तीतुस 1:4 - बिलासपुरी नौआं नियम

⁴ तीतुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई अहें दोन्नो यीशु मसीह पर विश्वास कराँ ये। हऊँ प्राथना कराँ भई पिता परमेशर, कने मसीह यीशु अहांरा छुटकारा करने औल़े तिज्जो अनुग्रह कने शान्ति देओ।

तीतुस 1:4 ပူးပေါင်းရင်းမြစ်များ

लूका 2:11

भई आज्ज राजा दाऊद रे नगर बैहतलम च तुहांरे खातर पापां ते छुटकारा देणे औल़े मुक्तीदाते रा जन्‍म हुया कने सैई मसीह प्रभु आ।

यूहन्ना 4:42

तिन्हे तिसा जनाना ने गलाया, “हुण अहें सिर्फ तेरे बोलणे तेई विश्वास नीं करदे; काँह्भई अहें अप्पूँ इ तिस्सो सुणील्या कने हुण अहें ये जाणीगे भई सच्ची जो येई हाया सै जे संसारा रा छुटकारा करने औल़ा।”

रोमियो 1:12

यनि मेरा मतलब येआ भई ताहली जे हऊँ तुहांले होऊं, तां अहें तिस विश्वासा रे जरिये सै जे माह च कने तुहां चा, इक्की दुज्जे ते प्रेरणा पाओ।

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

2 कुरिन्थियों 12:18

मैं तीतुस ने विनती करीने तिस सौगी तिस विश्वासी भाईये जो तुहांले भेज्या, पर तितुसे तुहांजो कोई धोखा नीं दित्या। पर तीतुस कने मैं इक तरिके ने कने इक मकसदा ने व्यवहार कित्या।

2 कुरिन्थियों 2:13

मेरे सौगी काम्म करने औल़े तीतुस जो तित्थी नीं पाईने हऊँ बड़ा दुखी था; इस खातर हऊँ त्रोआस नगरा जो छड्डिने वापस मकिदुनिया प्रदेशा च आईग्या।

2 कुरिन्थियों 4:13

पवित्रशास्त्रा च ये लिखिरा, “मैं विश्वास कित्या था इस खातर मैं गलाया।” अहां च बी विश्वासा री सैई आत्मा इ कने अहें बी विश्वास कराँ ये इस खातर अहें बी बोलां ये।

2 कुरिन्थियों 7:6

उदास लोकां जो तसल्ली देणे औल़े परमेशरे तीतुस जो येत्थी भेज्जीने अहांजो तसल्ली दित्ति।

2 कुरिन्थियों 8:16

परमेशरा रा धन्यवाद ओ तिने जे तीतुस रे दिला च तुहांरी सहायता रे खातर तेढ़ा इ जोश भरीत्या, तेढ़ा जे मेरे दिला च तुहांरे खातर आ।

2 कुरिन्थियों 8:23

जे कोई तीतुस रे बारे च पुच्छे, तां सै तुहांरे बिच सहायता करने च मेरा साथी कने सौगी-सौगी काम्म करने औल़ा रैया; कने तित्थी तक जे अहांरे साथी विश्वासियां रा स्वाल आ, सै त कलीसियां रे सनेहा देणे औल़े कने मसीह जो आदर देआंये।

2 कुरिन्थियों 8:6

इस खातर अहें तीतुस ने विनती कित्ती भई तियां जे तिने पैहले अपणे कम्मां जो शुरु कित्या था, तियां इ इस दान्ना रिया सेवा जो पूरा करने खातर तुहांरी मदद करो।

गलातियां 2:3

पर तीतुस जो बी सै जे मेरे सौगी था कने सै जे यूनानी था, फेरी भीं तिस्सो खतना करने जो मजबूर नीं कित्या।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

इफिसियां 1:2

तुहांजो अहांरे पिता परमेशर कने यीशु मसीह रिया तरफा ते अनुग्रह कने शान्ति मिलदी रौ।

कुलुस्सियां 1:2

हऊँ कुलुस्से नगरा च रैहणे औल़े पवित्र लोकां जो कने मसीह रे सच्चे विश्वासी भाईयां जो ये लिखिराँ। अहांरे पिता परमेशरा तुहांजो अनुग्रह कने शान्ति देन्दे रौ।

1 तिमुथियुस 1:12

हऊँ अहांरे प्रभु यीशु मसीह रा धन्यवाद कराँ, तिने जे मिन्जो सामर्थ दित्तिरी, भई तिने मिन्जो बफादार समझीने अपणिया सेवा खातर नियुक्त कित्या।

2 तिमुथियुस 1:1

हऊँ पौलुस, परमेशरा री इच्छा ते यीशु मसीह रा प्रेरित आ ताकि हऊँ ये सन्देश प्रचार करी सक्कूँ भई परमेशरे अनन्त जीवन देणे रा वायदा कित्तिरा सै जे मसीह यीशुये चा।

2 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक प्यारे पुत्रा साई आ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

तीतुस 1:3

कने हुण ठीक बगता पर परमेशरे ये खुशखबरी अहां पर प्रगट कित्ती कने अहें ये सब्बीं जो प्रचार कराँ ये। अहांरा छुटकारा देणे औल़े परमेशरे मिन्जो ये जिम्मेवारी दित्ति कने तिसरे खातर ये काम्म करने जो तिने मिन्जो हुक्म दित्या।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

2 पतरस 3:2

हऊँ चांह भई तुहें तिन्हां गल्लां जो याद करा तिन्हांजो जे पवित्र भविष्यवक्तयां बौहत पैहले बोल्या था, कने अहांरे प्रभु कने छुटकारा करने औल़े रे तिन्हां हुक्मां जो बी याद करा सै जे तुहांरे प्रेरितां यनि अहांरे जरिये दित्तिरे थे।

1 यूहन्ना 5:14

कने अहांरा परमेशरा च ये आत्मविश्वास आ भई जे अहें तिसरिया इच्छा रे मुतावक तिसते विनती करिये, तां सै अहांरी सुणां,

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।