1 Petrus 1:2 - Abun Scripture

² Yefun Allah ete mewa nin tep yi sor nde, wo wai o re. Sane dom, Yefun Allah ete uttok nin mo suk mwa ne sino petok sor. Men bi Ai, Yefun Allah nai nin gum sok mo An bi rus-i sagato An fro suga nyim tuya wé re. Yefun Allah Gen bok nggwa mo nin anato nin bi nin nggwa mo Yefun Allah wa nin ben Yefun bi suk-i sor. Sane anato nin jammo Yesus Kristus, ete Yesus Kristus dé gato sye ne ben sato ye dar mo nin mo sukibit gato nin ben ne subere tot sukibit ne or wé kadit nin re.

1 Petrus 1:2 ပူးပေါင်းရင်းမြစ်များ

Matius 24:22

Bere kam gato yé ku sukye su ne Yefun Allah tot napyo wé, ondeyo yé mwa ne kwop or. Yefun Allah jimnotbot yé gato Yefun fro suga nyim wa An nai sok mo An bi rus-i, sane bere An tot kam gato yé ku sukye su ne napyo wé re.

Matius 24:24

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi, ete ben suk gato ben nje yeket ndo nde. Yé bok ne ben bi suk-i, bergan án ben kidar nje gato Yefun fro suga nyim wa Yefun nai sok mo Yefun bi rus-i, sarewo án yo ku os mone nde.

Matius 24:31

Malaikat dik yo fuf trompet ba sye yo, bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Markus 13:20

Wo bere kam gato yé ku sukye ré su ne Yefun Allah tot napyo wé, ondeyo yé mwa ne kwop or. Yefun Allah jimnotbot yé gato An fro suga nyim wa An nai sok mo An bi rus-i, sane bere An tot kam gato yé ku sukye su ne napyo wé.

Markus 13:22

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi gato ben yé yeket ndo nde. Yé bok ne ben bi suk-i, bergan án ben kidar nje gato Yefun Allah fro suga nyim wa Yefun nai sok mo Yefun bi rus-i, sarewo bere yé bok ne yo ku os mone nde.

Markus 13:27

Bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Lukas 18:7

Tepsu yepasye ne syogat ye ben sukye nai ye gato ben sukibit nai nggonna ne, bere Yefun Allah syo sukye nai ye gato ben sukibit nai Yefun bi rus-i gato ndekwa Yefun ós án noru nombrak sor. Bere Yefun Allah ki do, ’Ji me mo et’ bado?

Suk Gato Yerasul Ben Ne 15:18

Yefun Allah ki bi sukdu-i ne kadit nyim tuya re.”

Suk Gato Yerasul Ben Ne 2:23

Yefun Yesus gare, nin si yé bok yo gato ben sukibit ne gu An kwop wé. Nin si yé bok ne mban Yefun Yesus mo kwesukwin. Yefun Allah fro suk gato bor ne su ketke, Yefun Allah jam nyim wé re. Yefun jam do, bere ye syo An mo nin syim-i, orete nin gu An kwop, Yefun Allah jam nyim wé re. Nin da gu An kwop,

Suk Gato Yerasul Ben Ne 20:32

Sane, ji syo nin mo Yefun Allah syim-i, bere An mewa nin tepsu sukdu gato An ki ne. Nin jammo An bi sukdu ne sa, bere sukdu ne ós nin onyar kem mo Yefun Yesus nggi wai o, ete bere An syo sukndo nai nin si yé mwa ne sino gato sok mo An bi rus-i ne.

Roma 1:5

Yefun Allah syogat Yesus Kristus ma mo bur ré anato ji ku suktinggi wa ji ben suk tepsu yerasul. Sane ji iwa bes Yesus Kristus gum kok mone. Ji iwa bes Yesus Kristus gum kok, sane anato ji mu ben Kristus bi suk-i. Ji mu duno yewis ye Yahudi nde, wo ji mu duno yewis yi mwa ne sino mo bur ré, subere án onyar brek ete kem pe mo Yesus Kristus, orete án benbot sukdu gato Yesus Kristus ki ne.

Roma 1:7

Sane anato ji krom surat ré wa nin yé gato onyar kem mo Yefun Yesus gato kem mo kota Roma ne sino. Men bi Ai, Yefun Allah si men bi Yekwesu Yesus Kristus ete mewa nin, Yefun Allah si Yesus Kristus ete uttok nin petok sor.

Roma 11:2

Yefun Allah yo misyar An bi yetuge-i gato An fro su ketke ne nde. Nin jam suk gato ye krom mo Yefun Allah bi sukdu subot Elia bado? Tomgato Elia ki subot sukibit gato ye Israel ben ne, Elia ki nai Yefun Allah sare do,

Roma 11:28

Ye Yahudi bariwa simo os ndo gato Yesus Kristus kak ne anato án tepsu yeko wa Yefun Allah re. Sane anato Yefun Allah fro os ndo wa nin yewis yi ne. Sarewo Yefun Allah fro ye Yahudi su ketke wa sok mo An bi rus-i, anato Yefun Allah bi sukjimnut sye kas subot ye Yahudi tepsu suk gato An tom su ye Yahudi bi amui ne tó.

