तीतुस 3:15 - बिलासपुरी नौआं नियम

¹⁵ मेरे सौगी रैहणे औल़े सारे विश्वासी तिज्जो नमस्कार बोलां ये। अहांरे साथी विश्वासियो सै जे अहांने प्रेम रखां ये, तिन्हांजो नमस्कार बोल्यों। हऊँ प्राथना कराँ भई परमेशरा रा अनुग्रह तुहां सब्बीं पर बणीरा रौ।

तीतुस 3:15 ပူးပေါင်းရင်းမြစ်များ

मत्ती 5:47

“कने जे तुहें सिर्फ अपणे भाईयां जोई नमस्कार करो, तां कुण जेआ महान काम्म कराँ ये? क्या अन्यजातियां रे लोक बी येढ़ा इ नीं करदे?

प्रेरितां 20:34

तुहें अप्पूँ जाणाँ ये भई इन्हें इ हत्थें मेरी कने मेरे साथियां री जरूरतां पूरियां कित्तियां।

1 कुरिन्थियों 16:23

प्रभु यीशुये रा अनुग्रह तुहां पर हुन्दा रौ।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

कुलुस्सियां 4:18

मेरा यनि पौलुसा रा अपणे हत्था रा लिखिरा नमस्कार। याद रखयां हऊँ जेल्ला चा, परमेशरा रा अनुग्रह तुहांजो सौगी रौओ। आमीन।

1 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई तू यीशु मसीह पर विश्वास कराँ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

2 तिमुथियुस 4:22

हऊँ प्राथना कराँ भई प्रभु तेरे सौगी रौ कने परमेशरा रा अनुग्रह तुहां सब्बीं पर बणीरा रौ।

फिलेमोन 1:5

काँह्भई हऊँ प्रभु यीशुये च तेरा विश्वास कने परमेशरा रे लोकां ते तेरे प्यारा रे बारे च सुणां।

इब्रानियों 13:25

तुहां सब्बीं पर परमेशरा रा अनुग्रह हुन्दा रौ। आमीन।

3 यूहन्ना 1:1

हऊँ यूहन्ना कलीसिया रा अगवा, ये चिट्ठी प्यारे मित्र गयुस तिज्जो लिखिराँ, तिसने जे असल च हऊँ प्यार कराँ।