रोमियो 8:34 - बिलासपुरी नौआं नियम

³⁴ कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

रोमियो 8:34 ပူးပေါင်းရင်းမြစ်များ

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

यूहन्ना 16:23

तिस वगत ताहली जे तुहां मिन्जो भीं देखणा तुहां मेरते कोई स्वाल नीं पुछणे। हऊँ तुहांजो सच-सच बोलां, भई जो किछ तुहां पिता ते मेरा चेला हुणे रे नाते मंगणा, तिस्सो सै सब किछ मिली जाणा।

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

रोमियो 14:13

इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।

रोमियो 14:9

काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 8:27

पर मना जो जाँचणे औल़ा परमेशर जाणाँ भई पवित्र आत्मा क्या बोलीराँ? काँह्भई सै पवित्र लोकां रे खातर परमेशरा री इच्छा रे मुतावक विनती कराँ।

कुलुस्सियां 3:1

काँह्भई परमेशरे तुहांजो मसीह ने सौगी मूईरयां चा ते जिऊंदा करीने खड़ा कित्या, तां तिन्हां चिज़ां रे खातर कोशिश करदे रौआ, सै जे स्वर्गा च मौजूद इयां तित्थी जे मसीह परमेशरा रे सज्जे पास्से बैठिरा।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।