1 Timotius 5:2 - Abun Scripture

² Nan ben suk su nggon gato sye nyim kadit nan tepsu nan ben suk su nan bi im. Nan ben suk su nggon gato bi im pe wari kadit nan tepsu nan ben suk su nan bi nyanggon. Nan mewa nan nggwa subere nan ben suk mwa su nggon ne sisu ndo sor, kwa gato ibit wokgan yo dom nde.

1 Timotius 5:2 ပူးပေါင်းရင်းမြစ်များ

Matius 12:50

Ye to ben an bi suk-i tepsu Ji bi Ai mo gu mit anato tepsu Ji bi nji e, Ji bi nyanggon e, Ji bi im e ne.”

Filipi 4:8

Sane ji bi nji, ji bi nyanggon ji yo ki sukdu mwa o nde. Kamdik-kamdik, nin bi sukjimnut sye mo suk sato ré et, nin nutbot suk gato sangge, nin nutbot suk gato ri-roi, nin nutbot suk gato tepsu Yefun Allah mit, nin nutbot suk gato ndo sor, nin nutbot suk gato ibit nde, nin nutbot suk gato ndo wai, nin nutbot suk gato yé ben ete yé mwa iwa ne. Nin nutbot suk gato ndo wai o re, nin nutbot suk gato yé mwa ne un. Nin nutbot suk mwa gane sor re.

1 Tesalonika 5:22

wo kwa gato ibit, men bare wé ko kadit men.

1 Timotius 4:12

Ye ki mo nan do, nan pa wokgan kamekre sor re yo, nan jambot sukdu sane nde, wo nan wergat nan dakai wa nan kadum os gato ndo wa ye gato onyar kem mo Yefun ne sibot sor. Nan ki nan bi sukdu-i ne sisu ndo. Nan ben nan bi suk-i ne ndo. Nan bi sukjimnut sye kas subot ye yi neya. Nan onyar kem mo Yesus Kristus. Nan bare sukibit gato ben nan ibit ne wé kadit nan, nan onyar kwo sor. Nan ben suk mwa sane, subere nan kadum os ndo wa yé mwa gato nan duno ne.

1 Timotius 5:1

Nan ndantom ye gato sye nyim kadit nan nde, wo nan duno ye gato sye nyim pare, tepsu nan duno nan dakai bi ai. Nan ben suk su pa yemsok tepsu nan ben suk su nan bi nji.

1 Timotius 5:3

Nan mewa nggonna gato yé yo ós nde,

2 Timotius 2:22

Nan ben suk tepsu yemsok gato at wa sukdaret ne nde, nan misyar, nan mu tara kadit re. Nan wergat nan dakai subere nan ben nan bi suk-i ndo tepsu Yefun Allah mit sor. Nan wergat nan dakai subere nan ben suk tepsu ye gato onyar kem mo Yesus Kristus. Nan wergat nan dakai subere nan bi sukjimnut sye kas subot ye yi neya. Nan wergat nan dakai subere nan si ye yi kem ndo su yu. Nan grem sukmaskwa mo nan mit nde. Nan si ye gato onyar kwo gato ndek Yefun Allah wa ós án ne ben suk sane sino sor.