Filipi 2:3 - Abun Scripture

³ Nin dakai mit at daret, ete ben suk yo wa ye bes nin gum kok nde. Nin bes nin nggwa kok nde, sarewo nin nutbot ye yi do, ye ne gum-i kok wai kadit nin dakai gum-i.

Filipi 2:3 ပူးပေါင်းရင်းမြစ်များ

Lukas 18:14

Sane Yefun Yesus ki do, ”Ji ki sare do, ye gato nai sugum kadit nje wa pemerintah ré, an satu mo an bi nu sa, Yefun Allah nut do, ye ré anato ben sukndo tepsu Yefun Allah mit. Yefun Allah yo maskwa an mo sukibit gato an ben ne o nde. Wo Yefun Allah yo iwa ye Farisi ne nde. Sane, ye gato bes an nggwa kok tepsu an yepasye, bere Yefun Allah ben an damen or re, wo ye gato ben an nggwa ga tepsu pa wokgan, bere Yefun Allah dakai bes an gum yepasye o re.”

Roma 12:10

Men bi nggwa nai yu, men mewa yu tepsu men yedik. Men bes ye yi gum-i kok wai kadit men dakai bes men gum-i ne.

Roma 13:13

Men ben men bi suk-i ndo sor, men ben men bi suk-i tepsu suk gato ye ben su nombrak. Men kamo e, men yenau su e, men ben siri su dom nde. Men yenau nde. Yebris si nggon ben siri su yu daret nde. Men ben suk siri dakai daret nde. Men ben sukndi nde. Men maskwa ye yi mo sukndo gato ye ne ku ne nde.

Roma 2:8

Wo ye gato iwa ben bi suk-i daret ket an í e, ye gato bariwa jammo sukdu gato sangge e, ye gato iwa jammo sukdu gato ibit e ne yo, bere Yefun Allah on sa ket yé gane wai o re.

1 Korintus 15:9

Ji ré yerasul gato gum wok teker mu bur. Ji ré yo tep wa ku gum yerasul nde, we suga nyim, ji ben sukye nai ye gato onyar kem mo Yefun.

1 Korintus 3:3

we nin ben nin bi suk-i tepsu yetu mo bur ré ben bi suk-i tó. Nin ben sukndi e, nin maskwa ket yu mo suk gato nin deyo ku e ne, sane anato men jam do, nin ben suk tepsu ye gato jam nde Yefun tó. Nin jammo sukjimnut gato tik nin mit wa ben sukibit ne tó.

2 Korintus 12:20

Ji nokwa sawe, ji ba ku nin yo, nin ben nin bi suk-i tara kadit pe gato ji mit iwa ne, ete bere ji dom ben ji bi suk-i tara kadit pe gato nin mit iwa ne. Ji nokwa sawe, ji ku nin yo, nin ben nin bi suk-i sato ré: nin ki suk ot is yu e, nin maskwa ket yu mo sukndo gato nin deyo ku e ne, nin on sa ket yu ete nin ben sukndi e, nin brek nden we e, nin ki yu ket kwayo-kwayo, nin ki sukwok mo yu e, nin bes nin nggwa kok e, nin ba daret ete ben yé mwa gato sum ne nalar e ne.

Galatia 5:15

Wo nin maskwa ket yu e, nin ben yu ket kwayo-kwayo e ne yo, bere nin sino dakai ibit mo koirut o re. Sane nin mewa nin nggwa kadit suk sane.

Galatia 5:26

Sane men bes men nggwa kok teker nde, men krokgat yu su sukdu daret nde. Men on sa ket yu mo suk mwa gato men deyo ku wai kadit deyo dom nde, wo men nai sukjimnut dik do, suk gato Yefun Allah Gen kiwa men ben ne yo, men benbot petok sor.

Efesus 4:2

Nin ben nin bi suk-i ne, nin bes nin nggwa kok nde, wo nin ben nin nggwa ga tepsu pa wokgan et. Nin ben nin bi suk-i ne njep petok sor. Suk gato nin ku nde tó, nin eswa sor, nin maskwa kekro subot suk ne nde. Ye yi ben suk yo gato tepsu nin mit nde yo, nin nutbot suk sane o nde, wo nin bi sukjimnut sye kas subot yu, nin ben sukndo su yu sor.

Efesus 5:21

Nin jammo Kristus, sane yo nin waii jammo yu dom et.

Filipi 2:14

Mo suk sino gato nin ben yo, nin nuk ye yi gum daret nde, nin da nyar ket ye yi ete nin dumu su nde, nin duwer yu nde.

Kolose 3:12

Nin anato sok mo Yefun Allah bi rus-i, An dakai jimnotku nin ndo nde, An bes nin wa nin ben An bi suk-i. Sane anato, nin dakai jimnotku ye yi, nin ben sukndo su ye yi et. Nin bes nin nggwa kok nde, nin ben nin bi suk-i njep su ye yi sor. Kapre nin ku sukye, nin benbot Yefun bi sukdu-i petok sor.

Kolose 3:8

Sarewo, su ré nin ben sukibit bok yo ó gato ji krom more ne o nde. Nin bare sukibit sato ré wé kadit nin dakai et: nin grem sukmaskwa nde, nin maskwa ete saiye su nde, nin iwa ben suk ibit nai ye yi nde, nin kiket ye yi nde, nin njak ye yi gum nde,

1 Timotius 6:4

yé ne jam nde suk, yé ne at ndo nde. Án bi sukjimnut ne kwop re, án iwa án duwer ye yi, ete án maskwa ye ne subot sukdu kwa bok yo gato án ki ne. Sane anato ri ma yé on sa ket yu mo sukdu ne, yé ben sukndi su yu, yé ki yu ket kwayo-kwayo, yé syidem syu yu subot suk gato ibit.

1 Petrus 3:8

Ji yo krom sukdu mwa ok o nde, wo ji bi sukdu kwa bok yo sor wa nin yé bok ne sino do, nin werwa subere nin mit dik tepsu yu et. Nin bi sukjimnut dik tepsu yu et. Nin mewa yu tepsu yedik et. Nin dakai jimnotku yu sisu nin mit dik si nin onyar dik et. Nin is nin nggwa ga tepsu pa wokgan et.

1 Petrus 5:5

Sane dom, nin yemsok si nggonnak, nin jammo ye gato ka yenggras et. Nin sino ben suk njep nai yu et. Nin bes nin nggwa kok dom nde, we mo Yefun Allah bi sukdu, ye krom sare do, ”Yefun Allah bariket ye gato bes nggwa kok, wo An ben An bi suk-i ndo su ye gato ben an nggwa ga tepsu pa wokgan.”