रोमियो 9:32 - बिलासपुरी नौआं नियम

³² कोई पुच्छी सक्कां, तिन्हांजो व्यवस्था काँह नीं मिली? काँह्भई सै अपणे खरयां कम्मां पर निर्भर थे, पर परमेशरा पर विश्वास नीं करदे थे, तिन्हे तिस पत्थरा ने ठोकर खाद्दि सै जे ठोकर देआं,

रोमियो 9:32 ပူးပေါင်းရင်းမြစ်များ

मत्ती 13:57

इस तरिके ने तिन्हे तिसजो स्वीकार नीं कित्या; पर यीशुये तिन्हाने गलाया, “भविष्यवक्ते रा अपणे गाँवां कने परिवारा जो छड्डिने सारे आदर कराँ ये।”

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

लूका 7:23

कने परमेशर तिस माहणुये जो आशीष देआं सै जे माह पर विश्वास करना नीं छडदा।”

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

रोमियो 11:11

फेरी हऊँ पुच्छां ताहली जे इस्राएली लोक गिरे, तां क्या तिन्हांरा गिरना तिन्हांरे खातर नाश होणे री वजह बणया? विल्कुल नीं! पर तिन्हारे अविश्वासा रिया वजह ने अन्यजातियां जो छुटकारा मिलया ताकि यहूदियां जो जल़ण हुईजो।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

1 पतरस 2:6

काँह्भई पवित्रशास्त्रा बोलां : “देक्खा! हऊँ सिय्योन च कुणे रा पैहला चुणीरा कने बौहत कीमती पत्थर रक्खां; कने सै जे कोई तिस पर विश्वास करगा, तिस्सो कदीं बी शर्मिन्दा नीं हुणे पौणा।”

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।