Roma 15:16

Ji anato tepsu Yesus Kristus bi pakwerut gato An syogat mu ki subot An bi sukdu nai yewis yi neya. Ji ben suk tepsu yegweswai gato gwat Yefun Allah bi sukdu subot os ndo gato Yesus Kristus kak ne mu wa ki nai yewis yi jam. Ji mu ki sukdu ne subere yewis yi ne brek kadit os ibit ete jammo Yefun Allah yo, bere án tepsu suksom gato tep wa yé som Yefun Allah su ne, bere Yefun Allah kak Yefun Allah mit wa án.

Roma 16:19

Yé mwa ne sino jam do, nin sa, nin bi nin nggwa wa nin benbot Yefun Allah bi sukduno-i re, yé mwa ne jam it. Sane ji mit at mo suk mwa gato nin ben ne. Ji iwa nin bi sukjimnut kak subot suk mwa gato ndo sor, wo ji bariwa nin bi sukjimnut kom mo suk gato ibit. Ndo sa, nin jam nde subot suk gato ibit ne re.

Roma 16:26

wo su ré men kibot sukdu ne rer wa yé mwa jam it. Yefun Allah gato gesyos ne, syogat yenabi krombot sukdu ne subere yewis mwa ne sino mo buryo-buryo ku os wa án sino onyar kem mo Yefun Allah, ete yé benbot suk gato Yefun ki ne.

Roma 8:13

Men benbot suk gato Yefun Allah Gen kadum nai men ne sor, we men do benbot sukjimnut gato tik men mit wa ben sukibit ne yo, bere men kwop sor re. Sarewo men jammo Yefun Allah Gen sa, bere Yefun Allah Gen ben men nggiwa men kak sukibit gato men dakai ben ne wé kadit men re. Men do kak sukibit ne wé it yo, bere men kem sisu ndo it anane.

Roma 8:33

Men yé gato Yefun Allah fro suga nyim wa men sok mo An bi rus-i ne te, bere je u anato nggiwa ki men gum ibit mone ne? Mo nde, wo Yefun Allah dakai ki do, men tep wa men sok mo An bi rus-i.

1 Korintus 1:30

Yefun Allah dakai fro os wa men si Yesus Kristus tepsu dik. Yesus Kristus ne kak men bi sukjimnut. Yesus Kristus ne kak os wa men sok mo Yefun Allah bi rus-i. Yesus Kristus kak os wa men ben Yefun Allah bi suk-i sor. Yesus Kristus tot suktot wa men mo sukibit gato men ben ne wé. Men dakai yo ben suk gato ben to Yefun Allah nai men gum sok mo An bi rus-i nde.

1 Korintus 6:11

Suga nyim nin ge bok yo mone ben suk sane re, sarewo su ré, nin brek kadit os ibit gato nin ben suga nyim ne re. Yefun Allah nai nin sok mo An bi rus-i wa nin ben An bi suk-i sor. Men bi Yekwesu Yesus Kristus kak os wa nin subere Yefun Allah yo ben sukye nai nin tepsu sukibit gato nin ben ne nde, wo An ki do, nin sa, tep wa sok mo An bi rus-i. Yefun Allah gato jom men ne, An Gen ós nin onyar kem mo Yefun Yesus anato nin ku os wa sok mo Yefun Allah bi rus-i ne it.

2 Korintus 10:5

Sukdu gato ye bes kok e, sukduno gato ye ki e ne duyawa Yefun Allah bi sukjimnut-i ne yo, men syat wé su Yefun bi sukmise-i ne. Men gwat Yefun Allah bi sukmise-i tepsu suktinggi wa men ki Yefun bi sukdu-i nai nje, subere yé ne win bi sukjimnut-i gato nyim ne wé, ete yé ne brek ma ete jammo Kristus et.

Kolose 3:12

Nin anato sok mo Yefun Allah bi rus-i, An dakai jimnotku nin ndo nde, An bes nin wa nin ben An bi suk-i. Sane anato, nin dakai jimnotku ye yi, nin ben sukndo su ye yi et. Nin bes nin nggwa kok nde, nin ben nin bi suk-i njep su ye yi sor. Kapre nin ku sukye, nin benbot Yefun bi sukdu-i petok sor.

2 Tesalonika 2:13

Men bi nji, men bi nyanggon gato Yefun Yesus jimnotku, Yefun Allah fro nin su ketke subere nin kem ndo to kapyo mato kapyo mo Yefun Allah bi nat-i. Sane men ki ndo mo Yefun noru nombrak sor. Yefun Allah Gen kak nin bi sukjimnut anato nin jambot Yefun Allah bi sukdu gato sangge. Yefun Allah Gen kak nin bi sukjimnut anato nin brek kadit os ibit, ete nin tepsu Yefun Allah bi rus-i gato ben Yefun bi suk-i petok sor. Sane anato nin kem ndo to kapyo mato kapyo it anare.

