2 Timotius 1:4 - Abun Scripture

⁴ Ji napawa tomgato men ka we top yu, nan wo, nan jimnotku ji ndo nde. Sane ji da o wa men ka we ku yu o et. Ji iwa men ka we ku yu subere ji mit at wa wai o re.

2 Timotius 1:4 ပူးပေါင်းရင်းမြစ်များ

Yohanes 16:22

Sane nin dom, su ré nin kwabom dek, wo bere Ji ku nin o yo, bere nin mit at wa wai o re, ye yo nggiwa ben nin bi sukjimnut ne ges nde.

Yohanes 16:24

Kom mo kam ré, nin yo ndek suk mo Ji bi Ai, ete ki Ji gum su nde tó. Sane nin ndek suk gato nin yewa ne et. Sane bere Ji bi Ai syo suk ne nai nin subere nin mit at mo suk gato nin ku ne re.”

Suk Gato Yerasul Ben Ne 20:19

Nin jam do, ji ben ji bi Yekwesu bi suk-i sor, ji yo bes ji nggwa kok nde, ji wo wa nin sor. Ye Yahudi ben sukye wa ji ndo nde, ye Yahudi mone da meret os wa gu ji kwop wé wam bok yo, sarewo ji ben suk gato ji bi Yekwesu ki ne sor.

Suk Gato Yerasul Ben Ne 20:31

Sane nin mewa nin nggwa kadit sukye gato bere ma ne. Nin napawa suk mwa gato ji duno nin su ne. Ji wo, ji duno nin noru nombrak petok sor kom mo tahun gri it. Sane nin jom sukdu ne petok, nin mewa ye gato onyar kem mo Yefun Yesus sor.

Roma 1:11

we ji da o ku nin subere ji syo Yefun Allah bi suktinggi deyo nai nin, subere nin bi sukjimnut nggi mo Yefun petok sor.

Filipi 1:8

Yefun Allah jam do, sangge, ji da o ku nin, ji bi sukjimnut sye kas subot nin tepsu Yesus Kristus bi sukjimnut sye kas subot nin ne.

Filipi 2:26

wo su ré an da o wa an ba ku nin it. An jimnotbot sukdu gato nin jam subot an do, an ku suki more re. An jimnotbot teker, sawe nin nut do an i tó.

1 Tesalonika 2:17

Men bi nji, men bi nyanggon, yé syun men titi kadit nin kom mo kam bok yo rek, men kaim sa, mu re, wo men gen kem su nin re. Yé syun men kadit nin, sarewo men jimnotbot nin ndo nde anato men werwa men ba ku nin mone o et.

2 Timotius 4:21

Nan wergat nan dakai subere kom mo aina gato nden dek nde tó, nan ma ku ji more nyim wé re. Ebulus, Pudes, Linus si Klaudia si yé mwa ne sino gato onyar kem mo Yesus Kristus, án ki ndo mo nan.

2 Timotius 4:9

Nan wergat nan dakai subere nan ma ku ji kekro et,

1 Yohanes 1:4

Men krom sukdu ré subere nin si men tepsu yedik sino subere men mit iwa wai o re.

Wahyu 21:4

Bere Ji nggri yé gato wo ne gro rom wé re. Bere yé yo kwop o nde, yé yo nderku nggwa o nde, yé yo wo o nde, yé kaim yo yó e, dipa su sukye o nde. Suk bok ne bere bor o nde, we suk mwa gato nyim neya fres wé or re.”

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”