2 Timotius 2:7 - Abun Scripture

⁷ Nan nutbot sukdu gato ji krom ne sisu ndo et, bere Yefun Allah kak nan bi sukjimnut subere nan jam sukdu bok ne rer re.

2 Timotius 2:7 ပူးပေါင်းရင်းမြစ်များ

Lukas 21:15

We, bere Ji anato ós nin ki sukdu gato ndo nai ye gato ndobot nin ne. Ji ós nin jam suk subere ye gato maskwa nin yo duwer nin mo suk gato nin ki ne nde. Bere ye gato maskwa nin yo ku os wa iswen nin mo sukdu gato nin ki ne nde.

Lukas 24:45

Orge Yefun Yesus kak An bi pakon bi sukjimnut subere pakon ne jam Yefun Allah bi sukdu ne kom mo mit.

Lukas 9:44

”Nin jammo suk gato Ji ki ré et. Bere yeko ma wa but Yetu bi Pa to Ji ré.”

Yohanes 14:26

Sarewo Yefun Allah Gen gato Ji bi Ai bere syo ma win Ji ne, bere Yefun Gen duno nin su suk mwa ne sino. Bere Yefun Gen ós nin napawa suk mwa gato Ji ki nai nin re.

Yohanes 16:13

Yefun Allah Gen do ma yo, bere An duno nin su suk gato sangge, mo An mit sukkidar yo mo nde. An anato kadum os gato rer nai nin. An ki sukdu-i tepsu An dakai bi sukjimnut-i nde, wo An ki An bi sukdu-i tepsu suk gato An jam kadit Ji. Bere An ki subot suk gato bor su kam sari ne ma rer nai nin jam re.

Suk Gato Yerasul Ben Ne 7:10

Yefun Allah nai Yusuf kadit sukye mwa ne sino gato Yusuf ku ne. Yefun Allah ben Yusuf bi sukjimnut nggi, subere Yusuf jam suk mwa. Yefun Allah kak os wa Yusuf subere yekwesu yeraja mo Mesir mit iwa Yusuf, sane yekwesu mo Mesir ne bes Yusuf gum Gubernur wa jowa nje mo bur Mesir. Yusuf dom tepsu yekwesu mo yeraja ne bi nu sye.

1 Korintus 12:8

Yefun Allah Gen ben men deyo nggiwa ki Yefun Allah bi suktaru wa ós kak ye yi bi sukjimnut. Or o Yefun Allah Gen dik ne ben men deyo o nggiwa ki Yefun Allah bi suktaru ne rer wa ye yi jam kom mo mit re.

Filipi 4:8

Sane ji bi nji, ji bi nyanggon ji yo ki sukdu mwa o nde. Kamdik-kamdik, nin bi sukjimnut sye mo suk sato ré et, nin nutbot suk gato sangge, nin nutbot suk gato ri-roi, nin nutbot suk gato tepsu Yefun Allah mit, nin nutbot suk gato ndo sor, nin nutbot suk gato ibit nde, nin nutbot suk gato ndo wai, nin nutbot suk gato yé ben ete yé mwa iwa ne. Nin nutbot suk gato ndo wai o re, nin nutbot suk gato yé mwa ne un. Nin nutbot suk mwa gane sor re.

Kolose 1:9

Men jam sukdu mwa ré subot nin re, sane anato men ki suk su Yefun Allah wa nin petok sor. Men ndek mo Yefun Allah subere Yefun Allah Gen kak nin bi sukjimnut wa nin jammo suk mwa ne sino gato Yefun Allah iwa nin ben ne rer kom mo mit.

1 Timotius 4:15

Nan benbot suk mwa gato ji krom ré sisu nan mit dik si nan onyar dik, subere yé mwa ne me do, nan sa, ben suk mwa ne ndo wai kadit nyim ne o re.

2 Timotius 2:6

Ye gato samok wa ben nggwe, ete sukjan mo nggwe ne do kri it yo, an anato mu nai sugit mone nyim kadit ye yi neya.

2 Timotius 2:8

Nan bi sukjimnut kem mo Yesus Kristus sor. An anato Daud bi dat. An anato sun kadit sukkwop o re. Yesus Kristus ne kak os ndo wa men yetu ne. Ji duno nje subot os ndo ne

Ibrani 12:3

Men nutbot sukye gato Yefun Yesus ku ne sisu ndo et. Yé bok neya gato ben bi suk-i ibit ben sukye nai Yefun Yesus ndo nde. Sane, ye do ben sukye nai men it yo, men nutbot sukye ne teker eta sor men kaim rere su nde, men kwabom dek bot sukye ne dom nde, wo men simo sor sukye ne or wé kadit men sagato Kristus ben ne.

Ibrani 13:7

Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

Ibrani 7:4

Sane men nutbot sisu ndo et, Melkisedek tepsu yepasye anato men bi amui Abraham syo suk gato an nai kadit yeraja ge at ne napyo nai Melkisedek. Suk mwa ne Abraham ku musyu dik yo, an syo suk dik yo nai Melkisedek. Abraham ben sane anato men jam do Melkisedek gum-i kok wai kadit Abraham gum-i o re.

Yakobus 1:5

Nin yé gato jam suk yo ri nde tó, nin ndek mo Yefun Allah subere An kak nin bi sukjimnut et. Sane bere Yefun kak nin bi sukjimnut re. Yefun Allah yo nutbot sukibit gato men ben ne nde, wo An iwa An dakai ben sukndo su men sor, subere men jam suk.

Yakobus 3:15

Suk mwa gato an jam ne yo ma kadit Yefun Allah nde, wo sukjimnut ne ma kadit bur ré bi suk-i, kadit an dakai bi sukjimnut-i, kadit biris bi yekwesu bi sukjimnut-i ne re.

Yakobus 3:17

Sarewo ye gato Yefun Allah kak bi sukjimnut ko wa jam suk mwa ne bere ben bi suk-i sare do, kwa gato sye wai anato an ben an bi suk-i ndo petok sor, kwa gato ibit yo mo nde. Sane dom, an werwa subere an si ye yi kem ndo su yu sino, an ben an bi suk-i njep, an nutbot ye yi bi sukdu-i, an dakai jimnotku ye yi sye wai o re, an ben suk mwa ne ndo sino bor mone, an ben an bi suk-i su yé mwa ne tepsu yu, an ben suk tepsu suk gato an ki ne.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.