रोमियो 9:19 - बिलासपुरी नौआं नियम

¹⁹ तां तुहां चते कोई मिन्जो ये पुछगे, “जे ये येढ़ा, तां परमेशर काँह अहांजो दोष लगां? काँह्भई कोई बी परमेशरा जो उसते रोकी नीं सकता तिसजो जे सै करना चाँह।”

रोमियो 9:19 ပူးပေါင်းရင်းမြစ်များ

मरकुस 14:21

काँह्भई माहणुये रा पुत्र यनि हऊँ त मरने इ औल़ा, तियां जे पवित्र शास्त्रा च भविष्यवक्तयां मेरे बारे च दस्सीरा, पर तिस माहणुये जो बौहत भयानक सजा मिलणी तिस जे माहणुये रे पुत्रा जो यनि मिन्जो पकड़वाणा! जे तिस माहणुये रा जन्म इ नीं हुईरा हुंदा, तां तिस खातर भला हुंदा।”

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

रोमियो 11:19

फेरी तू बोलणा, “हाँ, पर डाल़ियां इस खातर तोड़ियां भई मेरी कलम लगी जाओ।”

1 कुरिन्थियों 15:12

हुण जे मसीह रा ये प्रचार कित्या जां, भई मसीह मूईरयां चते ज्यूंदा हुईरा, तां तुहां चते कितणे कियां बोल्ली सक्कां ये, भई मूईरयां रा भीं ते जिऊंदा हूणा इ नींआ?

1 कुरिन्थियों 15:35

हुण कोई ये पुच्छी सक्कां, “मुड़दे कियां जिऊंदा कित्ते जाणे? कने तिन्हांरा शरीर किस तरिके रा हूणा?”

याकूब 1:13

ताहली जे किसी री परीक्षा हुआं इ तां सै ये नीं बोल्लो, भई “परमेशर मेरी परीक्षा करी रां, काँह्भई बुरियां गल्लां ते परमेशरा री परीक्षा नीं हुई सकदी, कने नांई सै किसी री परीक्षा अप्पूँ लेआं।

याकूब 2:18

पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा।