Ibrani 12:3 - Abun Scripture

³ Men nutbot sukye gato Yefun Yesus ku ne sisu ndo et. Yé bok neya gato ben bi suk-i ibit ben sukye nai Yefun Yesus ndo nde. Sane, ye do ben sukye nai men it yo, men nutbot sukye ne teker eta sor men kaim rere su nde, men kwabom dek bot sukye ne dom nde, wo men simo sor sukye ne or wé kadit men sagato Kristus ben ne.

Ibrani 12:3 ပူးပေါင်းရင်းမြစ်များ

Matius 11:19

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato ben sukibit sato yé gato nai sugum kadit nje wa pemerintah e neya.’ Yé ki sane, sarewo ye gato kem mo bur ré su kam ré jam nde suk. Yefun gato jam suk mwa ne sino fro os gato ndo ne, ete bere yé me os ne bor re, ete yé ki do, sangge, os ne sa, os ndo.”

Matius 12:24

Sarewo ye Farisi jam sukdu gato yé mwa ki ne sa, ye Farisi ki do, ”Beelzebul gen pet mo Ye ré anato An nggiwa syun semda wé kadit nje. Beelzebul gato biris bi yekwesu ne anato syo suktinggi nai An.”

Matius 15:2

”Suma ben anato Nan bi pakon ben suk wai ket men bi amui bi sukduno-i ne? Án git sugit re, án yo mus án syim tepsu men bi amui bi sukduno-i ne nde.”

Matius 21:23

Yefun Yesus satu ma sok mo Yefun Allah bi nu de, mo ros de mit. An duno nje mone saresa, yekwesú mo Yefun Allah bi nu si ye Yahudi bi yepasye ma ku Yefun Yesus. Yé ne ndobot Yefun Yesus do, ”Je u anato bes Nan wa Nan ben suk mwa more ne? Je u anato syogat Nan ma more ne?”

Matius 21:46

Sane án werwa án but Yefun Yesus, sarewo án nyuwa yé mwa gato sum mone gato nut do, Yefun Yesus anato tepsu yenabi.

Matius 22:15

Ye Farisi bok yo gato sum mone mu ete fro sukdu wa án ndobot Yefun Yesus subere án meret os wa Yefun Yesus mo suk gato Yefun ki ne.

Lukas 14:1

Ye Yahudi bi kam sye, kam Sabat dik yo ete Yefun Yesus mu git sugit mo ye Farisi bi yepasye dik yo bi nu-i. Yefun Yesus kem mo nu ne sa, ye Farisi si yeguru agama mone sokwa An pe sor, sawe Yefun Yesus ben suk yo siri ket ye Yahudi bi sukduno-i.

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 16:14

Ye Farisi jam sukdu gato Yefun Yesus ki ne sa, án sa Yefun Yesus, we ye Farisi ne gro sye wa sugum teker.

Lukas 2:34

Orete Simeon ki suk su Yefun Allah subere Yefun ben sukndo su an we. Simeon ki suk su Yefun or, Simeon ki nai Pa bi im gato Maria ne do, ”Pa ré sye yo, ye Israel mwa bariwa An, sane bere yé mwa ne ku sukye mone. Wo ye Israel deyo iwa An, sane bere yé gato iwa Pa ne ku suk gato ndo, bere yé ne mbau to kapyo mone. Yefun Allah syogat Pa ré ma wa kadum Yefun Allah bi suktinggi nai men yetu, wo bere yé mwa bariwa Pa ré re.

Lukas 5:21

Ye Farisi si ye Yahudi bi yeguru agama gato kem mone, án jam Yefun Yesus bi sukdu, ete án sino nut mo án mit do, ”Ye gare dakai bes An nggwa kok, ete An ki suk tepsu Yefun Allah ko re go! Je u anare ne? Je u anato nggiwa an ki do, sukibit gato men yetu ben ne, or wé kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Yohanes 10:20

Yé mwa mone ki do, ”Semda ben An ko ré go! An bi sukjimnut ibit it. Nin jammo An wa suma ne?”

Yohanes 18:22

Yefun Yesus ki bi sukdu-i duwer yekwesu ne sa, ye gato mewa Yefun Allah bi nu ge dik yo, an ti karowa Yefun Yesus mone, an gwa Yefun Yesus kwanke su an syim, ete an ki do, ”Nan nut do, Nan gum sye wai kadit men bi yekwesu gato gum kok wai mo Yefun Allah bi nu bado, anato Nan ki Nan bi sukdu-i sane bado?”

