1 Timotius 5:3 - Abun Scripture

³ Nan mewa nggonna gato yé yo ós nde,

1 Timotius 5:3 ပူးပေါင်းရင်းမြစ်များ

Matius 15:6

Sane bere, an yo ós an bi ai su an bi suk nde. Sane nin jom nin bi amui bi sukduno-i ne krat re anato nin misyar Yefun Allah bi sukduno-i.

Matius 23:13

”Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Ben sato nin syimwa nusyo subere ye yo ku os wa sok mo Yefun Allah bi rus-i nde. Nin yo sok nde, or o nin ben sukye yawa os wa ye gato iwa sok mone dom. [

Lukas 2:37

Sane Hana kem nggonna sor, Hana kaim sye tepsu kom mo tahun musyu munggwo sop at. Nggonna ré, noru nombrak mom yo mu kadit Yefun Allah bi nu-i nde, mom un Yefun Allah, mom benadi, mom mewa nggwa kadit sugit yei, subere mom ki suk su Yefun.

Lukas 7:12

Yefun Yesus ma karowa ros syo mo kota Nain sa, yé sam yekri dik yo mu nden. Ye gato kwop ne, an pa yemsok, nggonna bi pa ge dik ne sor. Yé mwa gato kem mo kampung ne sisu nggonna mu ne.

Yohanes 1:47

Yefun Yesus me Natanael ma ku An sa, An kibot Natanael do, ”Ye Israel gato sangge anato ma ré. Ye ré yo kidar suk yo mo nde.”

Suk Gato Yerasul Ben Ne 6:1

Ye gato sok tó ye gato onyar kem mo Yefun Yesus ne mwa gat o. Mo ye Yahudi gato onyar kem mo Yefun Yesus, ge bok yo gato ma kadit bur os syu, án ki a Yunani, wo ye Yahudi gato ma kadit Yerusalem, án ki a Yahudi. Sugane kamdik-kamdik ye wat sugit bot nggonna, sarewo ye Yahudi gato ki a Yunani maskwa ket ye Yahudi gato ki a Yahudi, we án ndak ye gato ki a Yahudi ne do, ”Nin wat sugit bot nggonna, sarewo nin misyar nggonna gato ki a Yunani wa suma ne?”

Suk Gato Yerasul Ben Ne 9:39

Petrus si an we mu kadit kota Lida ma mo kota Yope. Petrus ma kom mo kota Yope sa, ye we top Petrus mu mo gumwak mo nim mo nu gwes kok ne. Nggonna mwa ti wairi wa Petrus. Nggonna ne wo, án kadum san gato Dorkas bit ete syo nai án sugato Dorkas mbau, ete kem su án tó.

Suk Gato Yerasul Ben Ne 9:41

Petrus jowa mom syim ós mom ti, orge Petrus kendo yé gato onyar kem mo Yefun Yesus ma si nggonna ne ma, or Petrus ki do, ”Yefun anato sun Dorkas mbau satu re.”

1 Tesalonika 2:6

Men yo meret os wa nin un men gum nde. Men yo meret os wa ye yi un men gum dom nde. Yesus Kristus bes men gum yerasul wa ben An bi suk-i, sane anato men do mitwa nin syo suk nai men yo, bere men syogat nin syo suk nai men sor.

1 Timotius 5:2

Nan ben suk su nggon gato sye nyim kadit nan tepsu nan ben suk su nan bi im. Nan ben suk su nggon gato bi im pe wari kadit nan tepsu nan ben suk su nan bi nyanggon. Nan mewa nan nggwa subere nan ben suk mwa su nggon ne sisu ndo sor, kwa gato ibit wokgan yo dom nde.

Yakobus 1:27

Suk gato an ben wa Yefun, gato men bi Ai, Yefun Allah nut do, ndo wai o re anato suk sato ré, an mewa pa ti si nggonna gato ku sukye. An mewa nggwa kadit sukibit mwa mo bur ré dom. An do ben suk sane it yo, an ben an bi suk-i ndo wai anane, kwa yo gato ibit mo nde.

1 Petrus 2:17

Nin ben sukndo su yetu mwa ne sino sor. Yé gato onyar kem mo Yesus Kristus, án si nin tepsu yedik mo Yefun Allah bi rus-i, sane nin bi sukjimnut sye kas subot án et. Nin jammo Yefun Allah. Nin jammo suk gato pemerintah bi padosye ki ne dom.

1 Petrus 3:7

Sane dom, nin yebris gato kra ne, nin nutbot nin bi nggon sisu ndo et. Nin bi nggon yo ben bi suk-i nggi saga nin yebris nde. Sane nin nutbot suk gato nin ben su nin bi nggon sisu ndo et. Nin mewa nin bi nggon sisu ndo sor, we Yefun Allah dakai kak os wa nin si nin bi nggon ne sino sok mo An bi rus-i, ete nin sino kem ndo to kapyo mato kapyo. Nin mewa nin bi nggon ne sisu ndo et, subere nin do ki suk su Yefun Allah yo, nin ki suk sisu ndo sor, suk yo yawa suk gato nin ki su Yefun ne nde, wo bere Yefun iwa jam sukdu gato nin ki ne.