रोमियो 9:4 - बिलासपुरी नौआं नियम

⁴ सै इस्राएली लोक ये, तिन्हांजो जे परमेशरे गोद लेईरा कने पुत्र हुणे रा अधिकार दित्तिरा, सै जे परमेशरा रिया महिमा रा दर्शण करी बैठिरे, सै जे परमेशरा रे करारा रे भागीदार ये, तिन्हांजो जे मूसा री व्यवस्था दित्ति गईरी कने सच्ची अराधना कने परमेशरा रे वायदे तिन्हांरे इ हाये।

रोमियो 9:4 ပူးပေါင်းရင်းမြစ်များ

मत्ती 21:33

“इक होर उदाहरण सुणा: इक जमीनदार था, तिने अंगूरां रा इक बगीचा लगाया, कने तिसरे चऊँ पासयां बाड़ लाईती, फेरी अंगूरां रा रस नकाल़णे जो इक खड्डा खुणया कने तिसरिया रखवाल़िया रे खातर इक ऊच्ची दवाल बणाई, फेरी बगीचा ठेकेदाराँ जो ठेके पर देईने अप्पूँ दूर प्रदेशा जो चलिग्या।

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

यूहन्ना 1:47

यीशुये नतनएला जो अपणी तरफ औन्दे देखीने तिसरे बारे च गलाया, “येआ इक सच्चा इस्राएली वंशज तिस्च जे कोई खोट निआं।”

प्रेरितां 2:39

काँह्भई ये वादा तुहां, कने तुहांरियां औल़ादां, कने तिन्हां सबनी दूरा-दूरा रे लोकां खातर बी हया तिन्हांजो जे प्रभु अहांरा परमेशर अप्पूँ ला सदगा।”

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

रोमियो 8:15

काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

रोमियो 9:6

पर येढ़ा निआं भई परमेशरे अपणा वायदा पूरा नीं कित्या, काँह्भई सै जे इस्राएल रे बंशज ये, हकीकत च सै सारे इस्राएली नींये;

2 कुरिन्थियों 11:22

क्या सै इब्रानी ये? तां हऊँ बी इब्रानी आ। क्या सै इस्राएली ये? तां हऊँ बी इस्राएली आ। क्या सै अब्राहम रे बंशा रे? तां हऊँ बी अब्राहम रे बंशा रा।

गलातियां 3:16

तियां इ परमेशरे अपणे वायदे अब्राहम कने तिसरे बंशा ने कित्ते। पवित्रशास्त्र ये नीं बोलदा, “भई तेरे बंशां जो” सै जे बौहत लोकां रे बारे च बोलां, पर ताहली जे पवित्रशास्त्र बोलां “तेरे बंशा जो” ये इक्की माहणुये रे बारे च बोलां सै जे मसीह आ।

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

इब्रानियों 9:1

हुण पैहलिया वाचा जो बणाये रखणे रे खातर लोकां जो किछ नियमा रे मुतावक परमेशरा री अराधना करनी थी, कने अराधना करने रे खातर धरतिया पर इक तम्बू बणाया गया था।

इब्रानियों 9:10

परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

इब्रानियों 9:3

दुज्जा हिस्सा परदे रे पिच्छे था, तिस्सो जे परम पवित्रस्थान बोलां ये।

इब्रानियों 9:5

सन्दूका रे ऊपर करुब बणीरे थे सै जे परमेशरा रिया मौजूदगिया जो दस्सां थे। सै अपणे फंगा ने तिसा जगह पर छाया करी रां थे तित्थी जे पाप माफ कित्ते गये थे। पर हुण इन्हां गल्लां री चर्चा अहें बिस्तारा ने नीं करी सकदे।

इब्रानियों 9:6

सब्बीं किजि रे इस तरिके ने त्यार हुणे ते बाद याजक तम्बुये रे पैहले हिस्से च हर रोज जाईने अपणिया सेवा रा काम्म कराँ थे,