रोमियो 8:36 - बिलासपुरी नौआं नियम

³⁶ तियां जे पवित्रशास्त्रा च लिखिरा, “परमेशरा रे खातर हर रोज लोक अहांजो मारने री धमकी दें; कने अहां लोकां जो सै बढणे औल़ी भेड्डां साई समझां ये।”

रोमियो 8:36 ပူးပေါင်းရင်းမြစ်များ

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

प्रेरितां 8:32

पवित्रशास्त्रा रा सै पाठ जे सै पढ़या रां था, सै ये था : “सै भेड्डां साई कटोणे जो पुजाया गया, कने तियां जे भेड्डा रा बच्चा अपणी ऊन कड्डणे औल़यां रे सामणे चुप-चाप रैयां, तियां इ तिने बी अपणा मुँह नीं खोल्या, ताहली जे लोक तिस्सो पीड़ा दें थे।

1 कुरिन्थियों 15:30

कने अहें बी कजो हर वगत खतरे च पैईरे रैं?

1 कुरिन्थियों 15:31

अरे साथी विश्वासियो, तियां जे ये सच्च आ भई हऊँ तुहांरे बारे च घमण्ड कराँ काँह्भई तुहें अहांरे प्रभु मसीह यीशुये चे, तियां इ ये बी सच्च आ भई हऊँ हर रोज मौती रा सामना कराँ।

1 कुरिन्थियों 4:9

मिन्जो येढ़ा लगां भई परमेशरे अहां प्रेरितां जो जलूसा च मौती री सजा पाईरे माहणुये साई सब्बीते आखिरी जगह च रखीरा। अहें सारे संसार, स्वर्गदूतां कने माहणुआं रे सामणे इक तमाशा बणीगरे।

2 कुरिन्थियों 1:9

हकीकत च अहें अपणे मना च ये समझी बैठिरे थे भई अहें मरने औल़े, ताकि अहें खुद अप्पूँ पर जादा भरोसा नीं रखीने तिस परमेशरा पर भरोसा करिये सै जे मूईरयां जो बी भीं ते जिऊंदा करी देआं।

2 कुरिन्थियों 11:23

क्या सैई मसीह रे सेवक ये? हऊँ पागला साई बोलां, हऊँ त तिन्हांते बी बड्डा मसीह रा दास आ! मैं तिन्हांते बौहत कठण मेहणत कित्तिरी; हऊँ कई बार जेल्ला गया; मिन्जो अनगिणत बार कुट्टया गया, कने लगातार मिन्जो मौती रा सामना करना पैया।

2 कुरिन्थियों 6:9

किछ लोक अहांजो अंजाण समझां ये, जबकि अहौं सारे जाणाँ ये; अहें मूईरे समझे जायें, पर फेरी भीं अहें जिऊंदा ये; अहांजो सजा त दित्ति जाँई, पर अहें प्राणा ते मारे नीं जान्दे।

फिलिप्पियां 3:10

हऊँ मसीह जो जाणना चाँह कने तिसा सामर्था जो महसूस करना चाँह तिसे जे मसीह जो मूईरयां चते जिऊंदा कित्या। तिने सै जे दुख सैया हऊँ बी तेढ़ा इ दुख सैईने तिसरा सहभागी हूणा चाँह, कने तियां जे सै मरया तियां इ हऊँ बी मरना चाँह।