an ye gato kibot nje bi sukmaskwa mone. Yepasye ne yo nyuwa Yefun Allah nde. Yepasye ne bi sukjimnut sye mo an dakai sor re, an yo nutbot ye yi nde.

Lukas 18:4

Kam bok yo, ete yepasye ne bariwa ós nggonna ne. Sarewo kom mo rut sa, yepasye ne nut mo an dakai do, ’Ji yo nyuwa Yefun Allah nde, ji yo nutbot ye yi dom nde,

Yohanes 3:6

Yetu kem su men, men mbau mo bur ré sor re, wo Yefun Allah Gen kem su men yo, men da gesyos mbau to kapyo mato kapyo.

Suk Gato Yerasul Ben Ne 2:30

Sane Daud gwat sukamno subot an dakai nde, wo Daud anato yenabi dik yo gato gwat sukamno subot yetu ge dik yo o re. An jam suk gato Yefun Allah tom su an ne do, kapyo tak Yefun Allah bes Daud bi pa-i ge dik yo tepsu Yekwesu wa jowa ye Yahudi.

Roma 1:3

Sukdu subot os ndo ne anato bor mo suk gato Yefun Allah bi Gan, men bi Yekwesu Yesus Kristus ben ne. Men nutbot Yefun Allah bi Gan tepsu yetu it yo, men jam do Pa bi amui mo yeraja ge dik yo gato gum do Daud, ye Israel bi yeraja gato gum kok wai o re.

Roma 9:3

Ji jimnutbot ji bi wis-i ndo nde anato ji dakai fro ji nggwa wa Yefun Allah dufo mo ji, ete syesyar ji wé kadit Kristus bi nje-i, subere Yefun nai ji bi wis-i sok mone win ji.

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

Yakobus 4:10

Nin ben nin nggwa ga tepsu pa wokgan mo Yefun Allah gwem, sane bere Yefun Allah bes nin gum kok o re.

Yakobus 4:7

Sane nin jammo Yefun Allah et. Nin mise wa nin syun biris bi yekwesu wé kadit nin. Nin do ben sane it yo, bere biris bi yekwesu nyu ete titi wé kadit nin re.

1 Petrus 5:6

Sane nin ben nin nggwa ga tepsu pa wokgan mo Yefun Allah gwem et. Nin ben nin nggwa ga mo Yefun gato nggiwa mewa nin sisu ndo wai ne. Bere An dakai bes nin gum kok tepsu bi kam gato An fro ne.

Wahyu 22:6

Orete malaikat ne ki nai ji do, ”Sukdu gato ji ki ré sangge, sukdu ne tep wa yé onyar kem mó. Men bi Yekwesu Yefun Allah gato bok An Gen mo yenabi anato syogat An bi malaikat ma kadum suk gato bere bor nai An bi pakwerut mwa ne jam et.”