Filipi 2:2 - Abun Scripture

² Sane ji ndek mo nin do, nin ben ji mit at wai o re, nin ben nin bi suk-i sare et: Nin sino jimnotku yu, nin bi sukjimnut tepsu yu, nin mewa yu et. Nin sino ben nin bi suk-i tepsu dik, nin sino bi sukjimnut dik tepsu yu sor. Sane bere ji mit at wai o re. Nin sino ben nin bi suk-i tepsu dik et.

Filipi 2:2 ပူးပေါင်းရင်းမြစ်များ

Yohanes 3:29

Tepsu gato men kra yo, nggon gato ma ne anato yebris ne bi nggon anane it. Yebris bi yesyim gato sisu an mone, yesyim ne jam nggon ne ma yo, an si bi yesyim ne sino mit iwa wai o re. Sane dom ji jam do, Kristus ma ne yo, ji dom mit iwa wai o re.

Suk Gato Yerasul Ben Ne 1:14

Án sino tepsu dik wa ki suk su Yefun petok sor. Nggon ge bok yo dom mone, sisu Maria gato Yefun Yesus bi im, sisu Yefun Yesus bi nji, án sino ki suk su Yefun petok sor.

Suk Gato Yerasul Ben Ne 2:1

Su kam sye gato ye kendo do Pentakosta, yé mwa gato onyar kem mo Yefun Yesus sum sino mo pe dik.

Suk Gato Yerasul Ben Ne 2:46

Kamdik-kamdik án sum sino mo Yefun Allah bi nu de mo ros de mit ne. Án mubot nu, án git sugit sino, án git roti wa napawa Yefun Yesus, án mit iwa, án mit dik wa.

Suk Gato Yerasul Ben Ne 5:12

Yerasul ben suk mwa gato kadum Yefun Allah bi suktinggi ne bor, subere yé mwa ne sino yeket ete nutbot ndo nde. Tomgane yé mwa gato onyar kem mo Yefun Yesus sum sino mo Salomo bi Nusyari.

Roma 12:16

Men kem ndo su yu. Men bes men nggwa kok nde, wo men ben suk su ye gato gum wok mo bur ne dom. Men ben suk su yé mwa ne su men gro njep. Men bes men nggwa kok wai kadit ye yi mo suk gato men jam ne nde.

1 Korintus 1:10

Ji bi nji, ji bi nyanggon, men bi Yekwesu Yesus Kristus bes ji wa ben An bi suk-i, saneyo ji syaugat nin do, nin tepsu dik et. Nin wat yu nde. Nin ben suk tepsu dik. Nin ben suk sino. Nin duwer yu daret o nde. Nin ben suk su nin bi sukjimnut dik, kwa yo gato siri kadit yu mo nde.

2 Korintus 13:11

Ji bi nji ji bi nyanggon ji bi sukdu tut more, ndo mo nin sor. Ji bi sukdu kwa gato wari anare: nin werwa nin ben nin bi suk-i mwa ne ndo sino sor. Nin jambot sukduno mwa gato ji krom mo surat ré tepsu suknapa wa nin pe et. Nin sino mone bi sukjimnut dik tepsu yu et. Nin kem ndo su yu sor. Nin ben suk bok gare sane bere Yefun Allah gato bi sukjimnut sye kas subot men ete uttok men sino ne, bere Yefun sisu nin petok sor.

2 Korintus 2:3

Sane ji yo ba nde tó, ji krom surat dik yo wa nin nyim wé et, subere nin kwet kadit os ibit, subere ji do ba ku nin it yo, nin sibot os ndo sor. Sane bere nin yo ben ji bi sukjimnut ibit mone nde, wo nin ben ji mit at mo suk gato nin ben ne sor, we ji jam do, sangge, ji mit at mó yo, bere nin si ji mit at sino dom.

2 Korintus 7:7

Yefun ós men kem not, An syogat Titus ma bidek men sor nde, wo men jam sukdu gato Titus ki subot nin dakai dom. Titus kibot suk gato nin ben ne anato Titus mit at wa. An ki nai men do, nin da o wa nin ku ji o et. Titus ki o do, nin damen mo suk gato nin ben suga nyim ne. Suga nyim ye deyo ma ki ji gum ibit, wo nin yo ki sukdu yo gwa yawa ji nde, wo su ré nin iwa nin ki sukdu gwa yawa ji gum it. Sane ji jam sukdu ne anato ji mit at wa wai o re.

Filipi 1:4

Ji ndek suk mo Yefun Allah wa nin sino yo, ji mit at wa.

Filipi 2:16

Nin jom Yefun bi sukdu gato kak os wa men kem ndo to kapyo mato kapyo yo, nin tepsu sukru gato ji ki ne. Sane bere su kam gato Kristus satu ma mo bur ré it yo, ji mit at mo suk gato nin ben ne, we ji jam do, suk gato ji werwa ji duno nin su ne, ji yo ben yi nde, wo nin waii benbot suk gato ji duno nin su ne re.

Filipi 2:20

Kadit yé mwa gato si ji kem more, Timotius sor bi sukjimnut-i tepsu ji bi sukjimnut-i. An sor ete bi sukjimnut-i wa an mewa nin sisu sangge.

Filipi 4:2

Euodia si Sintikhe, nin ka we jammo ji bi sukdu ré et. Ji kiwa nin ka we bi sukjimnut tepsu dik et. Nin ka we duwer yu o nde, we nin ka we onyar kem mo Yefun Yesus it. Sane nin ka we kibot subere nin ka we kem not et.

Kolose 2:5

Ji kaim yo si nin kem mone nde, wo ji gen ne kem sisu nin mone re. Ji mit at, we ji jam do, nin bi sukjimnut dik tepsu yu ete nin onyar kem pe mo Yesus Kristus re.

2 Tesalonika 2:13

Men bi nji, men bi nyanggon gato Yefun Yesus jimnotku, Yefun Allah fro nin su ketke subere nin kem ndo to kapyo mato kapyo mo Yefun Allah bi nat-i. Sane men ki ndo mo Yefun noru nombrak sor. Yefun Allah Gen kak nin bi sukjimnut anato nin jambot Yefun Allah bi sukdu gato sangge. Yefun Allah Gen kak nin bi sukjimnut anato nin brek kadit os ibit, ete nin tepsu Yefun Allah bi rus-i gato ben Yefun bi suk-i petok sor. Sane anato nin kem ndo to kapyo mato kapyo it anare.

2 Timotius 1:4

Ji napawa tomgato men ka we top yu, nan wo, nan jimnotku ji ndo nde. Sane ji da o wa men ka we ku yu o et. Ji iwa men ka we ku yu subere ji mit at wa wai o re.

Filemon 1:20

Men tepsu yedik mo Yefun, sane ji iwa nan ós ji et. Nan tepsu ji bi nji mo Kristus bi de-i, sane nan ben ji mit ndo, nan nai Onesimus satu ma sisu ndo et.

2 Yohanes 1:4

Ji jam do, nggongras, nan bi pá deyo benbot Yefun Allah bi sukduno, tepsu Yefun Allah syogat men ben ne. Sane ji mit iwa wai o re.

3 Yohanes 1:4

Ji jam do, ji bi pa benbot Yefun Allah bi sukduno gato sangge sane yo, ji mit at wa wai o re. Suk yi yo ben ji mit at wa sane nde.