तीतुस 3:12 - बिलासपुरी नौआं नियम

¹² ताहली जे हऊँ तेरले अरतिमास या तुखिकुस जो भेजूँ, तां मेरले निकुपुलिस नगरा जो औणे री पूरी कोशिश करयां, काँह्भई मैं तित्थी ठण्डा रा मौसम कटणे रा निश्चा कित्तिरा।

तीतुस 3:12 ပူးပေါင်းရင်းမြစ်များ

प्रेरितां 20:4

इसा यात्रा च बिरिया वासी पुरूर्स रा पुत्र सोपत्रुस कने थिस्सलुनीकी नगरा चते अरिस्तर्खुस कने सिकुन्दुस, कने दिरबे नगरा रा गयुस, कने तिमुथियुस, कने आसिया प्रदेशा रा तुखिकुस कने त्रुफिमुस तिस सौगी आये।

1 कुरिन्थियों 16:6

पर हुई सक्कां भई हऊँ किछ वगत तुहांले इ रुकी जाऊँ कने सर्दियां रा ये मौसम तुहांरे येत्थी बिताऊँ, ताकि जिस तरफ मांह जाणा, तिस तरफ जाणे च तुहें मेरी मदद करी सक्को।

इफिसियां 6:21

प्रभुये च अहांरे साथी विश्वासी कने बफादार सेवक तुखिकुस तुहां लोकां जो ये सब दस्सी देंगा तिसते जे तुहें मेरी हालत जाणी सक्को भई हऊँ केढ़ा कने क्या करीराँ।

कुलुस्सियां 4:7

अहांरा प्यारा विश्वासी, तुखिकुस सै जे इक बफादार सेवक आ, कने सै जे अहां सौगी प्रभुये री सेवा कराँ, मेरी सारी गल्लां तुहांजो दस्सी देन्गा।

2 तिमुथियुस 4:12

तुखिकुसा जो हऊँ इफिसुस नगरा जो भेज्जी चुक्कीरा।

2 तिमुथियुस 4:21

ठण्ड हुणे ते पैहले औणे री पूरी कोशिश करयां। यूबुलुस, पूदेंस, लिनुस कने क्लौदिया कने सारे विश्वासियां रा तिज्जो नमस्कार।

2 तिमुथियुस 4:9

तिमुथियुस, तू मेरले जल्दी औणे खातर पूरी कोशिश कर।