1 Timotius 4:3 - Abun Scripture

³ Yeguru ne duno nje do, yé fowa kra yu. Yeguru ne duno nje do, yé fowa git sugit wis bok yo. Yeguru ne ki do, men yetu fowa git sugit ne, sarewo Yefun Allah ut sugit mwa ne ndo sino wa men git. Men yé gato onyar kem mo Kristus, ete jam Yefun Allah bi sukduno-i gato sangge, men ki ndo mo Yefun wa sugit ne sa, men git sor, men yo fowa sugit ne nde.

1 Timotius 4:3 ပူးပေါင်းရင်းမြစ်များ

Matius 14:19

Orete Yefun Yesus syogat yé mwa ne kem mo es mo bur, ete An nai roti koi mumek si boge ge we ne. An nai, An sok mu nim mo gu, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne ete syo nai An bi pakon. Pakon ne waii syo nai yé mwa mone git.

Matius 15:11

Yefun Allah yo bariket men mo sugit gato men git ete ngga mo men syokwet ne nde, wo suk gato syesyar kadit men syokwet anato bere ben Yefun Allah bariket men mone.”

Matius 15:36

Orete Yefun Yesus nai roti koi mufit ne si boge, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne, An syo nai bi pakon, ete pakon waii syo nai yé mwa mone git.

Lukas 24:30

An ka gri kem ga wa án git sugit sa, Yefun Yesus nai roti ma, ete An ki do, ”Ndo mo Nan, Yefun Allah wa roti gato Nan syo nai men ré.” Orge Yefun Yesus syat roti ne, An syo nai ye we re.

Yohanes 6:23

Orete kwem bok yo kadit kota Tiberias ma kom mone. Kwem ne nor karowa nat gato yé mwa git roti gato Yefun Yesus ki ndo mo Yefun Allah wa ne, ete syo nai án git ne.

Suk Gato Yerasul Ben Ne 27:35

Paulus ki sane, orge an nai roti, an ki ndo mo Yefun Allah wa roti ne mo yé mwa ne sino gwem. An syat roti ne wa an git.

Roma 14:17

Yefun Allah tepsu men bi Yekwesu, sane it yo, men nutbot syur gato men da teker o nde, men nutbot sugit gato men git e ne teker o nde, wo men bi sukjimnut sye mo suk gato Yefun Allah Gen ben men nggiwa ben sato ré: men nggiwa ben suk gato Yefun Allah iwa men ben ne e, men ku os wa men si Yefun Allah kem ndo su yu e, men mit at wa Yefun Allah bi suk-i e ne.

Roma 14:3

Ye gato git sugit daret ne, do ki ye gato git sukom sor ne gum ibit mone yo, bere siri re. Sane dom, ye gato git sukom sor ne do kiket ye gato git sugit daret ne gum ibit yo, bere siri re, we Yefun Allah nai ye gato git suk mwa ne daret sisu ye gato git sukom ne sino sok mo An bi rus-i it, Yefun yo nut subot sugit gato men git ne nde.

Roma 14:6

Ye gato bes kam deyo gum kok kadit kam deyo o, an ben sane, we an iwa bes Yefun Allah gum kok mone. Ye gato git suk mwa daret, an ben sane, we an iwa bes Yefun Allah gum kok mone, ete an ki ndo mo Yefun Allah mo suk mwa gato an git ne. Sane dom, ye gato bariwa git sugit deyo, an ben sane, we an iwa bes Yefun Allah gum kok mone, ete an ki ndo mo Yefun Allah mo suk gato an git ne.

1 Korintus 6:13

Yé deyo ki do, ”Yefun Allah ut sugit wa men git ngga mo men ondim. Sane dom Yefun ut men ondim fro ndek wa sugit.” Sarewo su kam sari ne ma Yefun Allah ben men ondim si sugit ne sino ibit or re. Sane dom Yefun fro yebris kaim wa nggon, ete nggon kaim wa yebris. Sarewo Yefun Allah yo ut men yebris si nggon kaim wa men ben siri su yu daret nde, wo An ut men kaim wa men ben men bi Yekwesu bi suk-i. Ete An mewa men kaim re.

1 Korintus 7:28

Sarewo nin iwa nin kra yo, nin kra sor, sukibit anane nde. Sane dom, nggonnak iwa mom kra it yo, mom kra sor, sukibit anane nde. Sarewo ye gato kra yo, bere suk mwa syimfar án ndo nde. Ji bariwa suk mwa syimfar nin, sane ndo sa, nin kra nde.

1 Korintus 8:8

men do git sugit ne yo, suk ne yo tepsu sukye yawa mit wa men si Yefun Allah nde. Kapre men git o, men yo git nde o, sugit ne yo ben men karowa Yefun Allah nde, sugit ne yo ben men kem ko kadit Yefun Allah dom nde.

Kolose 2:16

Sane nin jambot ye gato ma ki nin gum ibit mo suk gato nin git si suk gato nin da ne nde. Nin jambot ye gato ma ki nin gum ibit mo suk gato nin ben su kam sye gato nin som Yefun Allah su ne nde. Nin jambot sukdu gato ye ki nin gum ibit mo suk gato nin konwa aina be si kam sye kam Sabat ne nde.

Kolose 3:17

Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

1 Timotius 2:4

Yefun Allah iwa men yetu mwa ne sino si An kem ndo to kapyo mato kapyo. An iwa men sino jam An bi sukdu gato sangge.

1 Timotius 4:4

Suk mwa gato Yefun Allah ut ne ndo sino, sane men yo fowa sugit wis dik yo dom nde. Men ki ndo mo An wa sugit gato An ut ne, sane sa, men git sor, men yo fowa nde.

1 Timotius 5:14

Sane anato ji dakai duno nggonna gato yo din nde tó subere mom kra sor, mom pe pa, mom mewa mom bi pa si mom bi ya mo bi nu-i, subere ye gato bariket men yo ku os wa ki men gum ibit mone nde.

Ibrani 13:4

Yetu ge we kra yu it yo, suk ne ndo wai, sane men sino mewa sukra sisu ndo sor. Yebris si bi nggon bi nggwa nai yu sor re. Yebris si bi nggon ne bi nggwa nai ye yi yo dom nde, we ye ben suk siri sane it yo, bere Yefun Allah syo sukye nai ye ne. Sane dom, bere Yefun Allah syo sukye nai yé mwa ne sino gato ben siri.

Ibrani 13:9

Sane men jammo sukdu daret gato tara kadit Yefun Yesus bi sukdu-i ne nde, sawe sukdu ne gwat men mu mo os siri kadit Yefun bi os-i. Sa ndo sa, men nutbot sukndo gato Yefun Allah ben su men dakai yi sor. Sane bere men bi sukjimnut nggi, wo sukduno daret subot sugit e neya bere yo ós men nde. Ye gato simo sukdu ne yo kom mo pe yo dom nde.