2 Petrus 1:2 - Abun Scripture

² Nin jam Yefun Allah si men bi Yekwesu Yesus Kristus kom mo mit anato Yefun Allah mewa nin tep yi sor nde, wo An mewa nin sisu ndo wai kadit ne o re. Sane dom, Yefun Allah ete uttok nin mo suk mwa ne sino petok sor.

2 Petrus 1:2 ပူးပေါင်းရင်းမြစ်များ

Lukas 10:22

”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.”

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Roma 1:7

Sane anato ji krom surat ré wa nin yé gato onyar kem mo Yefun Yesus gato kem mo kota Roma ne sino. Men bi Ai, Yefun Allah si men bi Yekwesu Yesus Kristus ete mewa nin, Yefun Allah si Yesus Kristus ete uttok nin petok sor.

2 Korintus 4:6

Yefun Allah ki bi sukdu-i do, ”Nyot rer ku pe gato ndendu ne et,” sane Yefun Allah anato tepsu rer gato ku men mit re, anato men tepsu An bi pakwerut. Rer ne ku men mit, ete kak men bi sukjimnut subere men jam Yefun Allah bi suktinggi gato bor mo Yesus Kristus sugato An gwat os be ne ma.

Filipi 3:8

Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,

1 Petrus 1:2

Yefun Allah ete mewa nin tep yi sor nde, wo wai o re. Sane dom, Yefun Allah ete uttok nin mo suk mwa ne sino petok sor. Men bi Ai, Yefun Allah nai nin gum sok mo An bi rus-i sagato An fro suga nyim tuya wé re. Yefun Allah Gen bok nggwa mo nin anato nin bi nin nggwa mo Yefun Allah wa nin ben Yefun bi suk-i sor. Sane anato nin jammo Yesus Kristus, ete Yesus Kristus dé gato sye ne ben sato ye dar mo nin mo sukibit gato nin ben ne subere tot sukibit ne or wé kadit nin re.

2 Petrus 1:3

Yefun Allah dakai ben sukndo su men. Yefun ben An bi suk-i ndo wai o re anato An nai men tepsu An bi pá-i subere men jam An kom mo mit. Men jam An kom mo mit sane anato An ben men nggi su An dakai bi suktinggi, subere men ku suktinggi wa men kem not mo bur ré. Men ku suktinggi wa men ben Yefun bi suk-i mo suk mwa ne sino sor.

2 Petrus 1:5

An syo suk mwa nai men ne, sane yo, men onyar kem mo Yesus Kristus sor nde, wo men werwa men ben sukndo dom et. Men ben sukndo sor nde, wo men werwa men jam suk mwa kom mo mit dom et.

2 Petrus 1:8

Men ben men bi suk-i sane et. Men ben men bi suk-i sane mwa o yo, bere men jam men bi Yekwesu Yesus Kristus sisu ndo, ete bere suk mwa gato men ben ne kas sisu ndo, orete men nggiwa men ós ye yi dom.

2 Petrus 2:20

Yé gato jammo men bi Yekwesu Yesus Kristus gato ós men kem ndo to kapyo mato kapyo ne, Yesus Kristus ne sombok án kadit suktinggi mwa gato ben án ibit mo bur ré re. Sarewo suktinggi mwa gane do rai án satu, ete jom án tepsu bi pakwerut ne o yo, bere ri ma án ibit wai kadit nyim neya o re.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

Yudas 1:2

Yefun Allah ete dakai jimnotku nin sye teker. Yefun Allah ete uttok nin petok sor. Yefun Allah ete bi sukjimnut sye kas subot nin petok sor.

Wahyu 1:4

Ji, gato gum do Yohanes, ji krom sukdu ré wa nin, yé gato onyar kem mo Yefun Yesus mo nu ari mufit mo bur Asia. Yefun Allah gato su ré mó, kadit ketke mó, si kam sari ne ma bere mó tó ne, Yefun Allah ete mewa nin. Yefun Allah ete uttok nin petok sor. Yefun Allah Gen ka mufit gato kem mo Yefun Allah bi kursi tak de gwem, Yefun Allah Gen ete mewa nin, Yefun Allah Gen ete uttok nin petok sor.