रोमियो 8:9 - बिलासपुरी नौआं नियम

⁹ पर तां जे भई परमेशरा रा आत्मा तुहां च वास कराँ, तां तुहें पापी स्वभावा ने नीं पर पवित्र आत्मा रे मुतावक जीयें। जे किसी च मसीह रा आत्मा निआं तां सै मसीह रा जन नींआं।

रोमियो 8:9 ပူးပေါင်းရင်းမြစ်များ

लूका 11:13

जे तुहें बुरे हुईने अपणयां बच्चयां जो खरियां चिज़ां देणा जाणाँ ये, तां स्वर्गीय पिता अपणे मंगणे औल़यां जो पवित्र आत्मा काँह नीं देंगा।”

यूहन्ना 14:17

यनिके पवित्र आत्मा तिसजो जे संसारा रे लोक ग्रहण नीं करी सकदे, काँह्भई सै नांत इस्सो जाणाँ ये कने नांई देखी सक्कां ये; पर तुहां तिसरा पता, काँह्भई तिस सदा तुहांजो रैहणा कने तुहां च वास करना।

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

यूहन्ना 3:6

माता-पिता अपणे बच्चयां जो जन्म दें, फेरी बी सिर्फ परमेशरा रा आत्मा तुहांजो परमेशरा रिया सन्तान्ना रे रूपा च बदली सक्कां।

प्रेरितां 16:7

तिन्हें मूसिया प्रदेशा रिया सीमा रे नेड़े पुज्जी ने, बितूनिया इलाके च जाणा चाया; पर पवित्र आत्मे तिन्हांजो जाणे नीं दित्या।

रोमियो 7:5

काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

1 कुरिन्थियों 15:23

पर हरेक अपणिया-अपणिया बारिया ते: जिऊंदा हुणे औल़यां च पैहले मसीह; फेरी तिसरे औणे पर तिसरे लोक।

1 कुरिन्थियों 3:16

क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

1 कुरिन्थियों 6:17

कने सै जे प्रभुये री संगतिया च रैआं, सै तिसने सौगी इक आत्मा हुई जां।

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

2 कुरिन्थियों 10:7

तुहें सिर्फ सै जे सामणे आ तिसरे इ बाहरले रुपा जो देखां ये। जे किसी रा अपणे बारे च ये भरोसा भई सै मसीह रा, तां सै ये बी जाणी लो, भई तियां जे सै मसीह रा तियां इ अहें बी मसीह रे।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 2:22

तिसच जे तुहें बी पवित्र आत्मा रे जरिये परमेशरा रे रैहणे री जगह हुणे खातर सौगी बणाए जायें।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

फिलिप्पियां 1:19

काँह्भई हऊँ जाणाँ भई तुहांरियां प्राथनां रे जरिये कने तिसा पवित्र आत्मा रिया सहायता ते तिसजो जे यीशु मसीह भेज्या मेरा छुटकारा हूणा।

2 तिमुथियुस 1:14

पवित्र आत्मा रिया सामर्था रे जरिये सै जे अहां च वास कराँ तिसा सच्चाईया री रखवाल़ी कर सै जे तिज्जो सौपी गईरी।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

1 यूहन्ना 3:24

कने सै जे तिसरयां हुक्मां रा पालन कराँ, सै परमेशरा ने संगती रखां, कने परमेशर तिसच बास हुआं। कने इसते इ यनि तिस पवित्र आत्मा ते सै जे तिने अहांजो दित्या, अहें जाणाँ ये, भई परमेशर अहांरे अन्दर बास कराँ।

1 यूहन्ना 4:13

इसते इ अहें जाणी सक्कां ये भई अहें परमेशरा च बास कराँ ये, कने सै अहांरे अन्दर बास कराँ, काँह्भई तिने अपणा पवित्र आत्मा अहांजो दितिरा।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।