Yohanes 5:16

Sane yepasye ne meret os wa ben sukye nai Yefun Yesus, we Yefun ben ye ne ge su kam sye kam Sabat ne.

Yohanes 7:12

Yé mwa gato sum wa simo kam sye ne, án tom apre nai yu subot Yefun Yesus. Deyo ki do, ”An Ye gato ben sukndo.” Deyo o ki do, ”Nde re! An gwat os ibit ben kidar yé mwa.”

Yohanes 8:13

Sane ye Farisi duwer Yefun Yesus do, ”Nan dakai ki sukdu subot Nan dakai sor re, sane men bariwa Nan bi sukdu-i, wo ye yi yo ki sukdu subot suk gato Nan ben ne sa, bere men nut do, sukdu ne sangge re.”

Yohanes 8:52

Orete ye Yahudi mone ki nai Yefun Yesus do, ”Su ré sa, men jam Nan it. Sangge, semda ben Nan anare it. Abraham kwop re, yenabi bok ne sino kwop or re. Sarewo Nan ki do, ye to jammo Nan bi sukduno-i yo, yo kwop nde.

Yohanes 8:59

Orete ye Yahudi maskwa Yefun Yesus mo An bi sukdu-i ne, we Yefun Yesus bes An gum kok tepsu Yefun Allah gato gesyos ne. Sane ye Yahudi nai jok wa yé am Yefun Yesus su. Sarewo Yefun Yesus gurik dik kadit yé ne, ete An mu kadit Yefun Allah bi nu re.

Yohanes 9:40

Ye Farisi ge bok yo mone jam Yefun Yesus ki sukdu ne sa, án ndo mo Yefun Yesus do, ”Nan bi sukjimnut sa u ne? Nan nut do men gro ndu dom e?”

1 Korintus 15:58

Sane, ji bi nji, ji bi nyanggon gato ji jimnotku, nin misyar Yefun nde, wo nin jom Yefun Yesus bi sukdu ne krat sor. Nin samok wa ben men bi Yekwesu Yesus Kristus bi suk-i sor, we nin jam do, suk mwa ne sino gato nin ben wa An ne yo ges yak yi nde.

2 Korintus 4:1

Yefun Allah dakai jimnotku men anato An bes men wa men gwat Yefun bi sukduno-i mu ki nai nje jam. Sane men misyar wokgan yo dom nde, men kibot sukdu ne petok sor.

2 Korintus 4:16

Sane men ki subot Yefun Allah bi sukdu-i gat sor, men yo misyar nde. Men da kridek ré yo nggi nde, bere ibit o re, sarewo men da gesyos sa, kamdik-kamdik nggi wokgan yo o, wokgan yo o, sane sane sor bere kom mo koirut men da gesyos nggi wai o re. Sane men kwabom dek subot sukye gato men ku ne nde.

Galatia 6:9

Sane men bambrai wa men ben sukndo petok nde, men syim syu wa nde. Men misyar dom nde, men werwa sane sor, bere tepsu bi kam-i, men ku suk gato ndo kadit Yefun mone tó.

2 Tesalonika 3:13

Men bi nji, men bi nyanggon, nin ben sukndo sor, nin bambrai wa nde.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Ibrani 12:5

Sane dom nin mbrinket sukduno gato Yefun Allah ki subot sukye gato nin ku ne nde. Yefun Allah ki sukdu nai nin si men sino, ye gato tepsu An bi pá-i sare do, ”Pa o, Yefun Allah gato gesyos do duno nin mo sukibit gato nin ben ne it yo, nin nutbot sisu ndo et. Yefun do ndantom nin mo sukibit gato nin ben ne it yo, nin nutbot sor nin kaim rere su nde,

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

1 Petrus 2:23

Yé kabor An sa, An yo kabor yé ne satu nde. An ku sukye sa, An yo ki nai yé gato ben sukye ne do, bere An waii ben sukye nai yé ne satu o nde, wo An bi An nggwa mo Yefun Allah sor. An jam do, Yefun Allah watbot suk mwa ne sisu ndo, orete bere Yefun syo sukye nai nje ne tepsu sukibit gato án ben ne. Wo Yesus Kristus dakai yo ben sukye satu nai ye ne mo nde.

Wahyu 2:3

Ji jam do, nin simo Ji anato nin ku sukye mone, sarewo nin ben Ji bi suk-i petok sor, nin yo misyar Ji nde, wo nin simo Ji pe sor. Suk bok ne sa, nin ben sisu ndo.