Ibrani 1:8 - Abun Scripture

⁸ Sarewo Yefun Allah ki sukdu subot An bi Gan sare do, ”Pa, Nan anato tepsu Ji, Yefun Allah, Nan kem mo yekwesu bi kursi, we Nan gum Yekwesu to kapyo mato kapyo. Nan jom Nan bi rus-i sa, Nan ben Nan bi suk-i mu nai Nan bi rus-i mone ri-roi pe sor.

Ibrani 1:8 ပူးပေါင်းရင်းမြစ်များ

Matius 1:23

”Nggonnak ge dik yo gato sem su yebris mo nde, bere syimfar, orete nggon ne kem su pa yebris. Pa ne bere ye kendo gum do, Imanuel.” (Imanuel bi sukjimnut do, ”Yefun Allah sisu men kem sino.”)

Lukas 1:75

subere men ben suk tepsu Yefun Allah mit, men bi men nggwa wa ben Yefun Allah bi suk-i, su kam mwa ne sino gato men kem mo bur ré sor kom mo kam gato men kwop su.”

Yohanes 10:30

Ji si Ji bi Ai tepsu dik.”

Yohanes 10:33

Ye Yahudi ki nai Yefun Yesus do, ”Men am Nan su jok mo sukndo mwa gato Nan ben ne nde, wo Nan kiket Yefun Allah gum ibit anato men am Nan su jok ré. Nan yetu sor re, ete Nan bes Nan nggwa kok teker, Nan ki do, Nan anato tepsu Yefun Allah, sane anato men am Nan su jok it anare.”

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

1 Korintus 15:25

Sane Kristus jom suk mwa ne sor suk mwa gato bariket Yefun Yesus ne jammo Kristus et.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

2 Petrus 1:11

Sane bere men bi Yekwesu Yesus Kristus kak An mit wa men sok mo pe gato gesyos, ete men si An kem mone. Men bi Yekwesu Yesus Kristus gato kak os wa men sok mo Yefun Allah bi rus-i ne, bere An jom yé mwa ne sino mo pe ne.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.