1 Timotius 5:1 - Abun Scripture

¹ Nan ndantom ye gato sye nyim kadit nan nde, wo nan duno ye gato sye nyim pare, tepsu nan duno nan dakai bi ai. Nan ben suk su pa yemsok tepsu nan ben suk su nan bi nji.

1 Timotius 5:1 ပူးပေါင်းရင်းမြစ်များ

Matius 23:8

Wo Ji ki sare do, nin sino tepsu yedik, sane nin bes ye yo gum ’yeguru’ daret nde. Nin bi Yeguru ne ka dik sor, Ji dakai.

Suk Gato Yerasul Ben Ne 14:23

Mo kota bok ne sino gato an we mu mone, Paulus si Barnabas bes yekwesu mo nu ari wa mewa ye gato onyar kem mo Yefun Yesus mo kota bok ne. An we mewa nggwa kadit sugit yei, an we ki suk su Yefun sor. An we ki suk su Yefun do, ”Yefun Allah, yekwesu ré onyar kem mo Nan it. Nan mewa án, Nan ben án nggiwa án ben suk tepsu yekwesu wa mewa ye gato onyar kem mo Yefun Yesus.”

Suk Gato Yerasul Ben Ne 15:4

Yé bok gato ye bes wa kibot ye bisunat nje ne mu kom mo Yerusalem sa, ye gato onyar kem mo Yefun Yesus mone e, yerasul e, si yekwesu mo nu ari mone kak án mit wa yé bok gato ma ne. Paulus si Barnabas nuk subot suk mwa gato Yefun Allah ben mo pe gato an we mu mone.

Suk Gato Yerasul Ben Ne 15:6

Yerasul si yekwesu mo nu ari sum sino wa kibot yewis yi gato onyar kem mo Yefun Yesus do, ye bisunat án tepsu Musa bi sukduno ne bado, nde e?

Suk Gato Yerasul Ben Ne 20:17

Tomgato Paulus kem mo Miletus, an syogat ye mu kar yekwesu mo nu ari ge bok yo gato mewa ye gato onyar kem mo Yefun Yesus gato kem mo Efesus ma ku an.

Roma 13:7

Sane sugum pajak gato yekwesu mo bur ré syogat men bi ne, men bi sor. Men bi yekwesu syogat men bi sugum wa sukyo-sukyo it yo, men bi sor. Men un men bi yekwesu sino ete bes an gum kok mo sukndo gato an ben tepsu Yefun Allah bi pakwerut ne.

Galatia 6:1

Ji bi nji, ji bi nyanggon, men ku yetu ge dik yo gato ben sukibit it yo, men yé gato ben men bi suk-i tepsu Yefun Allah Gen mit ne mu ku an, ete men duno an subere an satu ma mo os gato ndo o et. Wo men duno an it yo, men duno an sisu njep sor. Men mewa men nggwa dom, sawe suk yo tik men mit, ete men waii ges mo os ibit ne dom.

1 Timotius 5:17

Yekwesu mo nu ari gato ben suk mone sisu ndo yo, men bes án gum kok, men syo suk nai án mo án bi kamba mone tep yi sor nde, wo mwa wai kadit ne et. Yekwesu gato faiya si duno nje, men bes án gum kok, men syo suk nai án wai kadit yekwesu yi ne,

1 Timotius 5:2

Nan ben suk su nggon gato sye nyim kadit nan tepsu nan ben suk su nan bi im. Nan ben suk su nggon gato bi im pe wari kadit nan tepsu nan ben suk su nan bi nyanggon. Nan mewa nan nggwa subere nan ben suk mwa su nggon ne sisu ndo sor, kwa gato ibit wokgan yo dom nde.

Titus 2:2

Nan duno yebris gato sye nyim kadit nan sare do, án mewa nggwa kadit nau, án ben án bi suk-i ndo, subere ye un án gum mone. Án mewa nggwa kadit sukibit. Án jowa Yefun Allah bi sukduno gato sangge ne pe mo án mit sor. Án bi sukjimnut sye kas subot yé mwa ne tepsu yu. Án ku sukye yo, án misyar Yefun nde, wo án simo Yefun pe sor. Nan duno yenggras sane.

Titus 2:6

Sane dom, nan duno yemsok, subere án mewa nggwa.

Yakobus 3:17

Sarewo ye gato Yefun Allah kak bi sukjimnut ko wa jam suk mwa ne bere ben bi suk-i sare do, kwa gato sye wai anato an ben an bi suk-i ndo petok sor, kwa gato ibit yo mo nde. Sane dom, an werwa subere an si ye yi kem ndo su yu sino, an ben an bi suk-i njep, an nutbot ye yi bi sukdu-i, an dakai jimnotku ye yi sye wai o re, an ben suk mwa ne ndo sino bor mone, an ben an bi suk-i su yé mwa ne tepsu yu, an ben suk tepsu suk gato an ki ne.

Yakobus 5:14

Nin deyo i it yo, an kendo yekwesu mo nu ari ma ki suk su Yefun wa an. Yekwesu ne es manik mo an, ete ki Yefun Yesus gum mone.

1 Petrus 5:1

Ji ré anato tepsu yekwesu mo nu ari dik yo. Ji dakai me sukye gato Kristus ku su ji gro re. Bere mo Yefun Allah bi nat-i ji sisu Kristus ku suk gato ndo wai o mone. Sane ji kiwa nin, yekwesu mo nu ari, nin jammo suk gato ji ki ré et, sare,

2 Yohanes 1:1

Ji, gato yekwesu mo nu ari anato krom surat ré wa nan, nggongras gato Yefun Allah bes wa nan ben Yefun bi suk-i. Ji krom surat ré wa nan si nan bi pa-i gato ji jimnotku ndo nde. Ji jimnotku nin sor nde, wo ye mwa ne sino gato jam Yefun Allah bi sukdu gato sangge ne jimnotku nin dom,

3 Yohanes 1:1

Ji, gato yekwesu mo nu ari anato krom surat ré wa nan, Gayus gato ji jimnotku. Ji bi sukjimnut sye kas subot nan ndo nde.

Wahyu 4:4

Kursi musyu we sop at yo o kem wairi wa Yekwesu gato gum kok wai ne bi kursi. Mo kursi mwa ne, yenggras gato gum kok ge musyu we sop at kem mó. Yenggras bok ne it san gato kwo ndo. Án bom yekwesu bi topi emas mo án su.