1 Yohanes 2:4 - Abun Scripture

⁴ Ye gato ki do, an sa, an jam Yefun Allah sisu ndo, sarewo an yo benbot Yefun Allah bi sukduno-i nde yo, ye ne kidar, Yefun Allah bi sukdu gato sangge yo kem mo an mit nde.

1 Yohanes 2:4 ပူးပေါင်းရင်းမြစ်များ

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Titus 1:10

Nan bes yekwesu gato jom sukduno gato sangge ne, we yé mwa bariwa jammo sukduno gato ndo. Yé mwa ki sukdaret gato yo ós nje nde, yé mwa ne ki bi sukdu-i kidar nje sor re. Yé gato ki bi sukdu-i sane mwa wai kadit ye yi anato ye gato simo ye Yahudi bi sukduno-i. Yé gane duwer men subere men simo sunat.

Titus 1:16

Án da ki do, án jam Yefun Allah, sarewo men me mo sukibit gato án ben ne anato men jam do, án jam nde Yefun Allah or re. Yefun Allah bariwa án. Án su krat, án yo nggiwa ben suk gato ndo mo nde.

1 Yohanes 1:10

Yefun Allah ki do, men yetu sino ben sukibit mó re. Sane men do ki do, men yo ben sukibit yo mo nde yo, tepsu men ki do, Yefun Allah kidar it anane, sane Yefun Allah bi sukdu yo kem mo men mit nde.

1 Yohanes 1:6

Men ben sukibit kamdik-kamdik tepsu ye gato kem mo ndendu tó, ete men ki do, men si Yefun tepsu dik, sane it yo, men kidar kone. Sane o, suk mwa gato men ben ne yo tepsu Yefun Allah mit dom nde.

1 Yohanes 1:8

Men do ki do, men yo ben sukibit yo mo nde yo, men kidar men dakai anane, ete Yefun Allah bi sukdu gato sangge yo kem mo men mit nde.

1 Yohanes 2:3

Men benbot Yefun Allah bi sukduno-i ne yo, bere men jam mone do, men jam Yefun Allah sisu ndo mone, men si Yefun Allah tepsu dik.

1 Yohanes 2:9

Ye gato ki do, an sa, ben suk gato ndo, tepsu ye gato kem mo pe gato rer ete an bariket an bi nji ne yo, ye ne tepsu ye gato kem mo ndendu tó, an ben an bi suk-i ibit anane.

1 Yohanes 3:6

Sane ye gato si Yesus Kristus tepsu dik it yo, ye ne yo ben bi suk-i ibit gat o nde. Ye gato ben bi suk-i ibit gat yo, ye ne jam nde Yefun, ye gane yo jam Yefun wokgan yo dom nde.

1 Yohanes 4:20

Ye gato ki do, an bi sukjimnut sye kas subot Yefun Allah, sarewo an yo bi sukjimnut sye kas subot an bi nji mo Kristus bi rus-i nde yo, ye ne kidar kone, we ye gato ku an bi nji, ete an yo bi sukjimnut sye kas subot an bi nji nde yo, sane bere an bi sukjimnut sye kas subot Yefun Allah gato an yo me su an gro nde sa u ne? Bere yo mo nde.

1 Yohanes 4:7

Ji bi nji ji bi nyanggon gato ji jimnotku, men bi sukjimnut sye kas subot yu, we Yefun Allah ben men nggiwa men bi sukjimnut sye kas subot ye yi ne. Sane men bi sukjimnut sye kas subot ye yi, bere yé jam do, men anato ye gato mit kem mo Yefun Allah, gato Yefun Allah nai sok mo An bi rus-i ne.