1 Timotius 1:3 - Abun Scripture

³ Su kam gato ji mu kadit nan mu mo bur Makedonia, ji wergat nan subere nan kem pe mo kota Efesus. Ji wergat nan kem pe mone subere nan duyawa yé bok yo gato duno nje su sukduno gato siri.

1 Timotius 1:3 ပူးပေါင်းရင်းမြစ်များ

Suk Gato Yerasul Ben Ne 18:19

Án sino mu kom mo kota Efesus sa, Paulus si Priskila sisu Akwila wat yu. Paulus dakai sok mo ye Yahudi bi nu ari. Mone an ki subot Yefun Yesus subere kak ye Yahudi mone bi sukjimnut, subere án brek kadit os nyim ete simo os be gato Yefun Yesus kak ne.

Suk Gato Yerasul Ben Ne 18:21

Sarewo Paulus mu kadit án sa, Paulus tom su do, ”Yefun Allah imo, yo, bere ji satu ma ku nin more o.” Orge Paulus it mo kwem mu kadit kota Efesus mu mo bur Siria.

Roma 15:26

Ji gwat sugum gato nje mo nu ari mo bur Makedonia si bur Akhaya sum ne. Án mit iwa án sum sugum wa ós ye gato onyar kem mo Yefun Yesus deyo gato yewa suk mo kota Yerusalem.

Roma 16:17

Ji bi nji, ji bi nyanggon, nin mewa nin nggwa kadit ye gato ma wa wat nin ko kadit yu et. Nin mewa nin nggwa kadit ye gato ben nin bi sukjimnut waiyu mo sukduno gato ye ne kibot siri kadit sukduno gato yeguru duno nin suga nyim ne. Nin mu karowa ye ga sane nde.

2 Korintus 11:4

Ji nokwa nin brek kadit Yefun bi os-i, we ji me do, nin iwa yé bok yo gato ma ku nin ete duno nin su sukdu subot Yefun Yesus gato tara kadit sukdu gato men duno nin su ne. Sane dom, ji me do, nin iwa nin jammo suktinggi gato tara kadit Yefun Allah Gen bi suktinggi gato nin ku kadit men re. Sane o, ji jam do, nin iwa nin jammo sukdu gato tara kadit sukdu subot os ndo gato Kristus kak gato men ki nai nin jam ne.

Efesus 4:14

Sane bere men bi sukjimnut tepsu pa wokgan o nde. Yé gato werwa ben kidar men su bi sukduno gato siri, án syeret os wa men, sarewo bere yé ne yo ku os wa tik men muya-muma saga sem bak si nofuf gwat kwem muya-muma ne o nde.

Filipi 2:24

Ji kwabom kam mo Yefun do, bere An kak os wa yepasye sombok ji kadit sel ré. Yé do sombok ji it yo, bere ji ba ku nin mone dom.

1 Timotius 4:11

Nan duno yé mwa su sukduno mwa ne sino gato ma kadit Yefun Allah. Nan syogat yé mwa ne benbot sukduno mwa ne sino sor.

1 Timotius 4:6

Nan duno nan bi nji, nan bi nyanggon, ye gato onyar kem mo Kristus ne su sukduno mwa gane yo, bere nan tepsu ye gato ben Yesus Kristus bi suk-i sisu ndo. Nan ben Kristus bi suk-i sisu ndo, nan sibot Yefun Allah bi sukdu gato men onyar kem mone kadit nan pa wokgan sor kom mo nan sye it anare, nan benbot sukduno gato ndo ne.

1 Timotius 5:7

Nan duno nggonna si bi rus ne sino, subere ye yo ku os wa ye ki án gum ibit mo nggonna ne nde.

1 Timotius 6:10

we men bi sukjimnut sye kas subot sugum yo, bere men ben sukibit mwa bor mone. Yé bok yo werwa ku sugum mwa teker anato án misyar Yesus Kristus bi sukdu-i or re, ete án ku sukye mwa ndo nde. Án kem, án nderbot án nggwa ndo nde.

1 Timotius 6:17

Nan syaugat ye gato ku suk mwa mo bur ré, subere án yo bes án nggwa kok mone nde. Suk mwa ne bergan mó, or o bergan or kadit men re. Nan duno án subere án kwabom kam mo suk mwa gato án ku mo bur ré dom nde. Suk mwa ne yo ós án kem ndo to kapyo mato kapyo nde. Nan duno án subere án kwabom kam mo Yefun Allah gato syo suk mwa ne sino gato men mitmo, Yefun Allah syo suk mwa ne wai o re, subere men ben suk tepsu pe gato men imo.

1 Timotius 6:3

Yé gato duno nje su sukduno daret gato siri kadit men bi Yekwesu Yesus Kristus bi sukduno-i gato sangge, yé gato duno nje su sukduno gato siri kadit Yesus Kristus bi sukduno-i gato kadum Yefun bi os-i nai men ne yo,

2 Timotius 1:18

Nan jam do, tomgatu ji kem mo kota Efesus tó, Onesiforus ós ji mo suk mwa mone. Yefun Allah ete dakai ben sukndo su an su kam gato Yefun Allah ma ndobot yetu mwa ne sino.

2 Yohanes 1:7

Yé mwa gato kidar suk frekbot bur ré iwedewe mó re. Ye gane ki bi sukdu-i sare do, ”Yesus Kristus ma mo bur ré yo, An yo ma su kaim tepsu yetu nde.” Ye gato ki sukdu sane, an kidar, an ki bi sukdu-i tepsu yekwesu mo yeko wa Kristus.

Wahyu 2:14

Sarewo suk bok yo gato Ji bariket nin mó anare: Yetu ge bok yo mo nin bi nu ari ne jom yenabi gato gum do Bileam bi sukduno-i. Kapre Bileam yo dufo mo ye Israel nde, an kadum os nai Balak, ye Israel bi yeko bi yekwesu dik yo, subere Balak gwat ye Israel ges mo os ibit. An ki bi sukdu-i wa tik ye Israel mit wa git sugit gato yé som sukdaret su ne. An ki bi sukdu-i wa tik nje mit subere yebris si nggon da bro wa ben siri su yu.

Wahyu 2:20

Sarewo suk dik yo gato Ji bariket nin mone anare: Nin kak nin mit wa nggon gato gum do Izebel ma duno nin, nin yo duyawa mom nde. Nggon ne ki do, Yefun Allah anato bes mom gwat Yefun Allah bi suktaru ma wa nin, sarewo nggon ne kidar Ji bi pakwerut-i ge bok yo mó re. Nggon ne ki bi sukduno-i gwat Ji bi pakwerut bok ne ges mo os ibit. Pakwerut ne ben siri su yu e, án git sugit gato ye som sukdaret su e ne.