2 Timotius 2:10

Sane sukye bok yo gato ji ku ne, ji misyar, ji duno nje gat sor, we ji bi sukjimnut mo yé gato Yefun Allah fro suga nyim wa An nai sok mo An bi rus-i ne. Ji duno án su sukdu subot Yesus Kristus, subere án kem ndo to kapyo mato kapyo mo os gato Yesus Kristus kak ne. Ji duno án subere án si Yefun Allah kem ndo su yu mo Yefun bi nat-i gato ndo wai o re.

Titus 1:1

Ji gato gum do Paulus anato krom surat ré wa nan, Titus, gato ji bi pa. Ji anato Yefun Allah bi pakwerut. Ji anato Yesus Kristus bi yerasul. Yefun Allah bes ji, ete syogat ji mu duno yé gato Yefun Allah fro suga nyim wa An nai sok mo An bi rus-i ne. Ji mu duno án subere án jam sukdu gato sangge, subere án onyar kem mo Yefun Allah, subere án ben Yefun bi suk-i.

Ibrani 10:22

Sane men karowa Yefun Allah su men mit dik si men onyar dik et, men onyar kem pe mo Yesus Kristus et. Men karowa Yefun Allah yo, men bi sukjimnut mo men mit waiyu mo sukibit gato men ben suga nyim ne o nde, we men jam do, Kristus tot sukibit ne or wé kadit men it. Men karowa Yefun Allah yo, men onyar kwo, ben sato men kaim kwo tepsu ye mus men su syur kwo it.

Ibrani 11:28

Musa onyar kem mo Yefun Allah, sane anato Musa fro sukdu su nje wa konwa Kam Sye Waiket. Musa syogat ye Israel dar domba dé mo ye Israel bi nusyo de si nusyo napnim subere malaikat gato ma wa gu yé mwa ne sino bi pa doketke ne, yo gu pa mo nu ne nde, wo malaikat ne wai ket sor.

Ibrani 12:24

Mone nin ku Yefun Yesus gato dé sye wa kak os be tepsu yegweswai wa men yetu. Yefun Yesus dé-i ne sa, ben sato ye dar mo nin mo sukibit gato nin ben ne subere tot sukibit ne or wé kadit nin re. Yefun Yesus dé-i gato sye wa kak os gato be ne sa, bi sukdu-i gato Yefun Allah tom su men ndo wai kadit sukdu subot Habel dé-i ne o re. Sane nin yo ku sukye tepsu ye Israel nde, wo ben sato nin ku suk mwa gato ndo mo gu ne it.

Ibrani 5:9

Sane An ben suk mwa gato Yefun Allah fro wa An ben ne or sa, An kak os wa men yetu gato jammo An muket, subere An nai men wé kadit bot gesyos, subere men kem ndo to kapyo mato kapyo.

1 Petrus 1:14

Nin jammo Yefun Allah sisu nin mit dik si nin onyar dik et. Suga nyim ne nin jam Yefun Allah nde tó, nin ben nin bi suk-i ibit ket nin í sor, wo su ré nin ben suk saga nyim ne o nde.

1 Petrus 1:19

wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o re. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

1 Petrus 1:20

Yefun Allah ut bur ré nde tó, An fro Yesus Kristus tepsu suktot nyim wé re. Yefun Allah fro Yesus Kristus kadit ketke ne it, wo su ré, karowa bur ré kru sa, Kristus bor mo bur ré. An ma wa tot sukibit gato men ben ne wé, subere nin dom ku os ndo wa nin sok mo Yefun Allah bi rus-i re.

1 Petrus 1:22

Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

2 Petrus 1:2

Nin jam Yefun Allah si men bi Yekwesu Yesus Kristus kom mo mit anato Yefun Allah mewa nin tep yi sor nde, wo An mewa nin sisu ndo wai kadit ne o re. Sane dom, Yefun Allah ete uttok nin mo suk mwa ne sino petok sor.

2 Yohanes 1:1

Ji, gato yekwesu mo nu ari anato krom surat ré wa nan, nggongras gato Yefun Allah bes wa nan ben Yefun bi suk-i. Ji krom surat ré wa nan si nan bi pa-i gato ji jimnotku ndo nde. Ji jimnotku nin sor nde, wo ye mwa ne sino gato jam Yefun Allah bi sukdu gato sangge ne jimnotku nin dom,

2 Yohanes 1:13

Nggongras, nan bi njim bi pá gato Yefun Allah bes wa ben An bi suk-i ne ki ndo mo nan.

Yudas 1:2

Yefun Allah ete dakai jimnotku nin sye teker. Yefun Allah ete uttok nin petok sor. Yefun Allah ete bi sukjimnut sye kas subot nin petok sor.