रोमियो 8:32 - बिलासपुरी नौआं नियम

³² परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।

रोमियो 8:32 ပူးပေါင်းရင်းမြစ်များ

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

मत्ती 7:11

इस खातर तां जे तुहें बुरे हुईने, अपणयां बच्चयां जो खरियां चिज़ां देणा जाणाँ ये, तां तुहांरा स्वर्गीय पिता अपणे मंगणे औल़यां जो खरियां चिज़ां काँह नीं देंगा?

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

रोमियो 11:21

काँह्भई तां जे परमेशरे असली डाल़ियां पर दया नीं कित्ती, तां तिस तूह पर बी दया नीं करनी।

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

1 कुरिन्थियों 2:12

पर अहें संसारा रा आत्मा नीं पाया, पर सै आत्मा पाया सै जे परमेशरा रिया तरफा तेआ ताकि अहें तिन्हां गल्लां जो जाणिये सै जे परमेशरे अहांजो मुख्ता त दित्तिरे।

2 कुरिन्थियों 4:15

ये सारा किछ तुहांरे खातर इ कित्या गईरा, ताकि परमेशर कितना अनुग्रहकारी आ जादा ते जादा लोक जाणगे, कने बौहत सारे लोक परमेशरा री प्रशंसा कने आदर करगे।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

1 यूहन्ना 4:10

सच्चा प्यार इसच निआं भई अहें परमेशरा ने प्यार कित्या, बल्कि इसच आ भई तिने अहांने प्यार कित्या कने अहांरे पापां रे प्रायश्चिता खातर अपणे पुत्रा जो भेज्या।

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।