Filemon 1:10 - Abun Scripture

¹⁰ Su ré, ji ndek mo nan do, nan jambot ji bi sukdu subot ji bi pa, Onesimus ne et. Tomgato ji si pa ne mo sel, ji tepsu pa ne bi ai mo Kristus bi de-i, we ji duno pa subot Kristus mone re.

Filemon 1:10 ပူးပေါင်းရင်းမြစ်များ

Markus 9:17

Yebris dik yo mo yé mwa ne mit ne ma, ete an ki nai Yefun Yesus do, ”Yenggras, yeguru, ji gwat ji bi pa ma mo Nan. Semda ben ji bi pa anato pa yo du ndo nde.

Roma 12:1

Sane, ji bi nji, ji bi nyanggon, Yefun Allah dakai jimnotku men anato An yo ben suk su men tepsu sukibit gato men ben su An nde, wo An ben sukndo su men sor. Sane nin benbot suk gato ji ki ré et: Tepsu suga nyim yé gu suge kwop wa yé som Yefun su ne, su ré men bi men nggwa su mbau wa men som Yefun su et. Men werwa men bi men nggwa wa men ben Yefun bi suk-i tepsu An mit sor. Men som Yefun Allah su sangge it anane.

1 Korintus 4:14

Ji krom sukdu ré, ji yo iwa ji ben nin damen nde, wo ji nut mo nin do, nin tepsu ji bi pa, sane ji duno nin.

1 Korintus 4:15

Ji anato tepsu nin bi ai, we ji ma ki sukdu subot os ndo gato Yesus Kristus kak wa men yetu nai nin su futmo ne. Or o kapre yetu ge ribu musyu dik yo o waii duno nin su Yefun bi sukduno wari ne, ji anato duno nin su futmo ne, sane ji tepsu nin bi ai ne sor re.

Galatia 4:19

Ji bi pá, nin gato ji jimnotku, ji nutbot nin sor, ji yo ndo nde tepsu nggon far gato nukwe i su pa. Ji bi sukjimnut waiyu subot nin, ji yo ndo nde sane sor ji jam do, nin bi sukjimnut-i gato kem pe mo nin mit tepsu Yesus Kristus bi sukjimnut-i ne et.

Kolose 4:9

Onesimus bere si Tikhikus ba ku nin. Onesimus anato nin dakai bi nje-i. An sa, ben an bi suk-i ri-roi tepsu Kristus mit, men jimnotku an. An si Tikhikus bere kibot suk mwa gato men ben more ne nai nin jam.

Titus 1:4

Titus, sangge, nan anato ji bi pa, we nan si ji men ka we sino onyar kem mo Kristus re. Men bi Ai, Yefun Allah si Yesus Kristus men bi Yekwesu gato kak os ndo wa men kem ndo to kapyo mato kapyo, Yefun Allah si Yesus Kristus ete uttok nan petok sor.

Filemon 1:11

Suga nyim, pa yo ben suk ri su nan nde, wo su ré pa iwa pa ben suk ri su nan si pa ben suk ri su ji dom.

Filemon 1:13

Ji da syogat pa ba wa nan, sarewo ji iwa pa si ji kem more subere pa ós ji win nan. Ji ki sukdu subot os ndo gato Yesus Kristus kak wa men yetu anato yé bok ji mo sel, sane ji iwa pa kem su ji subere pa ós ji more.

3 Yohanes 1:4

Ji jam do, ji bi pa benbot Yefun Allah bi sukduno gato sangge sane yo, ji mit at wa wai o re. Suk yi yo ben ji mit at wa sane nde.