Filemon 1:5 - Abun Scripture

⁵ we, ji jam sukdu do, nan sa, onyar kem mo men bi Yekwesu Yefun Yesus sisu nan mit dik. Sane dom, ji jam sukdu o do, nan bi sukjimnut sye kas subot ye gato onyar kem mo Yefun Yesus mone sino.

Filemon 1:5 ပူးပေါင်းရင်းမြစ်များ

Suk Gato Yerasul Ben Ne 20:21

Ji duno nin ye Yahudi si nin yewis yi ne sino, subere nin kwet kadit os ibit, ete nin jammo Yefun Yesus. Ji duno nin, subere nin brek kadit os nyim, ete nin simo os be gato men bi Yekwesu Yesus Kristus kak ne, subere nin onyar kem mo Yefun Yesus it.

Roma 12:13

Men ós Yefun Allah bi rus-i dogato yewa suk. Men kendo ye Kristen gato men jam nde ma si men sem mo men bi nu-i, men bambrai wa nde, wo men mit iwa sor.

1 Korintus 16:1

Ré ne, ji krom sukdu subot sugum gato nin sum wa ye Kristen. Ji kiwa nin benbot sukdu gato ji duno yé gato onyar kem mo Yefun Yesus mo bur Galatia su ne.

Galatia 5:6

Yesus Kristus kak os wa men anato men sok mo Yefun bi rus-i it. Sane yo, kapre men simo sunat e, men simo sunat nde e, suk ne yo ós men nde. Wo suk dik yo sor re anato tep wa ós men, sare do, men onyar kem mo Kristus. Men onyar kem mo Kristus sane sa, bere men ben sukndo su ye yi neya sor, bere yé mwa ne me bor re.

Efesus 1:15

Sane, kadit kam gato ji jam do, nin yé Efesus onyar kem mo men bi Yekwesu Yefun Yesus, ete nin bi sukjimnut sye kas subot ye gato onyar kem mo Yefun Yesus ne sino sa,

1 Tesalonika 3:6

Su ré Timotius satu ma more re. An ma ki nai men do, nin onyar kem mo Yesus Kristus tó, nin bi sukjimnut sye kas subot yu tó, sane men mit iwa sukdu ne. An ki o do, nin jimnotbot men ndo nde. An ki do, nin mit iwa ku men, tepsu men dom, men mit iwa ku nin.

Filemon 1:7

Filemon, ji bi nji gato ji jimnotku, ji jam do, nan bi sukjimnut sye kas subot ye gato onyar kem mo Yefun Yesus ne sino anato ji mit ndo wa, ji mit at wa. Ye gato onyar kem mo Yefun Yesus ne sino dom mit at wa.

1 Yohanes 3:23

Yefun Allah duno men sare do, men mit si men onyar kem mo An bi Gan, Yesus Kristus, ete men bi sukjimnut sye kas subot yu, tepsu suk gato Yesus Kristus duno men su ne.