रोमियो 8:27 - बिलासपुरी नौआं नियम

²⁷ पर मना जो जाँचणे औल़ा परमेशर जाणाँ भई पवित्र आत्मा क्या बोलीराँ? काँह्भई सै पवित्र लोकां रे खातर परमेशरा री इच्छा रे मुतावक विनती कराँ।

रोमियो 8:27 ပူးပေါင်းရင်းမြစ်များ

मत्ती 6:8

इस खातर तुहें तिन्हां साई नीं बणा, काँह्भई तुहांरा पिता तुहांरे मंगणे ते पैहले इ जाणाँ भई तुहांरी जरूरत क्या इ।”

लूका 16:15

फेरी यीशुये तिन्हाने गलाया, तुहें लोकां रियां नज़राँ च बड़े धर्मी बणां ये, पर परमेशर तुहांरे कपटी स्वभावा जो जाणाँ। माहणुआं रिया समझा च सै जे खास आ, सै परमेशरा रिया नज़राँ च बेकार आ।

यूहन्ना 14:13

जो किछ तुहां मेरे नौआं ते मेरते मंगणा सै माह करी देणा, ताकि पुत्रा रे जरिये पिता री महिमा हो।

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

प्रेरितां 1:24

कने ये प्राथना किति, “हे प्रभु, तू जे सब्बीं रे मना जो जाणाँ, ये प्रगट कर भई इन्हां चते तैं किस्सो चुणीरा,

प्रेरितां 15:8

मना रे जाँचणे औल़े परमेशरे तिन्हांजो बी अहां साई पवित्र आत्मा देईने ये साबित कित्या भई तिने तिन्हांजो अपणयां लोकां साई ग्रहण कित्या;

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

रोमियो 8:6

जे अहांरा मन अहांरे पापी स्वभावा रे जरिये चलां तां अहां मरना, पर जे अहांरा मन आत्मा रे जरिये चलां तां अहांले जीवन कने शान्ति हूणी।

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

याकूब 5:16

इस खातर तुहें अप्पूँ चियें इक्की दुज्जे रे सामणे अपणे-अपणे पापां जो मन्नी लौआ, कने इक्की दूये रे खातर प्राथना करा, ताकि तुहें भले चंगे हुई जाओ : धर्मी माहणुये रिया प्राथना रे असरा ने बड़ा किछ हुई सक्कां।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।