Filemon 1:20 - Abun Scripture

²⁰ Men tepsu yedik mo Yefun, sane ji iwa nan ós ji et. Nan tepsu ji bi nji mo Kristus bi de-i, sane nan ben ji mit ndo, nan nai Onesimus satu ma sisu ndo et.

Filemon 1:20 ပူးပေါင်းရင်းမြစ်များ

1 Korintus 16:18

An ka gri ben ji sane sor ji mit ndo re, sagato an ka gri ben su nin mone re. Ye ga sane yo, ndo sa, men bes an gum kok sor.

2 Korintus 2:2

Ji do ben nin bi sukjimnut ibit it yo, bere je u anato ki sukdu gato ndo wa ós ji ne? Bere nin bariwa re. Ji do ben nin bi sukjimnut ibit it yo, sane bere nin ki sukdu wa ós ben ji mit ndo sa u ne?

2 Korintus 7:13

Sane anato men kem not mone, men bi sukjimnut yo waiyu o nde. Men kem not sor nde, wo men mit at, we men me Titus mit at mo suk gato nin sino ben su an mone dom. Nin sino ben sukndo su Titus sane sor Titus mit ndo o re.

Filipi 1:8

Yefun Allah jam do, sangge, ji da o ku nin, ji bi sukjimnut sye kas subot nin tepsu Yesus Kristus bi sukjimnut sye kas subot nin ne.

Filipi 4:1

Sane yo, ji bi nji, ji bi nyanggon gato ji jimnotku, ji mit at ndo nde mo suk gato nin ben ne. Ji mit iwa dom, tepsu ye gato ku sukndo wai o re. Sane yo, ji bi yesyim, nin jom men bi Yekwesu Yesus Kristus bi sukdu-i ne pe it yo, bere nin benbot suk mwa gato ji krom gado ne sor.

Filemon 1:12

Su ré, ji syogat pa gato ji jimnotku sye teker ne ba satu wa nan.

Filemon 1:7

Filemon, ji bi nji gato ji jimnotku, ji jam do, nan bi sukjimnut sye kas subot ye gato onyar kem mo Yefun Yesus ne sino anato ji mit ndo wa, ji mit at wa. Ye gato onyar kem mo Yefun Yesus ne sino dom mit at wa.

Ibrani 13:17

Men jammo men bi yekwesu mo nu ari et. Yefun bes yekwesu mone, sane suk gato án ki ne men benbot sor. Yekwesu mewa men ete bere Yefun Allah ndo án subot suk gato án ben su men ne, sane men jammo án bi sukdu-i et. Men jammo án bi sukdu-i yo, bere án ben suk su án mit at wa. Wo men yo jammo án bi sukdu-i ne nde yo, bere án nutbot ndo nde. Men bariwa án bi sukdu-i ne yo, yo ós men dom nde.

1 Yohanes 3:17

Sane ye gato ku suk mwa mo bur ré, ete an me an bi nji mo Kristus bi rus-i deyo gato yewa suk, wo an yo jimnotku ye ne nde, ete an yo ós ye ne su suk yo mo nde, or an ki do, an bi sukjimnut sye kas subot Yefun Allah, sane yo, men jam do, ye ne kidar ko ne.

3 Yohanes 1:4

Ji jam do, ji bi pa benbot Yefun Allah bi sukduno gato sangge sane yo, ji mit at wa wai o re. Suk yi yo ben ji mit at wa sane nde.