रोमियो 9:11 - बिलासपुरी नौआं नियम

^11-12 जुड़वा बच्चयां रे जमणे ते पैहले कने सै किछ बी भला बुरा करने ते पैहले परमेशरे रिबका जो बोल्या, भई “तेरे बड्डे बेटे छोट्टे री सेवा करनी।” परमेशरे ये दसणे खातर ये बोल्या भई सै अपणा चुनाब खुद कराँ कने इसरी वजह ये नीं थी भई तिन्हां चते किन्हिये किछ कित्या था।

रोमियो 9:11 ပူးပေါင်းရင်းမြစ်များ

रोमियो 4:17

तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

इफिसियां 2:9

कने ये अहांरे कित्तिरे कर्मां रा फल़ निआं तिसरा जे कोई घमण्ड करी सक्को।

इफिसियां 3:11

ये तिस सनातन इच्छा रे मुतावक हुया सै जे तिने अहांरे प्रभु यीशु मसीह च पूरी कित्तिरी।

1 थिस्सलुनीकियां 1:4

परमेशरा रे प्यारे लोको कने अहांरे भाईयो, अहें जाणाँ ये भई तुहें परमेशरे चुणीरे।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”