2 Timotius 4:3 - Abun Scripture

³ Nan duno nje gat sor, we kapyo tak bere yé bariwa sukduno gato sangge, wo yé iwa yé jam sukduno gato tepsu án mit sor. Bere án sum yeguru bok yo gato duno án su sukduno gato án iwa án syaretwa ne sor re.

2 Timotius 4:3 ပူးပေါင်းရင်းမြစ်များ

Lukas 20:19

Ye Yahudi bi yeguru agama si yekwesú mo Yefun Allah bi nu ne, án sino jam do Yefun Yesus gwat sukamno ne pet mo sukibit gato án ben ne. Sane án werwa án but Yefun Yesus ware, án nyuwa yé mwa gato sum mone.

Lukas 6:26

Nin yé gato yé mwa un ne, nin kwabom dek wa sor, we suga kam nyim tuya nin bi amui un yenabi gato kidar suk nggi dom, ete án sino ku sukye mone.”

Yohanes 8:45

Sarewo Ji ré, Ji ki suk gato sangge su nin anato nin bariwa Ji bi sukdu-i ne.

Suk Gato Yerasul Ben Ne 17:21

(Ye mone iwa jam sukdu ne, we sugane ye Atena si yemabe gato ma kem mone iwa kibot sukdu gato be petok sor.)

1 Korintus 2:1

Ji bi nji, ji bi nyanggon, tomgato ji ba ku nin mone, ji ki subot os gato Yefun Allah fro wa men yetu ne sa, ji yo nuk ji bi sukdu-i tepsu yetu mo bur ré gato jam suk mwa nuk bi sukdu-i nde, ji yo ki su kwa gato kru dom nde,

1 Korintus 2:4

Ji ki sukdu subot Yesus Kristus nai nin sa, ji duno nin, ji yo wergat nin tepsu ye gato jam suk mwa ne duno nje nde, wo ji ki ji bi sukdu-i ndaf yi sor, ji yo ki su kwa gato kru nde. Ji ki ji bi sukdu-i, ete nin me Yefun Allah Gen bi suktinggi ne bor mone, we sukdu ne pet mo nin mit re.

Galatia 4:16

Ji ki sukdu gato sangge nai nin anato su ré nin bariket ji o re bado?

1 Timotius 1:10

yekra gato ben siri su nggon daret si nggonkra gato ben siri su ye daret e; yebris si yebris gato ben siri su yu e; nggon si nggon gato ben siri su yu e; ye gato but pakwerut ete so mo ye yi e; ye gato kidar suk e; ye gato ki do, án sa, bi sukdu-i sangge, ondewo án syeret os wa nje e; ye gato ben suk siri kadit Yefun Allah bi sukduno gato sangge e ne. Ye krom Yefun Allah bi sukduno ne wa yé mwa gato ben sukibit sane, subere án jammo sukduno ne et.

2 Timotius 1:13

Sane nan simo sukdu gato sangge, gato ji duno nan su ne sor, nan simo sisu nan mit dik si nan onyar dik et. Nan simo sukdu ne yo, nan onyar kem mo Yefun Yesus, nan bi sukjimnut sye kas subot ye yi petok sor, tepsu Yesus Kristus ben ne.

Yudas 1:18

Yerasul bok ne ki nai men do, ”Karowa kam gato Yesus Kristus satu ma mo bur ré it yo, yé mwa gato ki nin gum ibit e, sa nin mo Yefun bi sukdu-i e ne, bere mó re. Yé gane ben bi suk-i ibit ket án í sor.”