तीतुस 1:9 - बिलासपुरी नौआं नियम

⁹ कने तिसा सखाई रिया खुशखबरिया पर तिस्सो मजबूतिया ने विश्वास करना चाहिन्दा, सै सन्देश जे सच्चा कने कदीं बदलदा नींआ ताकि सै दुज्जे लोकां जो सही शिक्षा कने हौंसला देई सकगा कने बैहस करने औल़यां जो गल़त साबित करगा।

तीतुस 1:9 ပူးပေါင်းရင်းမြစ်များ

प्रेरितां 18:28

काँह्भई सै पवित्रशास्त्रा ते सबूत दई-दईने भई यीशु इ मसीह आ, बड़े जोरा-सोरा ते यहूदियां जो सब्बीं रे सामणे लाजवाब कित्या।

1 कुरिन्थियों 14:24

पर जे सब भविष्यवाणी करने लगो, कने कोई अविश्वासी या सै जे भाषा नीं समझदा अन्दरा जो आई जो, तां तिस्सो एहसास हूणा भई सै पापी आ कने इन्हा गल्लां रे जरिये तिसरा न्याय हूणा।

1 थिस्सलुनीकियां 5:21

सब्बीं गल्लां जो परखो; सै जे खरियां इया तिन्हौं ग्रहण करीने तिन्हांरा पालन करा।

2 थिस्सलुनीकियां 2:15

इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

1 तिमुथियुस 1:10

व्यभिचारियां, आदमी सै जे आदमियां ने शारीरिक रिश्ता रखां ये, माहणुये रे बेचणे औल़यां, झूट्ठ बोलणे औल़यां, कने झूट्ठी कसम खाणे औल़यां, कने इन्हांजो छड्डिने खरे उपदेशा रे सारे विरोधियां खातर बणाई गईरी।

1 तिमुथियुस 1:15

ये गल्ल सच्च कने हर तरिके ने मनणे लायक इ भई मसीह यीशु पापियां रा छुटकारा करने खातर संसारा च आया, तिन्हां सब्बीं च हऊँ बड़ा पापी आ।

1 तिमुथियुस 1:19

कने तिज्जो मसीह पर लगातार विश्वास करना चाहिन्दा कने तू सैई कर सै जे तू जाणाँ भई ये सही आ। किछ लोकें इस पर ध्यान नीं दित्या तिसरा नतीजा जे ये हुया भई हुण सै मसीह पर विश्वास नीं करदे।

1 तिमुथियुस 4:9

ये गल्ल सच्च कने हर तरिके ने मनणे लायक इ।

1 तिमुथियुस 6:3

जे कोई झूट्ठी शिक्षा देआं, कने अहांरे प्रभु यीशु मसीह रे सही सन्देशा यनि परमेशरा रिया भगतिया रियां शिक्षा ते सहमत नीं हुन्दा,

2 तिमुथियुस 1:13

तिसा सही शिक्षा जो सै जे तैं माहते सुणिरी तिसजो आदर्श बणाईने रख, कने ये विश्वास कने प्यारा ने कर काँह्भई तू मसीह यीशुये चा।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

2 तिमुथियुस 3:14

पर तिमुथियुस तैं तिन्हां गल्लां जो जे सिखीरा कने मजबूतिया ने विश्वास कराँ, तिन्हां पर लगातार विश्वास करदा रैयां, काँह्भई तू तिन्हांजो जाणाँ भई तिज्जो किने इसा सच्चाईया जो सखाईरा।

2 तिमुथियुस 4:3

काँह्भई येढ़ा बगत औणा, ताहली जे लोकां सही शिक्षां जो नीं सुणना, पर तिन्हां अपणिया इच्छा पर चलना कने तिन्हां बौहत सारे येढ़े शिक्षकां जो कट्ठा करना तिन्हां सैई बोलणा जो किछ ये लोक सुणना चांये।

तीतुस 1:11

इन्हां लोकां जो शिक्षा देणे खातर इजाज़त मत देआं, काँह्भई ये लोक नीच कमाईया खातर गल़त गल्लां सखाई ने पूरे परिवारा रे विश्वासा जो बगाड़ी देआंये।

तीतुस 2:1

पर तीतुस, तेरी शिक्षा सच्चिया शिक्षा साई हूणी चाहिन्दी।

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

प्रकाशितवाक्य 2:25

पर हाँ, सै जे तुहांले आ, तिस्सो मेरे औणे तक मजबूतिया ने थम्मी रखा।

प्रकाशितवाक्य 3:11

हऊँ जल्दी आया रां; जो किछ तेरले आ तिस्सो थम्मी रख, भई कोई तेरा मुकट तेरते खोई नीं लओ।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।