रोमियो 8:38 - बिलासपुरी नौआं नियम

^38-39 काँह्भई हऊँ निश्चित आ भई परमेशरा रा प्यार सै जे अहांरे प्रभु यीशु मसीह चे तिसते किछ बी अहांजो लग नीं करी सकदा; इसते कोई फर्क नीं पौन्दा भई अहें मरी जायें या जिऊंदा रैं; स्वर्गदूत, राजा, उपरा रियां या थल्ले रियां शक्तियां अहांजो परमेशरा रे प्यारा ते लग करने च सामर्थी नींआ, हुण क्या हुया राँ कने भविष्य च क्या हूणा कने नां कोई सृष्टि अहांजो तिसरे प्यारा ते लग करी पांगे।

रोमियो 8:38 ပူးပေါင်းရင်းမြစ်များ

यूहन्ना 10:28

कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

रोमियो 14:7

अहां चते कोई बी नांत अपणे खातर जीआं, कने नां अपणे खातर मराँ।

रोमियो 14:8

जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ।

रोमियो 4:21

तिस्सो पूरा विश्वास था भई परमेशरे सै वायदा जे तिसने कित्या था, तिस्सो पूरा करने च सै पूरी तरह सामर्थी आ।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

1 कुरिन्थियों 15:24

इसते बाद अन्त हूणा, तिस वगत मसीहे सारी प्रधानता कने सारा अधिकार कने सामर्था रा अन्त करीने राज्जा जो परमेशर पिता रे हत्था च सौंपी देणा।

2 कुरिन्थियों 11:14

इसच कोई हैरानिया री गल्ल नीं, काँह्भई शैतान बी त परमेशरा रे चमकणे औल़े दूता रा रुप धारण करी लेआं।

2 कुरिन्थियों 4:13

पवित्रशास्त्रा च ये लिखिरा, “मैं विश्वास कित्या था इस खातर मैं गलाया।” अहां च बी विश्वासा री सैई आत्मा इ कने अहें बी विश्वास कराँ ये इस खातर अहें बी बोलां ये।

इफिसियां 1:21

तिसा जगह सारे राजयां पर, अधिकाराँ पर, सामर्थां पर, प्रभुता, कने हरेक नौंवां रे ऊपर, सै जे न सिर्फ इस लोका च, पर औणे औल़े लोका च बी तिसरा इ नौं सब्बीं ते ऊपर मन्नया जाणा।

कुलुस्सियां 1:16

काँह्भई परमेशरे तिसरे इ जरिये सारिया सृष्टिया जो बणाया, स्वर्गा री ओ या धरतिया री, देखी या अणदेखी चीजां ओ, संघासण या राज ओ, राजा या अधिकारी ओ, सारा किछ तिसरे जरिये कने तिसरे इ खातर बणाया गईरा।

कुलुस्सियां 2:15

परमेशरे क्रूसा रे जरिये शासकां कने अधिकारियां जो हराया कने क्रूसा रे जरिये तिन्हां पर जय पाईने तिन्हांरा लोकां रे सामणे तमाशा बणाया।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।